Jeremiah 9:23 - Tedim Bible Revision 2017

²³ Tua ciangin Topa in, “Mipilte in a pilna uh kisaktheih pih kei uh henla, mihatte in a hatna uh kisaktheih pih kei uh hen. Mihaute in zong a hauhna uh kisaktheih pih kei uh hen.

Tedim Bible

²³ Topa in a gen-inah: “Mipilte in a pilna uh kisak theihpih kei uh hen la, mihatte in a hatna uh kisak theihpih kei uh hen. Mihaute in zong a hauhna uh kisak theipih kei uh hen.

Jeremiah 9:23 Referans Kwoze

Isaiah 5:21

Amauʼ mitah pil kisa a, amauʼ muhna ah siam a kisate in gimna ngah tahen!

Thuhilh-sia 9:11

Hih leitungah ka phawk dang thu khat in: A tai hat mite in tai kidemna ah zo tawntung lo a, galhang thahatte in gal zo tawntung lo hi. A pilte in an a kham ngah tawntung lo a, a pilte hau tawntung lo hi. Hih theih siamna a neite mi lian suak tawntung lo hi. Mi khempeuh tungah kamsiatna vive tung hi.

ROM (Romans) 1:22

Amaute pil a kisak mahmah uh hangin a hai mahmah uh ahi hi.

Ezekiel 7:19

Topaʼ hehna amauʼ tungah a tun ni ciangin, a ngun a khamte un amaute suahtak thei lo ahih manin, a ngun a khamte uh nin bangin kongzing lakah paai ding uh hi. A gilkial uh ciangin zong an bangin tuate ne thei lo uh hi. Ngun le khamte in mawhna sungah amaute tumpih zaw hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Late 62:10

Zawhthawh thu tawh ngahna muanin nei kei inla, suh gawpnate lametin nei kei in. Na hauhna a khan leh, tuate muanin nei kei in.

Thu-hilhkikna 8:17

Na lungsim uh ah, ‘Ka vangliatna uh le ka thahatna un hih hauhna hong ngahsak hi,’ ci kha ding na hih manun kingaihsun un.

1 TIMOTI MASA 6:10

Sum deih luatna in siatna namkim piangsak hi. Mi pawl khat in sum deih lua liang uh ahih manin a upna panun pial khia-in gimna lungkhamna tampi a thuak lawh uh hi.

Marka 10:24

Nungzuite in hih thu a zak uh ciangin lamdang sa uh a, ahi zongin Jesu in a thugen zomlai-in, “Tate aw, Pasianʼ Ukna sungah lut ding bangzah takin haksa ahi hiam?

Zefaniah 1:18

Topaʼ heh thuk ni hong tun ciangin a ngun le a khamte un amaute hon khia zo lo ding hi. Ama hehna meikuang in leitung khempeuh kaang tum dinga, thakhat thu-in leitung a teeng mi khempeuh a sumai ding hi.

Ezekiel 29:9

Egypt gam khempeuh a kinusia gam simtham suak dinga, tua ciangin Topa ka hihna thu na hong thei ding hi. Nangmah in Nail Gunpi pen keima aʼ hi a, keima bawl sa hi, ci na hih manin,

Isaiah 10:8

Bang hang hiam cih leh amah in, “Ka galkap maangte, kumpi vive hi khin hi lo ahi hiam?

Thuhilh-sia 2:19

Kei hong laih pa pil taleh hai taleh, ka pilna ka siamna khempeuh zanga ka sep sa nate luahin a ukpa hi ding hi. Hih pen a mawknapi taktak ahi hi.

1 SAMUEL MASA 17:42

Filistia-pa khuadakin David a muh ciangin amah in simmawh hi; bang hang hiam cih leh amah a tangval pan, a cidam tuak, a melhoih khat hi lel hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem le tum theih dang a gingte na zak khit phet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong hon khia zo ding pasian omin um na hi uh hiam?” a ci hi.

1 KORIN MASA 1:31

Tua ahih ciangin Lai Siangtho sungah, “A kisathei mite, Topaʼ hang bekin kisathei tahen,” ci-in na kigelh hi.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Filippi 3:10

Jesu Khris thei-in, ama thawhkik bangin thokikin, kei zong sihna panin hong hingsakkik ding hi, ci-in ka lametna hangin ama thuak bangin thuakin, sihna ah zong amah tawh ka kibat ding ka utpi pen ahi hi.

JOB (Job) 32:13

Bang hangin pilna a nei-in kigen thei ding na hi uh hiam? Note in lel na hih manun Pasian in Job dawng ding hi.

Paunak 3:5

Na lungsim khempeuh tawh Topa muang inla, nangʼ theihna suang kei in.

Paunak 21:30

Mihingteʼ pilna, a thutheihna le a thugente khempeuh, Topaʼ deihna tawh a kituah kei leh a kimanna om lo hi.

Isaiah 20:5

Tua ciangin amauʼ lametna Ethiopia le amauʼ kisialh pih Egyptʼ hangin amaute lungkia-in a cih nading uh thei lo ding uh hi.

Isaiah 47:10

Na gitlohna ah nang na lungmuang a, “Kuamah in kei hong mu kei hi,” na ci hi. Na pilna le na theihnate in lam hong pialsak a, na lungsim sungah, “Keimah hiʼng, kei sim loh midang om kei,” na ci hi.

Jeremiah 48:7

“Na hatnate uh le na neihsate uh na suan manun note zong hong kipaikhiat pih ding hi. Na pasian uh Khemosh zong a siampi teng le a ulian teng tawh, kipaikhiat pih ding hi.

Jeremiah 49:4

A citak lo mite aw, bang hangin na hatna uh kisaktheih pih na hi uh hiam? ‘Kua in eite hong sim zo ding ahi hiam?’ ci-in bang hangin na hauhna uh suang na hi uh hiam?

JOB (Job) 41:15

A nung zang suk ah a lipte lum bangin kithuap suk cinten a, suang bangin sakin kimatcip bikbek ciat hi.

Late 33:5

Amah in thuman le thutang deih a, leitungah Topaʼ itna kip a kidim hi.

Late 34:3

Kei tawh Topa nak phat un, ama min pahtawi khawm ni!

Late 44:9

Ahih hangin nangmah in kote hong nusia-in, nong minsiasak khin a, ka galkap hon uh tawh na hong kuan khawm kei hi.

Jeremiah 31:34

Kuamah in midangte le a sanggamte uh kiangah, ‘Topa thei in,’ ci-in a kihilh nawn kei ding uh hi; bang hang hiam cih leh Topa in kong cih in ah, amaute in a neu pen panin a lian pen dongin, a vekpi-un kei a hong thei ding uh hi. Bang hang hiam cih leh amauʼ khialhnate ka maisak dinga, amauteʼ mawhnate zong phawkin ka nei nawn kei ding hi,” a ci hi.

Jeremiah 48:14

Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?

Micah 6:8

Mun khempeuh ah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem dinga, itna kip nei tawntungin, kiniamkhiatna tawh Pasianʼ thu man ding ahi hi.