Jeremiah 7:9 - Tedim Bible Revision 2017

⁹ Note in na gu-in, tual thatin, angkawmin, ahi lopi kiciamin, Baal kiangah meihal biakna pia-in, na theih ngei loh uh pasian dangte delhin,

Tedim Bible

⁹ Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Jeremiah 7:9 Referans Kwoze

Jeremiah 7:6

namdang mite, pa nei lote le meigongte na nuaisiah kei uh a, hih munah mawhnei lo mite that nawn loin, noteʼ gimna ding mah ahi pasian dang peuh na biak nawn kei uh leh,

Paikhiatna 20:3

“Keimah longal pasian dang na bia kei ding uh hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah mah, meihal biakna tawh Baal biakna ding a zumhuai biakna taute na bawl tazen uh hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate le zuaugen nuamsa-in zuau a gengen mite, khuapi pua lamah a om uh hi.

1 KUMPI MASATE 18:21

Tua ciangin mi khempeuhʼ nai ah Elijah hong pai-in, “Ngaihsutna kibang lo thu nih kikalah bang tanvei khensat loin om niloh ding na hi uh hiam? Topa pen Pasian ahihleh amah zui un; tua hi loin Baal pen Pasian ahihleh amah zui un,” a ci hi. Ahi zongin mite in kam khat beek dawng lo uh hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

ROM (Romans) 2:2

Tua bang mawhna a gamtate, Pasian in gim a piak pen a man mah ahihna i thei ciat hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Zefaniah 1:5

Innkhum zang ah kah to-in, ni, kha le aksi a bia mi khempeuh ka susia dinga, keimah hong bia-in, keima tungah thuman ding gen napi-in, Milkom pasianʼ min tawh a kiciam teiteite zong, ka susia ding hi.

Ezekiel 18:18

A pa in ahihleh miʼ na sutin, mite tungah a sia gamta tawntung hi. Tua ahih manin ama mawhna hangin a mahmah si hi.

Jeremiah 44:3

Bang hang hiam cih leh amaute in ka heh nadingin gitlohna bawl uh a, amaute a kipan note le na pu na pate un a theih ngei loh uh pasian-teʼ na semin paknamtui halin a bia uh hi.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangteʼ kiangah tui dawn biakna a piakna uh innte zong a hal tum ding hi.

Jeremiah 13:10

Ka thu hong ngai nuam loin amauʼ ngaihsutna bang bekin a pai tentan nuam, pasian dangteʼ na a sem ding le a bia dingin a nung a zui hih migilote pen zat theih ding ahi nawn lo, hih dialkaih bang ahi ding uh hi.

Thukhente 5:8

A thak pasian-te a kiteel ciangin, kulh kongpi sungah gal om pah hi. Lum ahi a, tei ahi zongin, Israel tul sawm lite lakah kimu ahi hiam?

Thu-hilhkikna 32:17

Amaute in pasian ahi lo dawite, amauʼ theih ngei loh pasian-te, hong suak nunung pasian thakte, na pu na pate un a theih ngei loh pasian-teʼ tungah biakna a pia uh hi.

Isaiah 1:13

Bangmahin a kimang lo piaknate hong paipih nawn kei un. Paknamtui halna ka kih hi. Khadet ni, Sabbath ni le thupi takin na kikhopnate uh mawhna tawh kidim ahih manin keʼn ka thuak zo kei hi.

Isaiah 58:2

Amaute pen, thumanin a gamta, amauʼ Pasianʼ biakna ngeina kipte a nusia lo minam bang keekin nisimin amaute in kei hong zong uh a, keima lampi a thei nuam uh hi. Amaute in keima kiang panin thukhenna man hong ngen uh a, Pasianʼ kiang hong nai nuam uh hi.

Jeremiah 1:16

Ka mite in kei hong taisan uh ahih manin a mawhna uh hangin amauʼ tungah thu ka khen ding hi; pasian dangte tungah meihal biakna pia uh a, a khut uh tawh a bawl sa uh milimte a bia uh hi.

Jeremiah 5:7

“Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amauʼ tot ding lampi ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Jeremiah 19:4

Bang hang hiam cih leh hih mite in kei hong taisan khinzo uh a, amaute a kipanin a pu a pate uh le Judah kumpiteʼ theih ngei loh pasian dangteʼ kiangah paknamtui halin, hih mun a ninsak uh hi. Hih mun pen mawhna nei lo mite thahna sisan tawh dimsak uh a,

Jeremiah 44:8

Note si-in, leitung a minam dang khempeuhte in hamsiatna-in a hong zat ding uh le hong simmawh nadingun bang hangin na khut uh tawh milim bawlin, na ten nadingun na zuat uh Egypt gamah pasian dangteʼ kiangah paknamtui halin kei hong hehsak na hi uh hiam?

Jeremiah 44:9

Judah gam le Jerusalem khua kongzing lakah na pute na pate uhʼ gitlohna, Judah kumpiteʼ gitlohna, a zite uhʼ gitlohna, note mahmahʼ gitlohna le na zite uhʼ gitlohnate mangngilh khin na hi uh hiam?

Jeremiah 48:35

Moab gam mual sang tungah biakna pia a, milim pasian-te tungah paknamtui a hal mite, Topa in kong cih in ah, tua bang ka hihsak nawn kei ding hi.

Ezekiel 5:11

“Tua ahih ciangin Topa Pasian ahi keimah a nungta ka hih mah bangin, note in siatna nam khempeuh le a muhdahhuai gamtatna tawh ka biakinn ninsak na hih manun cikze het loin note kong suk mang taak kei leh, ci-in ka kiciam hi.

Ezekiel 23:39

Milim biakna-in ka tate a gawh khit uh ciangin tua ni mahin ka biakinn ah pai-in ninsak uh hi. Ka biakinn sungah hih bangin gamta tazen uh hi.

Hosea 2:13

Kei hong mangngilh tanvei sung, Baal pasian tungah paknamtui a hal tanvei sung le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.

Hosea 6:9

Zawhthawh thu-in miʼ na a sut dingin a pangsim mite bangin siampite gamta uh a, biakna a pia dingin Shekhem khua ah a pai mite nangawn, lamkal ah a that uh hi. Amau gamtatna siahuai mahmah hi.

Amos 4:5

Lungdam kohna-in silngo sawh anlum va pia unla, utthu-a biakpiaknate va pia-in va kisial un. Hihte pawl pen noteʼ hih nop pawl ahi hi, Topa in ci hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Ezekiel 20:30

Tua ahih ciangin Israel mite tungah Topa Pasian ahi keima thugen hih bangin gen in: Na pu na pate un a bawl mawhnate mah note in zong bawlin a milimte mah uh sulzuih ding na hi uh hiam?