Jeremiah 9:11 - Tedim Bible Revision 2017

¹¹ “Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Tedim Bible

¹¹ Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Jeremiah 9:11 Referans Kwoze

Isaiah 25:2

Bang hang hiam cih leh nang in khuapi ninbu lomtang na suah a, a muanhuai khuapi a sia na suaksak hi. Mi kiphasakteʼ kumpi inn pen khua bang nawn lo a, cikmah hunin kilamkik nawn lo ding hi.

Jeremiah 51:37

Tua ciangin Babylon khuapi innsia losia suak gawp dinga, se-alteʼ teenna mun suakin, a lipkhaphuai, simmawhna tawh a kiphitsan, kuamah a ten lohna gam khing a suak ding hi.

Jeremiah 10:22

Ngai dih un, thu khat kigen hi. Judah khuapite gamlak a suaksak ding le se-alteʼ khua a suaksak dingin leilu lam gam panin buaina lianpi khat hong pai hi.

Isaiah 34:13

Kumpi inn liante sungah lingkung po dinga, kulh a nei khua sungah laho le thangling kungte a po ding hi. Ngiateʼ an zonna mun suakin, vasa-kalaohteʼ omna mun hi ding hi.

Isaiah 13:22

Mihauteʼ inn sungah ngiate, kumpi inn nuam sungah se-alte a ham ding uh hi. Babylon khuapi a siat ding hun hong nai ta a, a ni sawt nawn lo ding hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Kah la 3:47

Siatna bekbek tawh kidimin, kihtakna le launa tawh ka nungta uh hi.

Kah la 2:2

Topa in Judah gam a om khuate khempeuh hehpih loin a susia hi. Amah in a galdalna kulhpite khempeuh balzan gawpin a gam le a gam ukte a maizumsak hi.

Jeremiah 34:22

En un, Topa in kong cih in ah, keimah in thu ka pia dinga, hih khuapi ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuamaʼ ten lohna mun awng ka suaksak ding hi,” a hong ci hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 25:11

Gam sung khempeuh kisia-in, gam simtham suak dinga, hih mite khempeuh kum sawm sagih sung Babylon kumpipaʼ salin a om ding uh hi.

Late 79:1

Pasian aw, na luah gam sungah dawi biate hong pai uh hi. Amaute in na biakinn siangtho ninsak gawp uh a, Jerusalem khuapi siasak gawp khin uh hi.

Micah 6:16

Bang hang hiam cih leh Kumpi Omriʼ gamtatna zui-in, ama tapa Kumpi Ahabʼ sep khempeuh na sem uh a, amauʼ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amauteʼ simmawhna na thuak ding uh hi.

Micah 1:6

Tua ahih ciangin Topa in hih bangin ci hi: Samaria khuapi, gamlak a ninkholna mun, leenggui suanna mun lel dingin ka bawl ding hi. A khua sunga suangte zong guam sungah ka nil suk dinga, a khuapi bulpite ka dawksak ding hi.

Jeremiah 26:9

Bang hangin, ‘Hih biakinnpi pen Shiloh tawh kibang dinga, hih khuapi ah a teeng om loin gam simtham suak ding hi,’ ci-in Topaʼ minin thu hilh ngam na hi hiam?” ci-in a gen uh hi. Topaʼ biakinnpi sungah a om mi khempeuh in Jeremiah a umcih uh hi.

Jeremiah 25:18

Jerusalem le Judah gam a khuapite, a kumpite uh le a gam uliante uh ka dawnsak a, tu ni dongin gam simtham suakin, miteʼ simmawhna thuakin, a min uh hamsiat nadingin a kizang hi. Tua hai panin a dawn a dangte:

Isaiah 44:26

a nasem paʼ thu kipsakin, a kamtaiteʼ thugente a sem pa, ‘Jerusalem khua ah mi teengin, Judah khuapite kilamkik dinga, a kisia khuate ka lamkik ding hi,’ a ci pa;

Nehemiah 4:2

Amah in a kikholhpihte le Samaria galkapteʼ kiangah, “Hih Jew mi niangnuangte in bang hih ding a kipan ahi uh hiam? Hih mun a bawl pha dinga kingaihsun ahi uh hiam? Biakpiakna hangin a nasep uh ni khat sungin zo dingin kilamen ahi uh hiam? Amaute in a kaang tum sa ninbu lomtang panin suangtum bawlkik thei ding ahi uh hiam?” ci hi.

Mangmuhna 18:2

Amah nakpi takin kiko a, “A Lian Babylon khuapi kicim, kicim! Tu-in dawiteʼ kua suak khinta-in, kha giloteʼ omna suak khinta a, a kihhuai, a muhdahhuai vasa namkim in omna-in nei ta uh hi.

Siampi Laibu 26:32

Keimah in leitang ka siasak dinga, tua tungah a teeng na galte un lamdang sa ding uh hi.

Jeremiah 1:15

Bang hang hiam cih leh leilu lamah a om gam khempeuh keimah in ka sam a, amaute hong pai-in Jerusalem khua kongpite ah ahi zongin, khua kimkot a kulh kiimte ah ahi zongin, Judah gam khuapi khempeuh kiimte ah ahi zongin a kumpi tokhomte uh hong phut ciat ding uh hi.

Jeremiah 4:27

Bang hang hiam cih leh Topa in, “Gam buppi, gamlak suak dinga, ahih hangin ka susia sam kei ding hi.

Jeremiah 44:2

“Vanglian Topa, Israel miteʼ Pasian in kong genin ah: Note in Jerusalem khua le Judah gam khuapi khempeuh tungah ka tunsak gimna na mu zo uh hi. En un, tu ni-in tua khuate a sia sa mahin om lai a, kuamah teeng lo hi.

Jeremiah 49:33

Hazor khua pen se-alteʼ teenna suak dinga, a tawntungin a kisia den khua a suak ding hi. Kuamah teeng lo dinga, tawmvei beek zong a va zin kei ding uh hi,” a ci hi.

Jeremiah 50:3

“Bang hang hiam cih leh leilu lam panin Babylon gam a sim ding le gamlak a suaksak dingin gam khat hong pai ding hi. Gam sungah kuamah teeng lo dinga, a mihing a ganhingin a tai mang ding uh hi.

Kah la 1:4

Ni siangtho ni ciangin Pasian a bia dingin Biakinnpi ah kuamah a pai nawn kei hi. Tua lai-a lasa numeite in gimna thuak uh a, siampite a tau uh hi. Khua kongpi ah kuamah om nawn lo a, Jerusalem khuapi in gimna a thuak hi.

Thu-hilhkikna 29:23

‘A gambup pen kaat le ci le nin a kaang tum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawn thal gawp, a hehna le a sinsona tawh Topaʼ lot gawpte tawh kibang hi,’ ci ding uh hi.

Late 107:43

A pil peuhmah in hih thute don henla, Topaʼ itna kip lung ngaingai tahen.

Jeremiah 8:22

Gilead ah zatui om lo ahi hiam? Zato siam om lo ahi hiam? Bang hangin ka mite dam thei lo ahi uh hiam?

Jeremiah 16:10

“Hih thu teng hih mite tungah na gen ciangin amaute in, ‘Bang hangin Topa in hih gimna lianpi eite tungah hong tungsak ahi hiam? I khialhna bang ahi hiam? Topa i Pasianʼ tungah bang mawhna bawl ihi hiam?’ hong ci ding uh hi.