Jeremiah 6:6 - Tedim Bible Revision 2017

⁶ Bang hang hiam cih leh Vanglian Topa in, “A singte phuksak unla, Jerusalem khua sim nadingin phungin ciang un. Hih khuapi gim piak kul hi; bang hang hiam cih leh kinetniamna bekbek tawh a kidim hi.

Tedim Bible

⁶ Bang hang hiam cih leh a vanglian Topa in, “A singte phuksak un la, Jerusalem khua sim nadingin phungin ciang un. Hih khuapi daantah kul hi, bang hang hiam cih leh kinet niamna bekbek tawh a dim hi.

Jeremiah 6:6 Referans Kwoze

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang le pulnatna hangin amaute a sim Khaldea miteʼ khut sungah khuapi a kipia ding hi. Nong gen sa bangin hong tun loh phamawh ahih manin en in, nangʼ na mu ta hi.

Luka 19:43

Na kimkot ah na galte in a panmun ding uh hong to-in, hong umcihin hong nehcih hun hong tung ding hi.

Isaiah 37:33

“Tua ahih ciangin Assiria kumpipa tawh kisai-in Topa in hih bangin ci hi: Hih khuapi sungah amah hong pai lo dinga, thaltang zong lawn lo ding hi. Lum tawh hong pai lo dinga, galsimna ding panmun zong hong bawl lo ding hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Jeremiah 32:31

Hih khuapi in, a kisat cil a kipan tu ni ciang dong hong hehsakin hong thangpaisak ahih manin ka muhna panin ka hem khia ding hi.

Jeremiah 33:4

Bang hang hiam cih leh galteʼ kan tawhna le gal kidona hangin a kisusia gawp ding hih khuapi sunga innte le Judah kumpiteʼ innte tawh kisai-in, Topa, Israel miteʼ Pasian in kong cih in ah:

Ezekiel 4:2

Tua ciangin tua khuapi a ki-umcihna lah nadingin na kiimah dumte, phungte, galpanna phualte le kulh suk khapna ding molhtumte bawl in.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizang ah ka koih a, a kimkot ah gamdang khempeuh ka omsak hi.

Daniel 11:15

Tua ahih ciangin Syria kumpipa in kulhpi tawh a ki-umcih khuapite luh zo-in a la khin ding hi. Egypt galkapte in gal dosuak zo nawn lo ding uh a, galkap thahat pente a thaneem ding uh hi.

Zefaniah 3:1

Ama mite mah nengniamin, thumang loin a tatsia, Jerusalem khuapi in gimna ngah ding hi.

Jeremiah 5:9

Hih thute hangin amaute gim pia lo ding ka hi hiam? Topa in ka genin ah, hici bang minam tungah thukkik lo ding ka hi hiam?

Jeremiah 5:29

“Hih thute hangin amaute gim pia lo ding ka hi hiam, Topa in ka ci hi. Hih bang minamʼ tungah thukkik lo ding ka hi hiam, ka ci hi.

Jeremiah 20:8

Bang hang hiam cih leh thu ka gen simin, “Ngongtatna le kisiatna!” ci-in ka kiko den hi. Bang hang hiam cih leh Topaʼ kammal ka gen khiatna hangin nisimin simmawhna le zahpihna ka thuak lawh hi.

Jeremiah 39:1

Judah gamah Zedekiah kumpi a suah zawh kum kua le kha sawm a phak laitakin, Babylon kumpipa Nebukhadnezzar le a galkap khempeuh Jerusalem khua a sim dingin a hong kuan uh hi.