Jeremiah 8:22 - Tedim Bible Revision 2017

²² Gilead ah zatui om lo ahi hiam? Zato siam om lo ahi hiam? Bang hangin ka mite dam thei lo ahi uh hiam?

Tedim Bible

²² Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Jeremiah 8:22 Referans Kwoze

Jeremiah 46:11

Egypt nungakte aw, Gilead gamah pai unla, damna zatui va la un. Zatui tampi na zat khit uh hangin damna na ngah tuan kei uh hi.

Piancilna 37:25

Tua ciangin amaute an ne dingin tu uh hi. A khuadak uh leh Gilead panin Ishmael mite a kalaohte uh tawh singnai, lingsi le myrrh paknamtui pua-in Egypt ah puak suk dingin a pai mu uh hi.

Jeremiah 51:8

Thakhat thu-in Babylon puk a, kisia gawp hi. Ama adingin kap un. A liammate adingin zatui la un, dam zo kha thei lai ding hi.

Luka 8:43

Tua laitakin kum sawm le kum nih tawntung siluang natna vei-in, a neih khempeuh siavuante cialna-in a zat hangin kuamah in a damsak zawh loh numei khat,

Piancilna 43:11

Tua ciangin a pa uh Israel in amaute kiangah, “A tua ci bang ding ahihleh hih bangin gamta un: Gam sunga singgah limci pente pua unla, mipaʼ tungah letsongin lingsi tawm, khuaizu tawm, singnai, myrrh paknamtui, pistakhio gah le almond gahte puak suk un.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.

Jeremiah 14:19

Topa aw, nangmah in Judah gam nial siang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Dam nading hun ka lamen uh a, lauhuaina bekbek ka mu uh hi.

Kah la 2:13

Ka it Jerusalem khuapi aw, bangci ding ka hi hiam? Hong bangci hehnep ding ka hi hiam? Nang thuak bangin a thuak kuamah om lo hi. Na tuahsiatna tuipi cia pha a, a lamethuai bangmah om nawn lo hi.

Gamlak-vakna 32:1

Reuben minamte le Gad minamte in ganhing hon tampi nei uh hi. Amaute in Jazer gam le Gilead gam a muh uh ciangin gan khawi nading munin hoih sa mahmah uh hi.

Jeremiah 6:7

Tuikhuk panin tuiphul a tawlngak loh bangin, Jerusalem khua panin siatna tawlnga lo hi. Khua sungah ngongtatna le suksiatna ka za ngitnget a, cinatna le liamna bekbek ka mu hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Jeremiah 22:6

Bang hang hiam cih leh Judah kumpi inn tawh kisai-in Topa in kong cih in ah: Nang pen Gilead gam ahi a, Lebanon mual bangin ahi zongin na hoih mahmah hi. Ahih hangin nang sehnel gam kong suaksak dinga, kuamah a ten lohna khua kong suaksak ding hi.

Ezekiel 27:17

Judah le Israel gam mite in zong na van leina-in mangbuh, oliv thau le theipal, khuaizu le sing namtui tuamtuamte hong pia uh hi.