Jeremiah 7:25 - Tedim Bible Revision 2017

²⁵ Na pu na pate uh Egypt gam panin a hong paikhiat ni uh a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

Tedim Bible

²⁵ Na pu na pate uh Izipt gam pan-a a hong paikhiat ni uh-a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

Jeremiah 7:25 Referans Kwoze

Jeremiah 25:4

Topa in ama nasem ahi kamsangte khempeuh hong sawl tawntung hi napi-in note in ngai loin na bil uh na ngat kei uh hi.

2 KHANG TANGTHU NIHNATE 36:15

A mite le ama teenna mun khasiat ahih manin amauʼ pute pateʼ Pasian, Topa in a kamtaite amaute kiangah sawl teitei hi.

Ezekiel 2:3

“Mihing ahi Ezekiel aw, kei hong langpangin a hong lehdo Israel minamte kiangah nang a hong sawl ka hi hi. A pu a pate uh mah bangin amaute in tu dongin kei hong lehdo lai uh hi.

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cih in ah,

Nehemiah 9:26

“‘Ahi zongin amaute in demnopna lungsim nei-in nang hong lehdo uh hi. Amaute in na thukham nungngat uh a, nangma lamah hong ciahkik nadingun amaute a hilh na kamsangte that uh a, amaute in gendai mawhna lianpi bawl uh hi.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang miteʼ khut sungah amaute na pia hi.

Ezra 9:7

Ka pu ka pate uh hun a kipanin tu hun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpiteʼ khut sungah sihna, salsuahna, neihsa kisuhna le maizumna thuak uh a, tuhunin zong tua bangmah ka thuak uh hi.

Thu-hilhkikna 9:7

“Topa na Pasian uh sehnel gamah phinin na hehsakna uh phawk unla, mangngilh kei un. Egypt gam panin na paikhiat ni uh a kipan hih lai na tun dongun Topa langpanin na lehdo uh hi.

Luka 11:49

Tua thu hangin Pasianʼ Pilna a kici laibu sungah, ‘Amaute kiangah kamsangte le sawltakte ka sawl dinga, amaute in tua mite pawl khat bawlsia-in na that ding uh hi,’ ci-in kigelh hi.

2 KHANG TANGTHU NIHNATE 24:19

Ahi zongin Topaʼ lamah amaute a paipihkik dingin amah in amaute lakah kamsangte a puak hi. Hihte in amauʼ lang khat ah teci pang a, ahih hangin amaute in don lo uh hi.

Isaiah 5:4

Ka leenggui lo adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?

Jeremiah 11:7

Bang hang hiam cih leh Egypt gam panin ka lakkhiat pan a kipan tu ni ciang dong ka thu hong mang un, ci-in na pute na pate uh tungah tam veipi nakpi takin ka hilh ngitnget hi.

Jeremiah 25:3

“Amonʼ tapa Josiah, Judah gamah kumpi a suah zawh a kum sawm le kum thum pan tu ciang dong kum sawm nih le kum thum sung Topa in kei hong hopih a, keʼn zong note kiangah kong gen sawn tawntung hangin note in na ngai kei uh hi.

Jeremiah 29:19

Bang hang hiam cih leh, Topa in kong cih in ah, ka nasem ka kamsangteʼ tungtawnin kong puak ngitnget thute amaute in thupi sim loin a hong mang kei uh hi.

Jeremiah 35:14

Rekhabʼ tapa Jonadab in a suanlekhakte tungah leenggahzu a dawn loh nading uh a thupiakna amaute in zui uh a, tu ni ciang dong bangmah a dawn kei uh hi. Bang hang hiam cih leh amaute in a pu uhʼ thupiakna a mang uh hi. Keimah in note kong hopih tawntung hangin ka thu nong mang kei uh hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak uh leh note le na pu na pate uh kiangah ka piak gam sungah na teeng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.

Hosea 12:10

Kamsangte tungah thu ka gen hi. Maangmuhna a banbanin pia-in, kamsangte tungah thu gentehna tawh thu a gen pa zong keimah ka hi hi.

Amos 2:11

Na tapate uh pawl khat kamsang dingin ka teel a, na tangvalte uh pawl khat Nazir mi dingin ka teel hi. Israel aw, tu-a ka gen bangmah hi lo ahi hiam, Topa in kong ci khin hi.

Malakhi 3:7

Na pu na pate uh mah bangin ka thukhamte panin note na pial khia uh a, ka thukhamte na zui kei uh hi. Ahi zongin keima lamah hong kiheikik un; kei zong note lamah kong kihei ding hi. Ahi zongin note in, ‘Nang lamah hong bangci kihei ding ka hi uh hiam?’ na ci uh hi.

Hosea 11:7

Ka mite in kei kiang panin pial ding ngaihsun tawntung uh a, a sangna lam ah a kiko khop uh hangin kihon khia lo ding hi.