Jeremiah 7:32 - Tedim Bible Revision 2017

³² Tua ahih manin en un, Topa in kong cih in ah, tua mun pen Tofeth ahi zongin Hinnom Kuam ahi zongin a kicih nawn loh hun hong tung ding hi. Kithahna Kuam a kici zaw ding hi; bang hang hiam cih leh Tofeth munah mun awng a om nawn lo zah dongin misite a kivui ding hi.

Tedim Bible

³² Tua ahih manin en un, Topa in kong cih-inah, tua mun pen Tofeth ahi zongin Ben-Hinnom mualkuam ahi zongin a kicih nawn loh hun hong tung ding hi. Kithahna mualkuam a kici zaw ding hi, bang hang hiam cih leh Tofeth ah mun awng om nawn lo zah dongin mi site a kivui ding hi.

Jeremiah 7:32 Referans Kwoze

Jeremiah 19:11

amaute kiangah, Vanglian Topa in a cih in ah, hih beelseek paʼ beel kisukham a, a kibawl phatkik theih nawn loh bangmahin hih mite le hih khuapi ka sukham ding hi. Mun dangah si vui nading mun om nawn lo ding ahih manin Tofeth nangawn ah a kivui ding uh hi.

Jeremiah 19:6

Tua ahih manin, en un, Topa in kong cih in ah, hih mun pen Tofeth ahi zongin Hinnom Kuam ahi zongin a kicih nawn loh hun hong tung ding hi. Kithahna Kuam a kici zaw ding hi.

2 KUMPI NIHNATE 23:10

Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.

Jeremiah 19:13

Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

Jeremiah 7:31

Hinnom Kuam ah a tapate a tanute uh mei sungah a hal lupna ding uh Tofeth a kici biakna tau khat a bawl uh hi. Tua pen keiʼ sawl lah hi loin, zong ka ngaihsun kha ngei beek kei hi.

Siampi Laibu 26:30

Keimah in mual dawna na biaknate uh susia-in, na paknamtui biakna taute uh phukin, noteʼ milimʼ siluang hawmte tungah na luanghawmte uh ka pai dinga, keimah in note kong kih ding hi.

Jeremiah 19:2

nisuahna lam kongpi gei, Hinnom kuam ah pai-in, kong gen thute tua lai ah va taangko in.

Jeremiah 31:40

Misi luanghawmte le vutte a kibuakna kuam buppi le Kidron lui phak ma-a loteng khempeuh tawh, tua panin nisuahna lam a Sakol Kongpi kiu ciang dong, Topa adingin mun siangtho a suak ding hi. Cikmah ciangin tua khuapi kisusia nawn lo dinga, a kisuan khia ngei nawn kei ding hi,” a ci hi.

Ezekiel 6:4

Biakna taute kiphel kek dinga, paknamtui taute kisatkham ding hi. Tua lai ah a om mi khempeuh kithatin, a milimte uhʼ mai ah kipaithang gawp ding hi.