Jeremiah 8:8 - Tedim Bible Revision 2017

⁸ Bangci bangin note in, ‘Ko ka pil uh a, Topaʼ thukham ka nei uh hi,’ ci thei ding na hi uh hiam? En un, thuman lo lai theite in tua thukham zuau thu a suah uh hi.

Tedim Bible

⁸ “Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

Jeremiah 8:8 Referans Kwoze

Johan 9:41

Jesu in, “A mittaw hi le-uhcin mawhna tawh na kipelh ding uh hi. Ahi zongin khua mu thei ung, ci na hih manun na mawhna uh a ngei mahin a om lai ahi hi,” ci-in a dawng hi.

ROM (Romans) 1:22

Amaute pil a kisak mahmah uh hangin a hai mahmah uh ahi hi.

Mattiu 15:6

Tua ahih manin na pupa ngeina uh na zuihna uh hangin Pasianʼ thu na palsat uh hi.

Late 147:19

Amah in Jakob tungah ama thu gen a, Israel tungah ama ngeina kipte le ama biakna ngeina kipte a gen hi.

JOB (Job) 12:20

Amah in miʼ muante a pau thei loin bawl a, khanghamteʼ pilna a paih khiatsak hi.

Hosea 8:12

Amaute hilh nading sim zawh loh thukham tampi gelh taleng zong, amaute in don loin thu lamdangpi khatin ngaihsun lel uh hi.

Paunak 17:6

Tute pen puteekte adingin minthanna lukhu hi a, tate pen pateʼ minthanna ahi hi.

JOB (Job) 11:12

Gamlak a om late mihing suak ngei dinga, mihaite pil ngei ding ahi hiam?

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 19:7

Hih munah Judah mite le Jerusalem miteʼ ngimna ka tangtungsak kei dinga, a galte uhʼ namsau le a that nuamteʼ khutlumin amaute ka sisak ding hi. Amauʼ luanghawmte huihlak a leeng vasate le leilak ganhingteʼ an dingin ka pia ding hi.

Isaiah 43:27

Na pu na pa masate uh na khial uh a, na makaite uh zong kei tungah hong khial uh hi.

Jeremiah 2:8

Siampite in, ‘Topa koi ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

Jeremiah 48:14

Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?