Jeremiah 9:1 - Tedim Bible Revision 2017

¹ Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Tedim Bible

¹ Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Jeremiah 9:1 Referans Kwoze

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Isaiah 22:4

Tua ahih ciangin keimah in, “Kei hong en kei unla, khitui tampi luangin hong kapkapsak un. Ka mi tampi a sihna hangin keimah hehnep ding hong hanciam kei un,” ka ci hi.

Kah la 2:11

Ka kahkahna-in ka mit paat gawp ta a, ka lungsim gim lua mahmah hi. Ka mite a kisiatna hangin dahin husamin ka bah gawp hi. Naupangte le nungakte kongzing lakah sibup uh hi.

Jeremiah 6:26

Topa in, “Ka miteʼ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang henla, kang ngei kei tahen. Bang hang hiam cih leh keima mite in nakpi takin liamna thuak uh a, nakpi takin a kisat uh hi.

Isaiah 16:9

Tua ahih ciangin Jazer khua mite a kah bangin Sibmah leengguiteʼ hangin kei ka kap hi. Heshbon le Elealeh khua mite aw, ka khitui tawh note kongkawtsak hi. Bang hang hiam cih leh gal kidona in noteʼ singgah le ante hong ban zo hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Late 42:3

Mite in keima tungah, “Na Pasian koi ah om ahi hiam?” hong cihcih sungteng, sun le zanin ka khitui an-in ka ne hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 8:18

Ka dahna dam thei lo a, ka lungsim na mahmah hi.

Jeremiah 9:18

Mite in, “Va kinawhsak unla, i khitui a luan theih nading, i mitkhu a kawt theih nadingin eite hong kah uh hen,” a ci uh hi.

Late 55:7

Gamla pekah ka vakthap dinga, gam sungah ka giak ding hi.

Jeremiah 3:10

Hih bang teng hi napi a sanggamnu, numei gina lo Judah, a lungsim takpi tawh hong kilehkik loin, a kilehkik hong kineihkhem bek hi, Topa in kong ci hi,” hong ci hi.

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Hosea 7:4

Amaute zuautatin citak lo uh hi. Amaute pen, moh bawl pa in a anlom meek a pawm mateng, moh emna meikhuk sunga a tawh sa, mut loh seem lohin a koih phot mei tawh kibang uh hi.