Jeremiah 9:3 - Tedim Bible Revision 2017

³ A leii uh thalpeu bangin zang uh a, zuau thu bekbek a lawn khia khia uh hi. Gam sungah thuman om loin zuau thu bekbek a dim hi. Siatna lam manawh tektek uh a, kei hong thei lo uh hi, Topa in a ci hi.

Tedim Bible

³ A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Jeremiah 9:3 Referans Kwoze

Jeremiah 9:8

A leii uh thaltang lauhuai bang a, zuau thu a gen uh hi. A kam uh tawh a inn veengte kiangah a aw-zol uh hangin, a sih nading uh a lungsim sung uh ah a ngaihsun veve mawk uh hi.

ROM (Romans) 3:13

A kam uh tawh mi that uh a, a kam uh tawh zuau thu gen uh a, a kampaute uh gulgu tawh kibang hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Thukhente 2:10

Tua ciangin tua khang mite khempeuh zong si khin uh a, amauteʼ khit ciangin Topa hitaleh, Israel-te adingin a septe hitaleh a thei lo khangthak hong piang uh hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cih in ah, amaute in a neu pen panin a lian pen dongin, a vekpi-un kei a hong thei ding uh hi. Bang hang hiam cih leh amauʼ khialhnate ka maisak dinga, amauteʼ mawhnate zong phawkin ka nei nawn kei ding hi,” a ci hi.

1 SAMUEL MASA 2:12

Eliʼ tapate pen bangmah a man lo mite ahi uh hi. Amaute in Topa zahtakna nei lo uh hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Juda 1:3

Ka itte aw, eite in i ngahkhawm hotkhiatna thu, note kiangah gelh nuam mahmah in ka om laitakin Pasian in ama mite tungah a tawntungin a kimang dingin khatvei bek a hong piak upna thu ah note in na nawk suak nadingun hanthotna gelh ding a kisapna thu ka phawk hi.

2 TIMOTI NIHNA 3:13

migilote le thu thei kineihin mi khem theite zong siat tat semsemin, amaute in mi khemkhemin, amaute mah in zong khemna a thuak ding mah uh ahi hi.

Filippi 1:28

Note a hong gualzosak ding pa pen Pasian ahih manin na galte uh na kihta kei un. Hang takin om tawntung le-uhcin, note a gualzo ding hi-in, na galte uh a guallel ding ahihna thu, na galte un hong thei ding hi.

ROM (Romans) 1:28

Mite in a man ahi Pasianʼ thu ngaihsutin nei nuam lo uh ahih manin amauteʼ ngaihsut hoih lo bangin a gamtat theih nadingun Pasian in a khah khia hi. Tua ahih manin a gamtat dingun a kilawm lo pipi-in a gamta uh hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a hon khia zo Pasianʼ vangliatna ahi hi.

Johan 17:3

Nang bek a man Pasian na hihna thu le nangmah in na hong sawl Jesu Khris hong theihna pen amaute adingin nuntak tawntung ngah nading lampi ahi hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Paʼ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Jeremiah 22:16

Amah in mizawngte le mi cimawhte thuman tawh thu khen a, na khempeuh a hoih a suak pah hi. Tu-a banga hihna pen kei nong theihna uh hi lo ahi hiam, Topa in kong ci hi.

Jeremiah 9:5

Mi khempeuh in a veengte uh khem ciat uh a, thuman gen kuamah om lo hi. A leii uh zuau thu gen dingin kisinsak uh a, mawhna a bawl manun tawl lua uh a, kisik zo nawn lo uh hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

1 KORIN MASA 15:34

Hoihtakin thu ngaihsun phakik unla, mawhna gamta nawn kei un. Note pawl khat in Pasian thei het lo na hih manun maizumhuai mahmah hi.

Siampi Laibu 19:11

“Note na guta kei ding uh hi. A man loin na gamta kei ding uh a, khatlekhat tungah zuau na kigen kei ding uh hi.

Isaiah 1:3

Bawng in amah a nei pa thei a, la in zong a topaʼ an piakna mun thei buang hi. Ahih hangin Israel in bangmah thei lo a, keima mite in theithei lo uh hi,” a ci hi.

Isaiah 3:5

Mite khatlekhat, mi khempeuh in a lawmte ciat, mi khempeuh in a veengte ciat, hih gawp ding uh hi. Khangnote pen uhamte tungah, migina lote pen mi liante tungah kiphasak ding uh hi.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Jeremiah 5:4

Tua ciangin keimah in, “Hih mite mihai hi a, a hehpihhuai ahi hi. Topaʼ lampi thei lo uh a, amauʼ Pasianʼ deihna a thei kei uh hi.

Jeremiah 5:5

Mi liante kiangah pai-in ka va kiho ding uh hi. Amaute in Topaʼ lampi thei uh a, amauʼ Pasianʼ deihna thei uh hi,” ci-in ka ngaihsun hi. Ahih hangin a vekpi-un ka uk ding nial khin uh a, ka hakkol kuaitanin ka henna khaute su tat khinzo uh hi.

Daniel 11:27

Tua kumpi tegel in sabuai khat tungah tu-in an a nekhawm ding uh hi. Ahih hangin a ngaihsutna uh a hoih zawsang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei uh hi.

Piancilna 39:16

Tua ciangin Josefʼ topa inn ah hong ciah mateng amah in a kiangah a puan koih hi.

Thukhente 14:17

A pawi ni sagih hun sungteng ama mai ah tua nu kap niloh hi. A ni sagih ni-in Samson in a lawmnu kiangah gen ta hi; bang hang hiam cih leh amah in nakpi takin kunh niloh hi. Tua ciangin tua nu in a gam mite kiangah tua thuhaksa gen hi.

Paunak 12:5

Thuman mite in a kilawm a kituakin hong bawl a, migilote bek in hong khem nuam hi.

Isaiah 9:18

Bang hang hiam cih leh gitlohna mei bangin kuang a, lingkungte le lingte kaang tumsak hi. Gamlak lopa phate kuangsak a, meikhu lomtangin van lamah kizial to uh hi.

Jeremiah 6:28

A vekpi-un kei hong langpan tentan uh a, zuau thu a gen kawikawi uh hi. Sumngo le sik bangin khauh mahmah uh a, a vekpi-un a siat gamtat khin uh hi.

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Ezekiel 8:13

Tua ciangin, “Hihte sangin a muhdahhuai zaw a gamtatna uh zong na mu lai ding hi,” hong ci thuah lai hi.

Sawltak 24:9

Jew mite in zong panpih uh a, hih a gen khempeuh a man mah ahi hi, ci-in a gen uh hi.