Jeremiah 8:6 - Tedim Bible Revision 2017

⁶ Amauʼ thugente ka ngaihsak a, kuamah in thuman gen lo uh hi. A gitlohna uh panin kuamah kisik lo a, ‘Bang hih ka hi hiam?’ ci lel uh hi. Sakol galsim ding a tai bangin amauʼ tum ciatin a pai uh hi.

Tedim Bible

⁶ Amau’ thu gente ka ngaihsak a, kuamah in thuman gen lo uh hi. A gitlohna uh kuamah kisik lo a, ‘Bang hih ka hi hiam?’ ci lel uh hi. Sakol galsim ding a tai bangin amau’ tum ciat-in a pai uh hi.

Jeremiah 8:6 Referans Kwoze

Late 14:2

A pil gamtat, Pasian a zong a om uh hiam, cih a theih nadingin Topa in vantung panin mihingte hong en suk hi.

Ezekiel 18:28

Amah in a gamtatna phawkin a mawh bawlna khawl hi. Tua ahih manin amah si het lo dinga, nungta paisuak ding hi.

2 PETER NIHNA 3:9

Mi pawl khatteʼ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

Malakhi 3:16

Topa a zahtak mite khatlekhat tua bangin thu kigen uh a, amauteʼ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Micah 7:2

Leitungah mihoih teng bei khinta a, Pasianʼ tungah a thuman mi kuamah om nawn lo hi. Mihoih teng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Mangmuhna 9:20

Hih gimna tawh a si lo midangte pen amauʼ gamtatna sa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang le sing a kibawl milim a biakte uh khawl tuan lo uh hi.

Haggai 1:7

Tua ahih ciangin Vanglian Topa in ka hong cih in ah: Tu laitak a na om zia uh limtakin ngaihsun un.

Haggai 1:5

Tua ahih ciangin Vanglian Topa in ka hong cih in ah: Tu laitak a na om zia uh limtakin ngaihsun un.

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a cing zo ding le gam sung a hu zo ding mi khat amaute lakah ka zong a, ahi zongin tua bang ding mi khat beek ka mu zo kei hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khuaʼ mawhna ka maisak ding hi.

Isaiah 59:16

Amah in nenniamna a thuakte a huh ding mi khat beek a om lohna a mu hi. Tua ahih ciangin amaute a hon khia ding le a gualzawh nadingin ama vangliatna a zang ding hi.

Isaiah 30:18

Tua ahih ciangin note hong hehpih nuamin Topa in hong ngak a, note tungah hehpihna hong lah ding amah kipakta hi. Bang hang hiam cih leh Topa pen a thutang Pasian hi a, amah a muangte khempeuh thupha ngah ahi hi.

JOB (Job) 10:2

Pasian kiangah hih bangin ka ci ding hi: Kei hong mawhsak kei in. Kei nong langpanna thu hong gen in.

Jeremiah 23:25

Ka min tawh zuau phuakin, ‘Mang man zo ing, mang man zo ing,’ ci-in a gen kamsang zuautheiteʼ thuhilhnate zong ka za khinzo hi.

JOB (Job) 34:31

“Job aw, Pasianʼ tungah na khialhnate pulakin na khialh nawn loh nading thu ciam nai lo na hi hiam?

JOB (Job) 34:32

Pasian in na khialhnate a hong lah nading ngenin, na gamtat siat nawn loh nading ut nai na hi hiam?

Isaiah 57:17

Amauʼ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

Jeremiah 3:5

nang keima tungah heh tawntung ding na hi hiam? A tawp dongin lungham den ding na hi hiam?’ na hong ci hi. En in, tua bang na cih hangin, siatna na hih theih khempeuh na hih khinzo hi,” a ci hi.

Daniel 9:11

Israel-te khempeuh in na gen sa thute le na thukhamte khempeuh a palsat khinzo uh hi. Na tungah khialhna kong bawl manun, na nasem Mosesʼ thukham sunga kigelh bangin koteʼ tungah samsiatna a hong tung hi.

Zefaniah 3:7

Tua ahih manin ka mite in kei hong zahtakin ka thuhilhna ngai ding uh a, mangngilh lo ding uh hi, ci-in ka ngaihsun hi. Ahi zongin a gamtat siat ngei bangun gamta lai veve uh hi,” a ci hi.