Jeremiah 6:20 - Tedim Bible Revision 2017

²⁰ Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Tedim Bible

²⁰ Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Jeremiah 6:20 Referans Kwoze

Isaiah 1:11

Topa in hih bangin ci hi: “Noteʼ biakpiakna a tampite pen keiʼ tungah bang hi leltak ahi hiam? Tuutalte le ganhing thauteʼ sathau tawh meihal biaknate ka kham ta hi. Bawngtalte, tuunote le keelteʼ si tawh kei ka lungkim kei hi.

Isaiah 60:6

Midian mite le Efah miteʼ kalaoh note, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham le paknamtui hong paipih ding uh a, Topa phatna a taangko ding uh hi.

Late 40:6

Gan gawh biakna le khawh sa tawh biakna na deih kei a, khua ka zak theih nading bil na hong guan hi. Meihal biakna le mawhmaina ding biakna zong na kulsak kei hi.

Isaiah 66:3

Biakna-in bawngtal a go pa in mihing zong that hi. Biakpiakna-in tuuno a go pa in ui ngawng zong at hi. An tawh biakpiakna a bawlpa in vok si zong pia hi. Paknamtui tawh phawkna biakpiakna a bawlpa in milim zong bia-in thupha a pia hi. Hih mite amau ut bang ciatin gamta uh a, amauʼ kihhuai gamtatna uh ah nuam a sa uh hi.

Paikhiatna 30:23

“A hoih pen a namtui nate la in. Myrrh paknamtui shekel za nga le a namtui thaksing tua zah lang, shekel za nih le sawm nga a gik le a khum a namtui paknamtui za nih le sawm nga,

Ezekiel 27:22

Sheba le Raamah sumbukte in na van leina-in sing namtui hoih pente, suang manphate le kham hong pia uh hi.

Ezekiel 20:39

Topa Pasian in, “Israel mite khempeuh aw, na milimte uh biabia un! Ahih hangin tu a kipanin keima thu nong man uh kul dinga, na milimte uh letsong piakna tawh ka min siangtho na daisak nawn kei ding uh hi,” a hong ci hi.

Late 66:3

Pasianʼ tungah thu gen unla, “Nangma bawlnate bangzah ta-in dipkuathuai! Na vang lian mahmah ahih manin na mai ah na galte in nang hong mai-et uh hi.

1 KUMPI MASATE 10:10

Tua ciangin amah in kumpipa tungah kham talen za le sawm nih le a namtui nate tampi tak le suang manphate a pia hi. Sheba kumpinu in Kumpi Solomon tungah a piak hih banga a tam a namtui nate hong pai ngei nawn lo hi.

Paunak 15:8

Topa in migiloteʼ biakpiakna kihhuai sa a, thuman miteʼ thungetna ah lungdam hi.

Paunak 21:27

Topa in migiloteʼ biakpiaknate deih lo a, ngimna hoih lo tawh a piakte uh deih lo zaw kan lai hi.

Jeremiah 14:10

Hih mite tawh kisai-in Topa in thu gen a, “Kei kiang panin amaute vak khia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Jeremiah 14:12

An a tan uh hangin amauʼ thumna ka ngai kei dinga, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amauteʼ mawhnate phawkin tua mawhnate hangin amaute gim ka pia ding hi. Egypt ah amaute ka sawlkik ding hi.

Hosea 9:4

Gam dangah na om laitakun Topa tungah leenggahzu tawh biakna na pia kei ding uh a, gan gawh biakna zong na bawl kei ding uh hi. Sihna phual a annek bangin, na annekte un zong a ne teng hong ninsak ding hi. Na ante uh zong na gilvahna ding bek uh hi dinga, Topaʼ inn ah khat zong na tun kei ding uh hi.

2 SAMUEL NIHNA 15:12

Absalom in biakna a piak laitakin Davidʼ thulamlak pa, Giloh mi Ahithofel, ama khuapi Gilo panin samsak hi. Tua ciangin sawm simna hong hat semsem a, Absalom tawh a om mite kibeh laplap hi.

Malakhi 1:10

Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uhcin ka ut hi. Note tungah ka lungkim kei a, nong piak uh biakpiaknate kong sang kei ding hi.