Jeremiah 9:4 - Tedim Bible Revision 2017

⁴ Mi khempeuh a inn veengte uh kidawm uh henla, a sanggamte uh muang kei uh hen. Bang hang hiam cih leh sanggamte khem hat ciat uh a, inn veengte khempeuh zong gensiat hat ciat uh hi.

Tedim Bible

⁴ Mi khempeuh in a inn vengte uh kidawm uh hen la, a sanggamte uh muang kei uh hen; bang hang hiam cih leh sanggamte khempeuh khemhat ciat uh a, innvengte khempeuh zong gensiat hat ciat uh hi.

Jeremiah 9:4 Referans Kwoze

Jeremiah 6:28

A vekpi-un kei hong langpan tentan uh a, zuau thu a gen kawikawi uh hi. Sumngo le sik bangin khauh mahmah uh a, a vekpi-un a siat gamtat khin uh hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Siampi Laibu 19:16

Note in na mipihte lak uh ah mi gensia-in vaksuk-vakto loin, na veengpa uh a sih nadingin na langpang kei ding uh hi; kei pen Topa ka hi hi.

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Paunak 25:18

A lawmteʼ lang khat ah teci man lo a pang mi pen molhtum, namsau, ahih kei leh thal hiam tawh kibang hi.

Paunak 10:18

Mi a mudahte bek in zuau thu gen a, mi a gensiate mihai ahi hi.

Late 15:3

mi gensia loin, a lawmte tungah siatna bawl lo a, a veengte a mawhsak lo mi,

Piancilna 32:28

Tua ciangin amah in, “Na min Jakob, kici nawn loin Israel, kici ding hi. Bang hang hiam cih leh Pasian le mite tawh na kilaii khinzo a, na zo hi,” a ci hi.

1 THESALONIKA MASA 4:6

Hih bang thute ah kuamah in Khris sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauh takin note kiangah ka hong gen khol khinzo uh hi.

Luka 21:16

Na nu na pate, na sanggamte, na behte le na lawmte mahmah un note hong khia dinga, note pawl khat in thahna na thuak ding uh hi.

Mattiu 10:17

Mi pawl khatte in note hong manin zumah hong paipih ding uh a, amauteʼ kikhopna inn sungah hong sat gawp ding uh ahih manin hoihtakin kidawm un.

Ezekiel 22:9

Mi pawl khatte in midangte a sih theih nadingin zuau thu phuak uh hi. Mi pawl khat in milim biakna sa ne uh hi. Pawl khatte amauʼ lanna tawh kizui-in gamta tawntung hi.

Paunak 6:19

zuau thu gen teci man lote, le kitotna a piangsakte ahi hi.

Paunak 6:16

Topa in a muhdah, a khah khong ngei loh ding, thu guk, tua zah bek hi lo, thu sagih tak om a, tuate pen

Late 101:5

A veengte a gen sia sim mite ka susia dinga, kiphatsakna, kihihsakna lungsim a nei mi ka thuak kei ding hi.

Isaiah 59:13

Nangmah hong lehdo-in nang kong nial uh a, na thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Jeremiah 9:8

A leii uh thaltang lauhuai bang a, zuau thu a gen uh hi. A kam uh tawh a inn veengte kiangah a aw-zol uh hangin, a sih nading uh a lungsim sung uh ah a ngaihsun veve mawk uh hi.

Malakhi 2:10

Eite khempeuh in, eite a hong piangsak Pasian ahi Pa khat bek nei hi lo ihi hiam? Tua hi napi-in bang hangin eite khatlekhat tungah citak loin, Pasian in i pu i pate tawh a bawl thuciamna palsat ihi hiam?

Paunak 4:16

Migilote in a sia khatpeuh a sep mateng uh lum thei lo uh a, mi khatpeuh a suk zawh mateng uh ihmu thei lo uh hi.

Paunak 4:17

Gitloh gamtatna, annek bangin nuamsa uh a, ngongtatna, tui dawn bangin a ngaihsun uh hi.

Isaiah 9:16

Bang hang hiam cih leh hih minam a makaihte in lam khialsak a, amauʼ makaih mite in siatna ngah uh hi.