Joel 1:19 - Tedim Bible Revision 2017

¹⁹ Topa aw, nangma tungah kong kiko hi. Bang hang hiam cih leh mei in a kattum tawh kibangin, lo nona leitang khempeuh le singkung khempeuh keu mang khinta hi.

Tedim Bible

¹⁹ Topa aw, nangma tungah kong kiko hi, Bang hang hiam cih leh mei in a kattum tawh kibangin, lonona leitang khempeuh leh singkung khempeuh keu mang khin hi.

Joel 1:19 Referans Kwoze

Jeremiah 9:10

“Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Late 50:15

Haksat hun ciangin keima tungah hong ko un. Note kong hon khia dinga, note in keima min nong thangsak ding uh hi,” a ci hi.

Amos 7:4

Tua ciangin Topa Pasian in hih bangin hong musak leuleu hi: Meikuang tawh a mite gim a pia dingin amah hong kithawi a, tuipite keu tumsakin leitung zong a hal tum dingin a hong kipan hi.

Micah 7:7

Ahi zongin keʼn ka hih leh Topa mah ka en dinga, kei hong suaktasak Pasian ka ngak ding hi. Ka Pasian in ka thu hong ngai ding hi.

Luka 18:7

A sun a zanin ama tungah a thumthum ama miteʼ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Joel 2:3

A madawkte, a hal tum thei meikuang bang a, a nungdalte, mei-am alh tawh kibang hi. Amau hong tun ma-in gam sungteng khempeuh Eden huan a bang hi a, amauʼ khit ciangin a kinusiacip keugaw gam tawh kibang hi. Amaute kiang pan a suakta bangmah om lo hi.

Late 91:15

Amah in hong sap ciangin amah ka dawng ding hi. Haksatna sungah amah ka ompih dinga, amah hon khia-in ka pahtawi ding hi.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesu in a nungzuite kiangah thu gentehna khat gen a,

Jeremiah 14:4

Lokhote lungmang uh a, a lu uh puan a khuh uh hi. Bang hang hiam cih leh guah zu lo ahih manin lei a keu gawp hi.

Amos 1:2

Amos in, “Zion Mual panin Topa hong hawk suk a, Jerusalem khua panin hong awngkek hi. Tua ahih manin lo nona gam teng keu gawp a, Karmel mual dawn dum dide teng kausan ta hi,” a ci hi.

Jeremiah 3:9

Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Jeremiah 9:9

Hih thute hangin gim pia lo ding ka hi hiam, Topa in kong ci hi. Hih bang minam khat tungah ka phu la lo ding ka hi hiam?