Jeremiah 9:10 - Tedim Bible Revision 2017

¹⁰ “Mualte adingin kapin tau unla, gamlak lo nona munte adingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, van a leeng vasate le gamsate a taimang ta uh hi.

Tedim Bible

¹⁰ “Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Jeremiah 9:10 Referans Kwoze

Jeremiah 12:4

Ka gam sung bang tanvei keucip ding ahi hiam? Mun khempeuh ah lopate bang tanvei vul cip ding ahi hiam? A teng miteʼ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Hosea 4:3

Tua ahih ciangin leitang keugaw-in a tunga teng khempeuh si dinga, leitung a om gamsa khempeuh le huihlak a leeng vasa khempeuh tawh si mang ding uh a, tuipi sunga om ngasate nangawn si mang ding hi.

Ezekiel 33:28

Gam sung khempeuh gamkhing ka suaksak dinga, amauteʼ kisaktheih pih vangliatna teng bei ding hi. Israel mualtungte gamkhing suak ding ahih manin kuamah in kantan ngam lo ding uh hi.

Ezekiel 29:11

Na gam sungteng, mihing in ahi a, ganhing in ahi zongin sik nawn lo ding hi. Kum sawm li sung bangmah om lo ding hi.

Ezekiel 14:15

Mite a that dingin gamsa kihtakhuaite khah khia-in, kuamah khual a zin ngam lo dingin tua gam sung a lauhuai-in om leh,

Jeremiah 12:10

Tuucing dang tampi in ka leenggah lo hong suksiatsak uh a, kei aʼ teng hong tuatcilsak uh hi. A hoih mahmah ka leenggah lo pawn lak, gam lak, a suaksak uh hi.

Jeremiah 7:29

“Jerusalem mite aw, na lu uh mettol un. Na sam uh paai mang unla, mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khinzo hi.

Kah la 2:11

Ka kahkahna-in ka mit paat gawp ta a, ka lungsim gim lua mahmah hi. Ka mite a kisiatna hangin dahin husamin ka bah gawp hi. Naupangte le nungakte kongzing lakah sibup uh hi.

Kah la 1:16

Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Jeremiah 23:10

Bang hang hiam cih leh mun khempeuh ah angkawmte a dim hi. Topaʼ hamsiatna hangin gam sung tengah kahna dim a, gamlak lo nona munte a keu mang hi. Amaute gamtat sia uh a, a vangliatna uh a man lopi-in a zang uh hi.

Jeremiah 14:6

Gam sakolte, bangmah om lohna mual tungah se-alte bangin a nak huhu uh hi. Lopa om lo ahih manin a hak zo kei uh hi.

Jeremiah 8:18

Ka dahna dam thei lo a, ka lungsim na mahmah hi.

Jeremiah 2:6

Amaute in, ‘Egypt gam panin eite hong paikhiat pihin sehnel lak le dum lak, lei keu lak le a lauhuai khuamial bekbak lak, kuama pai ngei lohna mun, kuama ten lohna gamlak ah a hong makaih Topa koi ah om ahi hiam?’ ci beek lo uh hi.

Isaiah 49:19

“A kisia, a kinusia khin sa nangma munte le a kisusia nangma gam pen nangma tungah a teeng mite adingin tu-in kawcik lua ta dinga, nang hong valh tum mite, gamlapi ah om ding uh hi.

Isaiah 41:15

Note pen, a thak, a hiam, ha a nei buhcilna bangin kong bawl ding hi. Note in mual liante cilin na suvui ding uh a, mual neute pen ansi bangin na gawizan ding uh hi.

Jeremiah 50:3

“Bang hang hiam cih leh leilu lam panin Babylon gam a sim ding le gamlak a suaksak dingin gam khat hong pai ding hi. Gam sungah kuamah teeng lo dinga, a mihing a ganhingin a tai mang ding uh hi.

Ezekiel 27:2

“Mihing ahi Ezekiel aw, Taia khuapi tamlawhna kah la khat sa in.

Joel 1:13

Siampite aw, puanhampi silhin kap un; biakna tau-a nasemte aw, thumin tau un. Ka Pasianʼ na a semte aw, biakinn sungah tum unla, zan thapai-in dahna lim puanhampi silh un. Noteʼ Pasianʼ biakinn sungah piak ding an le leenggahzu khat zong om nawn lo hi.

Joel 1:19

Topa aw, nangma tungah kong kiko hi. Bang hang hiam cih leh mei in a kattum tawh kibangin, lo nona leitang khempeuh le singkung khempeuh keu mang khinta hi.

Amos 5:1

Israel mite aw, kap kawmin kong thugenna, limtakin ngai un:

Amos 5:16

Tua ahih ciangin Topa, Vanglian Pasian in hih bangin ci hi: Mihon omna lamka bom khempeuh ah mite in na sa-in thumin tau ding uh a, kongzing khempeuh ah kap ding uh hi. Khua neu a mite a thum dingin kisam dinga, a kah siam mite a kap dingin kicial ding hi.

Micah 2:4

Tua bang hun hong tun ciangin mite in noteʼ gim ngahna thugentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei a hong mante tungah hong piaksak hi,” ci ding uh hi.

Jeremiah 2:15

Humpinelkai bangin a galte in amah hawk san uh a, nakpi takin a hawk gawp uh hi. A gam uh gam simtham a suah uh a, a khuapite uh cimin kuamah teeng lo hi.

Jeremiah 12:11

Pawn lak hong suahsak uh a, dahin ka kap hi. Gam sung khempeuh a kisiat khit hangin kuamah in phamawh sa lo sawnsawn uh hi.

Kah la 5:18

Zion mual gamdai ta a, kinusia khin ahih manin se-alte a kawi vak ta hi.

Ezekiel 6:6

Israel khuapite khempeuh bei mang dinga, milim a biakna uh mun khempeuh kisusia ding hi. Tua ahih manin a biakna taute uh le a milimte uh vutlevai suakin, a paknamtui taute uh kisat vui gawp ding ahih manin, milim biak nadingin a bawl sa khempeuh uh maimang ding hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.