Jeremiah 7:10 - Tedim Bible Revision 2017

¹⁰ tua ciangin ka min tawh a kilo hih biakinn sung ka mai ah hong pai-in hong dingin, ‘Hong kihon khia zo hi,’ na cih khit uh ciangin hih a muhthadah huai nate khempeuh va hihkik zel ding na hi uh hiam?

Tedim Bible

¹⁰ tua ciangin ka min tawh a kilo hih biakinn sungah ka mai-ah hong pai-in hong ding-in, ‘Hong kihonkhia zo hi,’ na cih khit uh ciangin hih a muh thadah huai nate khempeuh va hih kik zel ding na hi uh hiam?

Jeremiah 7:10 Referans Kwoze

Jeremiah 32:34

Amaute in ka min tawh a kilo biakinn sung nangawn ah a kihhuai milimte a koih uh a, a ninsak uh hi.

Ezekiel 23:39

Milim biakna-in ka tate a gawh khit uh ciangin tua ni mahin ka biakinn ah pai-in ninsak uh hi. Ka biakinn sungah hih bangin gamta tazen uh hi.

Ezekiel 23:37

Amaute in milim biakna tawh nulepa mawhna bawlin mi zong that lai uh hi. Milimte tawh mawhna gamta-in, kei tawh a neih a tapate uh that uh hi. A tapate uh milim biakna-in go uh hi.

Jeremiah 34:15

Zan diakin no na kisikkik uh a, na mipihte ciat uh suahtak nading taangko-in, ka min tawh a kilo biakinn sung ka mai ah thuciamna na bawl uh a, ka muhna ah a kilawm na khat na sem khinzo uh hi.

Jeremiah 7:30

“Bang hang hiam cih leh, Topa in kong cih in ah, Judah mite in hoih ka sak loh nate a hih khinzo uh hi. Ka min tawh a kilo ka biakinn a nitsak nadingun a kihhuai milimte a koih uh hi.

Jeremiah 7:14

ka min tawh a kilo, note in na muan uh hih Jerusalem biakinn le note le na pu na pate uhʼ kiangah kong piak hih mun pen Shiloh a biakinn tungah ka hih bangin ka hih ding hi.

Jeremiah 7:11

Ka min tawh a kilo hih biakinn noʼ ngaihsutna ah mi suam mi buluhteʼ bukna mun bangin ngaihsun na hi uh hiam? Keimah in noteʼ hih khempeuh kong mu khin hi, Topa in kong ci hi.

Johan 18:28

Tua ciangin Kaiafasʼ inn panin gam ukpa Pilatʼ omna kumpi inn ah Jesu a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suah theih nadingun kumpi inn huang sungah lut lo uh hi.

Johan 13:18

“Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lut nuam kei uh a, a lut nuamte lah na lutsak kei uh hi.

Ezekiel 23:29

Amaute zong nangma tungah hong muhdah gamtat ding uh a, na thalawh sa na khempeuh hong laksakin na hawmguakin hong nusia ding uh hi. Na paktat gamtatna teng hong kipholak ding hi. Na hukna le na paktat gamtatna in

Ezekiel 20:39

Topa Pasian in, “Israel mite khempeuh aw, na milimte uh biabia un! Ahih hangin tu a kipanin keima thu nong man uh kul dinga, na milimte uh letsong piakna tawh ka min siangtho na daisak nawn kei ding uh hi,” a hong ci hi.

Isaiah 48:2

Note tua bang hi napi-in, khuapi siangtho sungah a teeng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na nei zaw lai uh hi.

2 KHANG TANGTHU NIHNATE 33:7

Tua ciangin Pasian in David le a tapa Solomon tungah, “Amaute ka thupiak khempeuh, thukham khempeuh, ngeinate le Moses tungtawnin a kipia biakna ngeina kipte zuih ding a kidop nak uh leh, Israel minam khempeuh sung panin ka teelkhiat hih biakinn sung le Jerusalem sungah ka min ka koih tawntung ding hi. Tua ciangin na pu na pate uh adingin ka seh sa gam panin Israel-te ka khiin khia nawn kei ding hi,” a cih Pasianʼ biakinn sungah amah in ama bawl sa milim koih hi.

2 KHANG TANGTHU NIHNATE 33:4

Topa in, “Jerusalem ah ka min om tawntung ding hi,” a cihna Topaʼ biakinn sungah amah in biakna taute a lam hi.

2 KUMPI NIHNATE 21:4

Tua ciangin Topa in, “Jerusalem ah ka min ka koih ding hi,” a cihna Topaʼ biakinn sungah amah in biakna taute lam hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Jeremiah 44:9

Judah gam le Jerusalem khua kongzing lakah na pute na pate uhʼ gitlohna, Judah kumpiteʼ gitlohna, a zite uhʼ gitlohna, note mahmahʼ gitlohna le na zite uhʼ gitlohnate mangngilh khin na hi uh hiam?

Ezekiel 33:25

Tua ahih ciangin Topa Pasian ahi keima thugen, hih bangin amaute kiangah gen in: Note in sasi, a sa tawh na nekhawm uh a, milim zong na bia uh hi. Mi zong na that lai uh hi. Tua ahih manin bangci-in hih gam pen kote aʼ hi, ci thei na hi uh hiam?

Daniel 9:18

Pasian aw, kong thungetnate uh hong ngai inla hong za in. Hong en inla, koteʼ siatna le na min a pua khuapi a siatna hong mu in. Koteʼ gamtatna pha a suang hi loin nangma migitna suangin thu ka hong ngen uh hi.

Hosea 6:9

Zawhthawh thu-in miʼ na a sut dingin a pangsim mite bangin siampite gamta uh a, biakna a pia dingin Shekhem khua ah a pai mite nangawn, lamkal ah a that uh hi. Amau gamtatna siahuai mahmah hi.

Amos 4:5

Lungdam kohna-in silngo sawh anlum va pia unla, utthu-a biakpiaknate va pia-in va kisial un. Hihte pawl pen noteʼ hih nop pawl ahi hi, Topa in ci hi.

Zefaniah 1:5

Innkhum zang ah kah to-in, ni, kha le aksi a bia mi khempeuh ka susia dinga, keimah hong bia-in, keima tungah thuman ding gen napi-in, Milkom pasianʼ min tawh a kiciam teiteite zong, ka susia ding hi.

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtat siate ahihleh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

1 KUMPI MASATE 9:3

Topa in ama kiangah, “Keima mai ah na hih sa na thungetna le na thumnate ka za khin hi. Na lam sa hih biakinn ka ap khin hi. A tawntungin tua biakinn sungah kei hong kibia dinga, a tawntungin tua biakinn ka hu ding hi.

Ezekiel 5:11

“Tua ahih ciangin Topa Pasian ahi keimah a nungta ka hih mah bangin, note in siatna nam khempeuh le a muhdahhuai gamtatna tawh ka biakinn ninsak na hih manun cikze het loin note kong suk mang taak kei leh, ci-in ka kiciam hi.