Jeremiah 7:6 - Tedim Bible Revision 2017

⁶ namdang mite, pa nei lote le meigongte na nuaisiah kei uh a, hih munah mawhnei lo mite that nawn loin, noteʼ gimna ding mah ahi pasian dang peuh na biak nawn kei uh leh,

Tedim Bible

⁶ nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,

Jeremiah 7:6 Referans Kwoze

Jeremiah 13:10

Ka thu hong ngai nuam loin amauʼ ngaihsutna bang bekin a pai tentan nuam, pasian dangteʼ na a sem ding le a bia dingin a nung a zui hih migilote pen zat theih ding ahi nawn lo, hih dialkaih bang ahi ding uh hi.

Thu-hilhkikna 8:19

Topa na Pasian uh mangngilhin pasian dangteʼ nung zui-in tuateʼ na semin na biak uh leh, na sia taktak ding uh hi, ci-in tu ni-in limtakin kong hilh khol hi.

Thu-hilhkikna 11:28

Topa na Pasian uh thupiaknate mang loin, na theih nai loh uh pasian dangteʼ nungzui dingin tu ni-a no kong thupiakna panin na kiheikhiat uh leh hamsiat ahi hi.

Jeremiah 2:34

Mawhnei lo mizawngteʼ sisan na puan tungah baang hi. Amaute in na inn hong luh ngei beek lo uh hi. “Tua bang teng hi napi-in

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uh ah hoihtakin kemin, leitung siatnate tawh kisawh kha loin siangtho takin omna ahi hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Jeremiah 19:4

Bang hang hiam cih leh hih mite in kei hong taisan khinzo uh a, amaute a kipanin a pu a pate uh le Judah kumpiteʼ theih ngei loh pasian dangteʼ kiangah paknamtui halin, hih mun a ninsak uh hi. Hih mun pen mawhna nei lo mite thahna sisan tawh dimsak uh a,

Isaiah 59:7

Siatna bekbek na geelgeel uh a, na sepkhiat ding uh na ngaklah mahmah uh hi. Mawhnei lo mite thah ding haksa na sa kei uh hi. Na paina khempeuh uh ah siatna vive om kawikawi hi.

Thu-hilhkikna 27:19

“‘Peemta, pa nei lo le meigong numeite ading thutang a heikhiatsak mipa in gimna ngah tahen,’ ci ding uh hi. Tua ciangin mi khempeuh in, ‘Amen,’ ci ding uh hi.

Thu-hilhkikna 24:17

“Peemtaʼ thu ahi a, pa nei lo miʼ thu ahi zongin tuate ading thutang na heisak kei ding uh a, meigong numeiʼ puan zong khapna-in na laksak kei ding uh hi.

Mattiu 27:25

Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Mattiu 27:4

“Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cih san uh hi.

Ezekiel 18:6

Amah in Israel miteʼ milim biakte biakpih lo a, milim biakna pia lo ding, ci-in a kikhamna munah milim biakna sate zong ne lo hi. Midangteʼ zi zong luppih dingin zol lo a, numei in nin a neih laitakin zong luppih lo hi.

Kah la 4:13

Kamsangte le siampite in mawhna a bawl manun mi siangtho midikteʼ sihna a hong piang ahi hi.

Jeremiah 26:23

amau in zong Egypt gam panin Uriah manin kumpi Jehoiakim kiangah a puak uh hi. Amah in tua pa namsau tawh thatin a luanghawm mi mawkmawkteʼ kivuina munah a paai hi.

Jeremiah 26:15

Kei nong thah uh leh bel, mawhnei lo mi khat na thah manun note mahmah a kipan hih khuapi le a sunga teengte in na thuak ding uh thei ta un. Bang hang hiam cih leh noteʼ bil mahmah in na zak dingun hih thute a gen dingin Topaʼ hong sawl taktak ka hi hi,” a ci hi.

Jeremiah 7:5

“Bang hang hiam na cih uh leh na nuntak zia uh le na gamtatnate uh na kipuah uh a, khatlekhat kikalah thuman le thutakin na vaihawm uh a,

Jeremiah 2:30

Na tate uh thuhilhin ka sat hangin a mawkna suak zo ta hi. Amaute kibawl pha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Late 106:38

Amaute in Kanaan gam milimte a biakna-un mawhna nei lo a tanute uh le a tapate uh that uh a, hih mi thahna hangin gam sung a nin a suak hi.

2 KUMPI NIHNATE 21:6

Tua ciangin amah in biakna-in a tapa hal a, aisanna le mailam thugen kholhnate semin, vankah theite le aisante tawh nasem khawm hi. Topaʼ muhna ah amah a sia tampi gamta a, amah hehsak hi.

Siampi Laibu 25:17

Note khatlekhat kikhem loin na Pasian uh na zahtak ding uh hi; bang hang hiam cih leh kei pen Topa ka hi hi.

Jeremiah 5:28

Gitlohna lamah a hun bek a theithei kei uh hi. Tagah miteʼ phattuam nading khual loin thu a man lopi-in khen uh a, mizawngteʼ tungah thuman lo uh hi.

Jeremiah 7:9

Note in na gu-in, tual thatin, angkawmin, ahi lopi kiciamin, Baal kiangah meihal biakna pia-in, na theih ngei loh uh pasian dangte delhin,

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Ezekiel 22:7

A nu a pa a zahtak bawl kuamah om lo hi. Peemtate kikhem gawp a, meigong le tagahte zong kihih thopthop hi.

Siampi Laibu 19:33

“Na gam sung uh ah note lakah khualmi khat hong peem leh, ama tungah a man loin na gamta kei ding uh hi.

Paunak 23:10

Tanglai gisuang khiin kei unla, tagahteʼ leitang va keek kei un.