Jeremiah 7:11 - Tedim Bible Revision 2017

¹¹ Ka min tawh a kilo hih biakinn noʼ ngaihsutna ah mi suam mi buluhteʼ bukna mun bangin ngaihsun na hi uh hiam? Keimah in noteʼ hih khempeuh kong mu khin hi, Topa in kong ci hi.

Tedim Bible

¹¹ Ka min tawh a kilo hih biakinn no’ ngaihsutna-ah misuam buluhte’ bukna mun bang-a ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.

Jeremiah 7:11 Referans Kwoze

Isaiah 56:7

ka mual siangtho ah paipihin keima thungetna inn sungah ka lungdamsak dinga, amauteʼ meihal biakna le a biakpiaknate uh ka biakna tau tungah kisang ding hi. Bang hang hiam cih leh ka inn pen mi khempeuh adingin thungetna inn kici ding hi.

Mattiu 21:13

Amaute kiangah, “Pasian in Lai Siangtho sungah, ‘Ka inn pen thungetna inn kici ding hi,’ ci napi-in, note in guktaakna phualpi na suaksak uh hi,” a ci hi.

Marka 11:17

Tua ciangin mite kiangah thu hilh a, “Ka inn pen mi khempeuh adingin thungetna inn kici ding hi,” ci-in Pasian in a genna thu Lai Siangtho sungah kigelh hi lo ahi hiam? Ahi zongin note in guta buluhteʼ bukna mun na suaksak uh hi, ci-in thu a hilh hi.

2 KHANG TANGTHU NIHNATE 6:33

na teenna mun vantung panin za inla, gamdang mipa in na tungah hong ngetna khempeuh tawh kizui-in hih in. Tua hileh nangma mi Israel-te mah bangin leitung mi khempeuh in na min thei-in nang hong zahtak ding uh a, keima lam sa hih biakinn pen nangma min tawh a kilo ahihna thei ding uh hi.

Johan 2:16

Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Paʼ inn pen sumzuakna inn phualpi-in nei kei un,” a ci hi.

Jeremiah 23:24

Mi khat peuhpeuh keiʼ muh loh dingin busim thei ding ahi hiam, Topa in kong ci hi. Leitung, vantung, mun khempeuh ah ka om lamtak thei lo na hi uh hiam, Topa in kong ci hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Jeremiah 29:23

Bang hang hiam cih leh amaute, Israel gamah hai gamtat uh hi: A inn veengteʼ zite mawhpih uh a, thu ka piak lohpi ka min tawh zuau thu a gen uh hi. Keimah Topa in ka mu a, teci ka hi hi, hong ci hi,” ci-in ka gelh hi.

Jeremiah 2:34

Mawhnei lo mizawngteʼ sisan na puan tungah baang hi. Amaute in na inn hong luh ngei beek lo uh hi. “Tua bang teng hi napi-in

Jeremiah 7:10

tua ciangin ka min tawh a kilo hih biakinn sung ka mai ah hong pai-in hong dingin, ‘Hong kihon khia zo hi,’ na cih khit uh ciangin hih a muhthadah huai nate khempeuh va hihkik zel ding na hi uh hiam?

Ezekiel 35:13

Kei hong gensia-in na kiphatsak paunate khempeuh a vekin ka za khin hi.

Isaiah 1:12

Keiʼ mai ah a kilaak dingin na hong pai uh ciangin hih bangin ka huang sung na tuatcil gawpna uh kuaʼn hong deih ding ahi hiam?

Daniel 9:18

Pasian aw, kong thungetnate uh hong ngai inla hong za in. Hong en inla, koteʼ siatna le na min a pua khuapi a siatna hong mu in. Koteʼ gamtatna pha a suang hi loin nangma migitna suangin thu ka hong ngen uh hi.