Jeremiah 9:13 - Tedim Bible Revision 2017

¹³ Topa in, “Amaute in a mai uh a ka lah ka thukham nusia uh a, ka thu hong mang loin ka cih bangin ta lo uh a,

Tedim Bible

¹³ Topa in, “Amaute in a mai uh-a ka lah ka thukham a nusia uh a, ka thu hong mang loin ka cih bangin ta lo uh a,

Jeremiah 9:13 Referans Kwoze

2 KHANG TANGTHU NIHNATE 7:19

Ahih hangin note kihei-in, na mai uh ah ka koih sa ka thukhamte le ka thupiaknate nusia a, pai-in pasian dangteʼ na semin tuate na biak uh leh,

Jeremiah 22:9

Tua ciangin, ‘A Pasian uh Topaʼ thuciamna taisan uh a, pasian dang peuh bia-in a na a sepsak man uh ahi hi,’ ci-in a kidawngkik ding uh hi, va ci in,” hong ci hi.

Ezra 9:10

“Koteʼ Pasian aw, hih bang hi khin ahih ciangin kote in bang gen thei nawn ding ka hi uh hiam? Bang hang hiam cih leh na nasem kamsangte tungtawnin kote thu hong pia-in, ‘Note va lutin na luah ding uh gam pen, tua gam a, a na teeng gamdang mite in ninsakin a kihhuai a gamtatnate uh tawh mong khat pan mong khat dongin a nin sa gam nin ahi hi. Tua ahih ciangin na tanute uh amauʼ tapate tawh kiteengsak kei unla, na tapate uh zi dingin amauʼ tanute zong la kei un. Amauteʼ phattuam nading le a maavanna ding uh hanciam kei un. Tua bang hileh note thahatin tua gam a piangte nuam takin na ne ding uh a, na tate un a luah tawntung dingun tua gam na pia sawn thei ding uh hi,’ ci-in nong thupiaknate ka zui kei uh hi.

Paunak 28:4

Thukham a zui lo mite in migilote pakta uh a, thukham a zui mite ahihleh migilote tawh kilem lo uh hi.

Late 119:53

Nangma thu a nusia migiloteʼ hangin ka heh a suak hi.

Jeremiah 5:19

Na mipihte un, ‘Bang hangin Topa i Pasian in hih bangin eiʼ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uh ah gamdang pasian-teʼ na na sep uh bangin, noteʼ gam ahi lo gam dangah, gamdang miteʼ na na sem ding uh hi,’ na ci ding hi,” hong ci hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Jeremiah 13:10

Ka thu hong ngai nuam loin amauʼ ngaihsutna bang bekin a pai tentan nuam, pasian dangteʼ na a sem ding le a bia dingin a nung a zui hih migilote pen zat theih ding ahi nawn lo, hih dialkaih bang ahi ding uh hi.