Jeremiah 6:8 - Tedim Bible Revision 2017

⁸ Jerusalem khuapi aw, kidawm in. Na kidop kei leh nang kong taisan dinga, kuama ten lohna gam simtham na suak kha ding hi,” a ci hi.

Tedim Bible

⁸ Jerusalem khuapi aw, kidawm in! Na tua cih kei leh kong taisan ding a, kuama’ teen’ lohna gam simtham na suak kha ding hi,” a ci hi.

Jeremiah 6:8 Referans Kwoze

Hosea 9:12

Amaute in ta khoi mah ta le-uh zong, suanlekhak a neih theih ma-un ka khansihsak khin ding hi. Hih mite ka nungngat ciangin amaute tungah a lungkham huai lianpite a tung ding hi.

Ezekiel 23:18

Amah numei paktat ahihna mi khempeuh theisakin, tua bangin amah le amah a kipholak ciangin a unu ka muhdah zah mah bangin amah zong ka mudah hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Ka thu hong mang lo uh a, ka hilhna a theih loh nadingun a lungsim uh a khauhsak uh hi.

Zefaniah 3:7

Tua ahih manin ka mite in kei hong zahtakin ka thuhilhna ngai ding uh a, mangngilh lo ding uh hi, ci-in ka ngaihsun hi. Ahi zongin a gamtat siat ngei bangun gamta lai veve uh hi,” a ci hi.

Jeremiah 32:33

Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.

Late 50:17

Bang hang hiam cih leh hilh ding na ut kei uh a, ka thute na nung lam uh ah na paai uh hi.

Jeremiah 31:19

Nangma kiang panin ka paikhiat khit phetin ka kisikkik a, nong thuhilh khit ciangin dahin ka kun hi. Ka neu laitak a ka min siatna teng pua niloh ka hih manin maizumin ka lung-am hi,’ a ci hi.

Jeremiah 9:11

“Jerusalem khuapi ninkholna ka bangsak dinga, se-alteʼ teenna mun ka suaksak ding hi. Judah gam khuapite gamlak ka suaksak dinga, kuamah teeng nawn lo ding hi,” a ci hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Jeremiah 7:20

Tua ahih manin Topa in kong cih in ah: En in, ka hehna le ka thangpaihna hih munah ka bua dinga, mihingteʼ tung le ganhingteʼ tung, lo lai-a singkungte le leilak a singgahte tungah ka sung ding hi. Ka hehna mei bangin kuang dinga, kisumit lo ding hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawp khia in. Na sungah gitlohna lungsim bang tanvei kemcip ding na hi hiam?

Jeremiah 2:15

Humpinelkai bangin a galte in amah hawk san uh a, nakpi takin a hawk gawp uh hi. A gam uh gam simtham a suah uh a, a khuapite uh cimin kuamah teeng lo hi.

Paunak 4:13

Hong kihilhnate lencip inla, khahsuah kei in. Na nuntak nading ahih manin limtakin zui in.

Late 94:12

Topa aw, migilote adingin gum khat a kitawh hun mateng, haksat hun sungteng a tawlngak theih nadingin na thukham na hilh mi, na thuhilh mi, mi nuamsa ahi hi.

Late 2:10

Tua ahih ciangin kumpite aw, tu-in pil ta un; leitung gam a ukte aw, tu-in thu phawk ta un.

Thu-hilhkikna 32:29

Amaute a pil hileh, hih thu thei tel ding uh a, amauʼ thu tawpna mu ding uh!

Siampi Laibu 26:34

Tua ciangin na galte uh leitang ah na om tanvei uh, gamkhingin a om sungteng, leitang in tawlngak hun a ngah hi ding hi. Leitang tawlnga-in, a sabbath-te a tang hi ding hi.

Jeremiah 7:28

Tua ciangin nangmah in amaute kiangah, ‘Hih gam pen, Topa amauteʼ Pasianʼ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Paunak 19:20

Thu kigente ngai-in hong kihilhte mang lecin mai lamah na pil ding hi.

Hosea 2:5

A nu uh a paktat hi a, tua ahih manin amaute a paii numei, zumna mel thei loin a gamta ahi hi. Amah in, “Ka it pasal dangte kiangah ka pai ding hi. Amaute in anletui, samul puan le saihadial puan, oliv thau le zu hong pia uh hi,” a ci zaw lai hi.