Jeremiah 6:13 - Tedim Bible Revision 2017

¹³ Bang hang hiam cih leh a neu pen pan a lian pen dongin, thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Tedim Bible

¹³ Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 6:13 Referans Kwoze

Jeremiah 23:11

Topa in a cih in ah, “Kamsangte le siampite in Pasian a zahtak kei uh hi. Ka biakinn sung nangawn ah amauʼ gitlohna ka mu hi.

Jeremiah 8:10

Tua ahih manin a zite uh midangte ka piaksak dinga, a lote uh zong midangte ka luahsak ding hi. Bang hang hiam cih leh a neu pen pan a lian pen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Jeremiah 22:17

Ahih hangin note in thuman lo tawh ngah nading ahi zongin, mimawh loteʼ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Micah 3:5

Sum a pia zo mite kiangah thunuam gen a, a pia lo mite kiangah gal tuah ding a gen kamsangte in mite lam a khialsak uh hi. Topa in tua bang kamsangte kiangah,

Jeremiah 14:18

Lo lai ah paikhia leng, namsau tawh a kithat mi bekbek ka mu a, khuapi sungah lut leng, kialin a puksite bekbek ka mu hi. Kamsangte le siampite in koi ah pai ding cih thei lopi-in gam sungah an ngenin a vak kawikawi uh hi,’ ci-in va gen in,” hong ci hi.

Jeremiah 5:31

Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 57:17

Amauʼ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

1 TIMOTI MASA 3:3

zu a kham lo mi, a ngongtat lo mi, lungsim nem mi, kitot a uk lo mi, sum a deih lua lo mite hi ding uh hi.

Luka 16:14

Sum a deih phadiak Farisi mite in hih thute a zak uh ciangin Jesu a nuihsan uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Ezekiel 22:12

Pawl khat in sum deih manin mi that uh hi. Pawl khatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Kah la 4:13

Kamsangte le siampite in mawhna a bawl manun mi siangtho midikteʼ sihna a hong piang ahi hi.

Jeremiah 32:32

Bang hang hiam cih leh Israel mite le Judah mite, a kumpite uh le a kumpi uliante uh, a siampite uh le a kamsangte uh a kipan Judah mite le Jerusalem khua mite khempeuh in kei hong hehsak nadingin siatna a bawl uh hi.

Jeremiah 2:26

“Guta khatpeuh a kimat ciangin a zum bangin, Israel mite, a kumpite, a uliante, a siampite, le a kamsangte uh zong a maizum ding uh hi.

Jeremiah 2:8

Siampite in, ‘Topa koi ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

Isaiah 28:7

Hih mite zong leenggahzu tawh hoi-in khamtheih zu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasianʼ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

2 PETER NIHNA 2:1

Mite lakah kamsang man lo a omngei mah bangin note lakah sia man lo hong om ding hi. Siatna a piangsak thei thuhilhna a man lo hong lutpih simin, amaute mahmah a tan khia Topa nangawn nial ding uh hi. Tua ahih manin thakhat thu-in siatna thuak lawh ding uh hi.

Jeremiah 2:29

Kei na hong mawhsakna uh bang thu teng tawh ahi hiam? Na vekpi-un kei nong langpan khin uh hi, Topa in kong ci hi.

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khan lai-in a neihsa teng taan dinga, a tawpna ah mi haipi a suak ding hi.

Jeremiah 27:15

Topa in kong cih in ah, ‘Keimah in amaute ka sawl kei hi. Ahih hangin amaute in keiʼ min tawh a man lopi-in thu hilh uh a, tua hangin note le noteʼ kiangah thu hong hilh kamsangte kong sawl khia khawm dinga, na si ding uh hi,’ ci hi,” ci-in ka gen hi.

Jeremiah 42:1

Tua ciangin galkap maangte khempeuh, Kareahʼ tapa Johanan, Hoshaiahʼ tapa Azariah le a neu pen pan a kipan a lian pen dongin mi khempeuh hong pai khawmin

Jeremiah 23:10

Bang hang hiam cih leh mun khempeuh ah angkawmte a dim hi. Topaʼ hamsiatna hangin gam sung tengah kahna dim a, gamlak lo nona munte a keu mang hi. Amaute gamtat sia uh a, a vangliatna uh a man lopi-in a zang uh hi.