Jeremiah 7:18 - Tedim Bible Revision 2017

¹⁸ Naupangte in sing tomin, a pate un mei tawh uh a, nupite in a nusian uh vantung kumpinu ading moh bawlna ding annel meek uh a, kei hong hehsak nadingun, pasian dangteʼ dawn dingin leenggahzu tawh biakna a pia tazen uh hi.

Tedim Bible

¹⁸ Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Jeremiah 7:18 Referans Kwoze

Jeremiah 19:13

Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

1 KORIN MASA 10:22

A nih tuakah kihel khawm lehang Topa a heh nadingin a gamta ihi dinga, eite pen Topa sangin i hat zaw het kei hi.

1 KUMPI MASATE 14:9

nangmah in na mai-a om mite khempeuh sangin siatna bawl zaw-in, pai-in pasian dangte le a kisung milimte nang adingin bawlin ka heh nadingin nong phin a, na nung lamah kei nong paai hi.

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangteʼ kiangah tui dawn biakna a piakna uh innte zong a hal tum ding hi.

Jeremiah 25:7

Ahih hangin Topa in kong cih in ah, note in ka thu nong ngai kei uh a, noteʼ gim ngah nading mahin na khut uh tawh milim bawlin nong hehsak uh hi.

Jeremiah 11:17

Israel mite le Judah mite in meihalna tawh Baal bia-in hong hehsak uh a, hih bang siatna bawl uh ahih manin, amaute a phut keimah Vanglian Topa in amauteʼ tungah siatna a tun nading thu ka pia zo hi,” hong ci hi.

Isaiah 3:8

Bang hang hiam cih leh amaute khempeuh le amauʼ gamtatnate in Topa langpangin amah dem uh ahih manin Jerusalem khua kipukin Judah gam kia hi.

1 KUMPI MASATE 16:2

“Keimah in leivui lak panin nang hong sang to sakin ka mi Israel-te tungah makai-in nang hong bawl napi-in, nangmah in Jeroboamʼ khekhap mah tawnin ka mi Israel-te na khialsak a, amauteʼ khialhna tawh kei hong hehsak na hih manin

Thu-hilhkikna 32:21

Amaute in pasian ahi lote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a a gen taak lo mite tawh amauteʼ hazat theih nading ka bawl dinga, a hai mahmah minam khat tawh amaute ka hehsak ding hi.

Thu-hilhkikna 32:16

Amaute pen pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Thu-hilhkikna 4:19

Note in na mit uh tawh vantung lam en to-in, ni le kha le aksite, vantung na khempeuh na muh uh ciangin, mun khempeuh a miteʼ tungah Topa na Pasian un a piak nateʼ lamah kihei-in tuate bia-in a na na sep khak loh nading uh kidawm un.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuh ah biakna a pia uh hi. Meihal biakna a piakna uh le tui phih biakna a piaknate uh tawh kei hong hehsak uh hi.

Jeremiah 44:25

Vanglian Topa, Israel miteʼ Pasian in hong genin ah: Note le na zite un na khut bek uh tawh na sep uh hi loin na kam mahmah uh tawh, ‘Vantung kumpinuʼ tungah paknamtui hal ding le tui dawn biakna piak dingin ka kiciamnasa uh bangin ka sem taktak ding uh hi,’ ci-in na gen khinzo uh hi. Tua ahihleh na kiciamna uh kipsak ta unla, na kiciamna uh bangin sem dih un!

Isaiah 65:11

“Ahih hangin kei a hong nusia, ka mual siangtho a mangngilh, Gad pasian adingin sabuai phahin, Meni pasian adingin zu hel sa hai sungah a dim note pen,

Isaiah 65:3

ka maitang ah a tawntungin kei hong hehsak denin, biakna huan sungah biakpiakna bawlin dawibiakna tau tungah paknamtui a hal mite,

Isaiah 57:6

Kuam sunga om suangmaite na la uh a, tua suangmaite na bia uh hi. Tuate tungah tui tawh biakpiakna sungin, an tawh biakpiakna na paipih uh hi. Hih thuteʼ hangin kei lungdam ding ka hi hiam?

Late 16:4

Pasian dang a teelte in amauʼ dahna khangsak hi. Amauʼ si theh biaknate keʼn bawl pih loin, amauʼ pasian-te ka biakpih kei ding hi.

Jeremiah 7:17

Judah gam khuapite sung le Jerusalem khua kongzing lakah bang hih uh cih mu lo na hi hiam?

Jeremiah 17:2

A tate un singniim nuai khempeuh le mual sangteʼ tunga a biakna taute uh le a nusian uh Asherah milimte phawk veve uh a,

Kah la 5:13

Tangvalte sila bangin aana tawh an kigawisak a, naupangnote sing kitomsakin a lelh pipi uh a kipuasak hi.

Ezekiel 8:17

Tua ciangin amah in, “Mihing ahi Ezekiel aw, huate na mu hiam? Hih Judah gam mite in na muh sa a muhdahhuai a gamtatnate uh tawh lungkim nai lo lai uh a, gam sung khempeuh ah ngongtatna dimsak uh hi. Tua banah ka heh semsem nadingin hih bangin gamta uh hi. A sia thei tawpin hih bangin kei hong simmawh bawlna hong thei in.

Ezekiel 16:26

A lan mahmah na veeng Egypt mite na luppih a, na paktatna tawh kei nong hehsak hi.

Jeremiah 1:16

Ka mite in kei hong taisan uh ahih manin a mawhna uh hangin amauʼ tungah thu ka khen ding hi; pasian dangte tungah meihal biakna pia uh a, a khut uh tawh a bawl sa uh milimte a bia uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.

Ezekiel 8:16

Tua ciangin biakinn tual sung nungah hong paipih hi. Tua lai ah biakinn kongkhak gei, biakna taute le innliim kikal sanah mihing sawm nih le nga khawng na om a, biakna tau nungngatin nisuahna lam nga-in nisuak tung na bia uh hi.