Jeremiah 9:7 - Tedim Bible Revision 2017

⁷ Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Tedim Bible

⁷ Tua ahih manin a vanglian Topa in a cih-inah: “En un, amaute a sian’tho nadingun ka suangtui dinga ka ze-et ding hi. Tua lo ka mite bang ka cih nawn ding hiam?

Jeremiah 9:7 Referans Kwoze

Isaiah 1:25

Note tungah na kong sem dinga, meikhuk ah haltui bangin na saam-ek teng uh tui khiasakin, na kihel pih na nin khempeuh uh ka la khia ding hi.

Malakhi 3:3

A ninte kaang tumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topaʼ tungah a kilawm biakna a pia ding uh hi.

Jeremiah 6:27

Jeremiah aw, ka mite a ze-et dingin nang kong koih hi. Ze-et inla, a om dan uh thei in.

Isaiah 48:10

Meikhuk sungah ngun a kisiansak bangin gimna meikhuk sungah note kong ze-et hi. Ahi zongin note bangmahin a kimang lo na hihna uh hong kimu khin hi.

Zekhariah 13:9

Tua a suakta seh khatte pen meikhuk ah ngun a kisiansak bangin, meikhuk ah kham a kize-et bangin, meikhuk ah ze-etin ka siangsak ding hi. Amaute in kei tungah thu hong ngenin, kei zong amauʼ thungetna ka pia ding hi. Keima mi ahihna uh amaute tungah ka gen dinga, amaute in kei pen amauʼ Pasian ka hihna thu a kam uh tawh pulak ding uh hi,” a ci hi.

1 PETER MASA 4:12

Ka itte aw, noteʼ upna hong kize-etna-in gimna haksate na thuak manun a thu lamdangpi-in ngaihsun kei unla, na lungkham ngaihsut kei un.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A sia thei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manpha zaw noteʼ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuak zawh uh leh Khris hong kilat Ni ciangin phatna, minthanna le pahtawina na ngah ding uh hi.

Jeremiah 31:20

“Efraim, ka it ka tapa hi lo ahi hiam? Amah keima ngaihno hi lo ahi hiam? Bang hang hiam cih leh ama thu ka gen simin amah ka phawk lailai hi. Tua ahih manin amah ka ngaihsun tawntung a, ka hehpih taktak ding hi, Topa in ka ci hi.

2 KHANG TANGTHU NIHNATE 36:15

A mite le ama teenna mun khasiat ahih manin amauʼ pute pateʼ Pasian, Topa in a kamtaite amaute kiangah sawl teitei hi.

2 SAMUEL NIHNA 13:26

Tua ciangin Absalom in, “Tua bang hi lo ding ahihleh ka sanggampa Amnon kote tawh nong paisak ding kong thum hi,” a ci hi. Tua ciangin kumpipa in ama kiangah, “Bang hangin nang tawh amah hong pai ding ahi hiam?” a ci hi.

Late 55:22

Topa tungah na van gik nga in, amah in hong huh ding hi. Amah in mi thumante kiliingsak ngei lo ding hi.

Late 62:5

Amah bek ka muan ahih manin, daitakin Pasian bek ka ngak hi.

Late 120:4

Galhang paʼ thal hiamte le sesing hol-am hi ding hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh a nin hi. Na mukte un zuau thu gen a, na leiite un gitlohna thu a gen hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khuaʼ mawhna ka maisak ding hi.

Hosea 4:1

Israel mite aw, Topaʼ thugen ngai un. Hih gam sungah a teeng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.