Jeremiah 6:4 - Tedim Bible Revision 2017

⁴ Amaute in, “Jerusalem khua a sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak ta a, i liimte sau keei ta hi.

Tedim Bible

⁴ Amau in, “Jerusalem khua sim dingin kisa un. Tho un, sun ciangin i sim ding hi,” a ci ding uh hi. Ahih hangin amau mah in, “Citciat aw, zekai lua hang! Ni tum dektak-a i liimte sau keei ta hi.

Jeremiah 6:4 Referans Kwoze

Jeremiah 15:8

Tuipi a sehnel omzah sangin nupi meigong ka tamsak zaw ding hi. Na tangvalte uh a khan laitakin ka that dinga, a nute uh ka lunggimsak ding hi. Noteʼ tungah thakhat thu-in lungkhamna le launa ka hong tungsak ding hi.

Zefaniah 2:4

Gaza khuapi ah kuamah om nawn lo dinga, Ashkelon khuapi kisusia ding hi. Ashdod khua mite suntangpi-in kihawl khia dinga, Ekron khua mite kipaikhiat pih mang ding hi.

Joel 3:9

“Minam dangte tungah hih bangin thu zaksakna bawl in: Galhang mite sam unla, galdo dingin kithawi un. Galkap khempeuh kaikhawmin hong kuan un!

Jeremiah 8:20

Mite in, “An kila khinzo a, khuakhal hun zong bei ta napi-in, eite hong kihon nai lo lailai hi,” a ci uh hi.

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Solomon la 2:17

nitak huih vot mateng nitak ni tum mateng a cing hi. Sanang bangin mual tunga sakhital no bangin itluat aw, hong paikik in.

Jeremiah 6:23

Thal le teipi tawi uh a, gilo mahmah uh a, hehpihna lungsim nei loin a husa uh tuipi ging tawh kibang hi. Jerusalem aw, sakol tungah amaute tuangin, nangmah a hong sim dingin a kithawi uh hi,” a ci hi.

Jeremiah 15:9

Ta sagih a nei nupi khakham vei-in a sibup hi. Sunkim lai hi napi ama adingin khuamial bang a, maizumna le mindaina a thuak hi. No a nungta laite na galte un namsau tawh a hong sat lup dingun kong pia ding hi, Topa in kong ci hi,” a hong ci hi.

Obadiah 1:1

Obadiahʼ gen kholhna: Edom gam tawh kisai-in Topa Pasian in hih bangin gen hi: Minamte lakah kamtai khat kisawl zo a, “Kithawi un! Edom mite a sim gawp dingin kuan khia ni,” a cihna thu ka za zo hi.

JOB (Job) 7:2

Sila nasemte in niliim lunggulhin nasem pa in a thaman a ngak tawh kibang hi lo ahi hiam?

Micah 3:5

Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,