Jeremiah 7:7 - Tedim Bible Revision 2017

⁷ tanglai-a na pu na pate un a neih tawntung dingun ka piak hih gam sungah ka hong tengsak ding hi.

Tedim Bible

⁷ tanglai-a na pute na pate un a neih tawntung ding uh-a ka piak hih gam sungah ka hong teengsak ding hi.

Jeremiah 7:7 Referans Kwoze

Thu-hilhkikna 4:40

Tua ahih ciangin note le noteʼ khit a na tate uh tungah thu hong nuamin, Topa na Pasian un a tawntung a hong piak gam sungah na khan uh na sausak theih nadingun tu ni-a no kiangah kong gen ahi ama thukhamte le a thupiakte na zui ding uh hi,” a ci hi.

Jeremiah 25:5

Amaute in, ‘Tu-in na vekpi-un na gitlohna uh le na gamtat khialhnate uh panin na kihei uh leh Topa in note le tanglai-a na pu na pate uh tungah na neih tawntung dingun a hong piak gam sungah na teng thei ding uh hi.

Jeremiah 3:18

Tua hun ciangin Judah mite in Israel mite hong pawlpih ding uh a, leilu lam gam salsuahna panin na pu na pate uhʼ luah dingin ka piak sa gamah a pai khawm ding uh hi.

Paikhiatna 22:22

Meigong numei ahi a, tagah ahi zongin na gimsak kei ding uh hi.

Jeremiah 4:1

Topa in, “Israel mite aw, na kilehkik nop uh leh kei kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh a,

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Zefaniah 3:7

Tua ahih manin ka mite in kei hong zahtakin ka thuhilhna ngai ding uh a, mangngilh lo ding uh hi, ci-in ka ngaihsun hi. Ahi zongin a gamtat siat ngei bangun gamta lai veve uh hi,” a ci hi.

Isaiah 1:19

Note in utna lungsim nei-in thu na man nak uh leh lei pan a piang a gah hoihte na ne ding uh hi.

Jeremiah 26:13

Tua ahih manin tu-in na nuntak dante uh le na gamtat ziate uh kheel unla, Topa na Pasian uh thu ngai un. Tua hileh Topa in noteʼ kisiatna ding a gen sa thu a kheelkik ding hi.