Jeremiah 8:4 - Tedim Bible Revision 2017

⁴ “Jeremiah aw, Topa in hih bangin gen hi, ci-in amaute kiangah va gen in. Mi khat a puk ciangin thokik buang hi lo ahi hiam? Mi khat in lam a khialh ciangin hong kilehkik buang hi lo ahi hiam?

Tedim Bible

⁴ “Jeremiah aw, Topa in hih bangin gen hi, ci-in amaute’ kiangah va gen in: Mi khat a puk ciangin thokik buang hilo ahi hiam? Mi khat in lam a khialh ciangin hong kilehkik buang hilo ahi hiam?

Jeremiah 8:4 Referans Kwoze

Paunak 24:16

Mihoihte sagih vei dong a puk hangin tho kikkik thei a, migilote ahihleh tuahsiatna thuakin kithallot hi.

Micah 7:8

Ka galte aw, kei tungah lungdam kei un. Ka puk hangin ka thokik veve ding hi. Khuamial sungah ka om hangin Topa in khuavak hong pia ding hi.

Hosea 6:1

Amaute in, “Hong pai un, Topa kiangah ciahkik ni; amah in eite hong bal gawp hangin hong damsakkik dinga, eite hong liamsak hangin i liammate hong tunsakkik ding hi lo ahi hiam?

Jeremiah 3:1

“Mi khat in a zi ma henla, tua nu in zong amah nusia-in, midang khatʼ zi va suak leh, a pasal masa in tua nu lakik thei ding ahi hiam? Tua gam teng a ninsak khin suak ding hi lo ahi hiam? Nang pen numei paktat suakin mi tampi tak tawh kingai khinzo napi-in, tu-in kei kiang hong zuankik ding na hi hiam, Topa in kong ci hi.

Isaiah 55:7

Migilo in ama gitlohna nusia henla, thuman lo mi in ama ngaihsutna nusia hen. Amah in a hehpih theih nadingin Topa eiteʼ Pasianʼ kiangah amah paisak un. Bang hang hiam cih leh a mawhna maisiangsak ding hi.

Amos 5:2

Nungak Israel puk khin a, thokik ngei nawn lo ding hi. Leilak ah lum dildel a, a phong to ding kuamah om lo hi.

Hosea 14:1

Israel-te aw, noteʼ Topa Pasianʼ lamah kiheikik un. Na mawhna hangun note na puk khin uh hi.

Hosea 7:10

Israel miteʼ kiphatsakna in amauʼ lang khat ah teci pang hi. Ahi zongin hih thu khempeuh ah zong, amauʼ Topa Pasian ahi keiʼ lamah hong kihei tuan lo uh a, kei hong zong lo uh hi.

Ezekiel 18:23

Migilo khat a si ka muh ciangin a lungdam dingin hong ngaihsun na hi uh hiam? Ka lung dam het lo hi. Amah hong kisikin a nuntak ding pen keima deih ahi zaw hi.

Isaiah 44:22

Na thupalsatnate meiipi bangin na khialhnate meii lum bangin ka phiat khia khinzo hi. Hong hon khia khin ka hih manin kei kiangah hong ciahkik in.

1 KUMPI MASATE 8:38

mi khatpeuh ahi a, na mi Israel-te khempeuh in ahi zongin amauʼ lungsim natna thei-in hih biakinn lamah a khutte hong zanin bangbang thungetna hitaleh bangbang thumna hitaleh hong bawl uh leh,

Jeremiah 36:3

Judah mite in amauʼ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei kha thei ding uh a, keimah in zong amauʼ khialhna le amauʼ mawhnate ka maisak thei kha ding hi,” a hong ci hi.

Jeremiah 23:14

Ahih hangin Jerusalem khua sunga om kamsangteʼ sungah a mulkimhuai zaw na khat keʼn ka mu hi. Angkawmin zuau thu gen uh a, mite a gitlohna uh pan a kikhel loh nadingin mihoih lote a hanthawn zaw lai uh hi. A vekpi-un keiʼ muhna ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Jeremiah 4:1

Topa in, “Israel mite aw, na kilehkik nop uh leh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amaute in zong, “En in, nang kiang kong pai uh hi. Bang hang hiam cih leh Topa koteʼ Pasian na hi hi.