Jeremiah 8:19 - Tedim Bible Revision 2017

¹⁹ Ngai un, gam sung mun khempeuh ah ka miteʼ tanute kap uh a, “Zion khua ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawl tawmte le a gamdang milimte uh tawh kei hong hehsak ahi uh hiam?” a ci hi.

Tedim Bible

¹⁹ Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Jeremiah 8:19 Referans Kwoze

Isaiah 39:3

Tua ciangin Kumpi Hezekiah kiangah kamsang Isaiah hong pai-in, “Hih mite in bang hong gen ahi uh hiam? Koi lai panin nang kiangah hong pai ahi uh hiam?” a ci hi. Hezekiah in, “Amaute, a gamlapi, Babylon gam panin kei kiangah a hong pai uh ahi hi,” a ci hi.

Isaiah 13:5

Leitung buppi a susia dingin Topa le ama hehna galhiamte gamlapi van mong panin hong pai hi.

Mangmuhna 2:1

“Efesa khua-a pawlpi vantungmi kiangah lai gelh inla, a taklam khut ah aksi sagih tawi-in, kham kibawl meivakna lakah a pai kawikawi Jesuʼ thugenna hih bang ahi hi:

Obadiah 1:17

Ahih hangin Zion mualah pawl khat va tai ding uh a, tua mun pen a siangtho suak ding hi. Jakob innkuante in amauʼ gam mah luahkik ding uh hi.

Joel 2:32

Ahi zongin Topaʼ tungah huhna a ngen khempeuh in hotkhiatna a ngah ding uh hi. Topaʼ gen sa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Jeremiah 31:6

Bang hang hiam cih leh Efraim mual tung panin galvilte in, ‘Tho un! Topa i Pasian kiang Zion khua ah va pai ni,’ ci-in a hong kiko hun uh hong tung ding hi,” hong ci hi.

Jeremiah 14:19

Topa aw, nangmah in Judah gam nial siang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Dam nading hun ka lamen uh a, lauhuaina bekbek ka mu uh hi.

Isaiah 52:1

Zion aw, khanglo in; khanglo inla na tha khauhsak in. Khuapi siangtho Jerusalem aw, na puan hoihte silh in. Bang hang hiam cih leh dawibia mite le a nin mite nang sungah hong pai nawn lo ding hi.

Isaiah 33:22

Bang hang hiam cih leh Topa pen eiteʼ thukhen, Topa pen eite hong ukpa, Topa pen eiteʼ kumpi ahi hi. Amah in eite hong hon khia ding hi.

Isaiah 12:6

Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Isaiah 1:4

Ah, a khial minam, mawhna in a nencip mite, siatna a bawlteʼ suanlekhakte, a gamtat sia tapate! Amaute in Topa nusia khin uh a, amaute in Israel-teʼ Siangtho Pasian simmawh khin uh hi. Amaute in lam khial khin taktak uh hi.

Late 149:2

Amah a Bawlpa tungah Israel lungdam henla, amauʼ Kumpipaʼ tungah Zion mite kipak tahen.

Late 146:10

Zion aw, nangma Pasian Topa in khang tawntungin uk ding hi. Topa phat un.

Late 135:21

Jerusalem inn-a a nei, Zion-a om Topa in thupha ngah tahen. Topa phat un.

Jeremiah 9:16

Amaute le a pute a pateʼ theih ngei lohna gam dangah ka kithehthangsak dinga, a sih khit dong uh namsau ka nungdelhsak ding hi,” hong ci hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai ah a hong om ka hi uh hi.

Late 31:6

Mawkna milim a thupi ngaihsutte na mudah hi; ahih hangin keimah in Topa kong muang hi.

Jeremiah 2:5

Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Jeremiah 7:19

Topa in kong cih in ah, tua hangin gimna a thuak, kei hi zenzen ka hi hiam? Hi lo hi. Amauʼ zum nadingin amau mah in a thuak uh hizaw hi lo ahi hiam?

Jeremiah 8:20

Mite in, “An kila khinzo a, khuakhal hun zong bei ta napi-in, eite hong kihon nai lo lailai hi,” a ci uh hi.

Jeremiah 10:15

Kimanna a nei lo, a haihuaipi hi a, gim a kipiak ni ciangin a kisia ding uh hi.

Jeremiah 14:9

Bang hangin mi lungkia gawp bangin omin, a hon khia thei lo galkap pa bangin om na hi hiam? Ahih hangin Topa aw, koteʼ laizang ah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Jeremiah 27:10

Bang hang hiam cih leh noteʼ kiang a hong gen uh thu pen zuau thu hi a, tua hangin na gam uh panin gamlapi ah note hong kipaikhiat pih ding hi. Keimah in note kong hawl khia dinga, note na si ding uh hi.

Jeremiah 32:30

Bang hang hiam cih leh Israel mite le Judah mite in a neu lai pek uh a kipan ka muhna ah a sia bekbek a gamta uh hi. Keimah Topa in kong cih in ah, Israel mite in a khut uh tawh milim a bawlna uh hangin kei hong hehsak uh hi.

Ezekiel 48:35

Khuapi kimkot a sauna pi tul sawm thum za nih sawm li pha a, tu a kipanin hih khuapi min pen, ‘Hih lai ah Topa om hi,’ kici ding hi,” hong ci hi.

Micah 4:9

Bang hangin tu-in nakpi takin kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel dinga, amaute bei mang ding uh hi. Tua ni ciangin amaute in, ‘Eiteʼ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.

Late 137:1

Zion khuapi i ngaihsut khak ciangin Babylon luite gei ah eite tu sukin i kapkap hi.

Zefaniah 3:15

Topa in na galte hong phiatkhiatsak khin a, hong langpang khempeuh hong hawl khiatsak khin hi. Topa ahi Israel kumpipa nang tawh hong om a, na launa ding bangmah om nawn lo hi.

Zekhariah 2:9

Topa mahmah in note hong su dinga, nidang a noteʼ na hong sepsak mite in tu-in noteʼ nate hong leh suhkik ding uh hi, hong cisak hi. Hih bangin thu hong pian ciangin Vanglian Topa in kei hong sawl ahih lamtak na thei ding uh hi.