Jeremiah 6:12 - Tedim Bible Revision 2017

¹² A innte uh midangte in luah ding uh a, a lote le a zite uh a taan ding uh hi. Bang hang hiam cih leh Topa in kong cih in ah, hih miteʼ lang khat ah ka khut zanin gim ka pia ding hi.

Tedim Bible

¹² A innte uh midang in luah ding a, a lote leh a zite uh a taan ding uh hi. Bang hang hiam cih leh Topa in kong cih-inah, hih mite’ lang khatah ka khut zan-in daan ka tat ding hi.

Jeremiah 6:12 Referans Kwoze

Jeremiah 8:10

Tua ahih manin a zite uh midangte ka piaksak dinga, a lote uh zong midangte ka luahsak ding hi. Bang hang hiam cih leh a neu pen pan a lian pen dongin thuman lopi tawh sum zongin a huaiham uh hi. Kamsangte a kipan siampite dongin thuman lo khin uh hi.

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vat gawp a, mualte a kiliing hi. Amauteʼ luanghawmte kongzing lampite ah nin bangin a om hi. Hih bang teng hangin zong a hehna dam zo nai loin ama khut kizanlai hi.

Zefaniah 1:13

Amauʼ neihsa khempeuh kisut dinga, a innte uh kisuksiatsak ding hi. Inn a lam hangun a sungah teeng kha lo ding uh a, leenggui a suan hangun a leenggahzu dawn kha lo ding uh hi,” a ci hi.

Kah la 5:11

Zion mual le Judah gam sung khempeuh ah ka zite uh le ka nungakte uh hong kibuansak hi.

Kah la 5:3

Ka pate uh gal in hong thahsak khin a, ka nute uh meigong suak khin uh hi.

Kah la 3:3

Hong hehpih het loin a khut tawh a hong tum niloh hi.

Kah la 2:8

Jerusalem kulhpi a kipuk ding Topa in a ngaihsut sa ahi hi. A vekpi-in a kisia khin dingin amah in a seh sa ahi hi. Tausangte le kulhpite tu-in kisia khin piikpeek ta hi.

Jeremiah 38:22

En in, Judah kumpipaʼ inn sungah a kinusia numei khempeuh Babylon kumpipaʼ uliante kiangah kipaipih a, tua numeite in Zedekiah kiangah, ‘Na lawm muante in nang hong khem uh a, nang hong zo ta uh hi. Buan sungah na khe tum ahih manin nang hong nungngat ta uh hi,’ ci-in a gen uh hi.

Isaiah 10:4

Thongkiateʼ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:17

Tua ahih ciangin amauʼ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasianʼ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna dam zo nai lo a, ama khut kizanlai hi.

Isaiah 9:12

Ama mai-a om Syria mite le a nung a om Filistia mite in kam ka-in Israel ne tum uh hi. Hih thute khempeuh hangin ama hehna dam zo nai lo a, ama khut kizanlai hi.

1 KHANG TANGTHU MASATE 21:16

Tua ciangin David khuadak to a, leitung le vantung kikalah Topaʼ vantungmi dingin, a khut sungah a kidok sa namsau khat omin Jerusalem tungah a zan mu hi. Tua ciangin David le a upate puanhampi silhin maipuk uh hi.

Jeremiah 7:20

Tua ahih manin Topa in kong cih in ah: En in, ka hehna le ka thangpaihna hih munah ka bua dinga, mihingteʼ tung le ganhingteʼ tung, lo lai-a singkungte le leilak a singgahte tungah ka sung ding hi. Ka hehna mei bangin kuang dinga, kisumit lo ding hi.

Jeremiah 15:6

Nangmah in kei nong taisan zo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ip zo nawn kei hi.

Jeremiah 21:5

Kei mahmah in hehna le thangpaihna lianpi tawh ka khut zanin, a hat mahmah ka khut tawh note kong do ding hi.

Jeremiah 38:23

Na nupite le na tate khempeuh Babylon mite kiangah kipaipih dinga, nang mahmah zong amauteʼ khut sung panin na suakta kei ding hi. Babylon kumpipa in hong man dinga, hih khuapi mei tawh a kaang tum ding hi,” ka ci hi.

Ezekiel 35:3

Topa Pasian ahi keima thugen, hih bangin gen in: “Seir Mual tung gam aw, kei, nangma lang ka hi hi. Nang a gamkhingin kong bawl ding hi.

Micah 2:4

Tua bang hun hong tun ciangin mite in noteʼ gim ngahna thugentehna-in zangin, dah la phuakin sa ding uh a, “Eite i sia khin taktak hi. Topa in i gam hong laksak a, ei a hong mante tungah hong piaksak hi,” ci ding uh hi.

Zefaniah 1:4

“Judah gam mi khempeuh susia mangin, Jerusalem khuami khempeuh ka sumai ding hi. Baal milim biakna a them baang lai khempeuh le tua milim na a sem siampite ahi a, keima siampite ahi zongin, a vekpi-in ka sumai ding hi.

Kah la 5:2

Ka neihsa teng uh gamdang miteʼ khut sungah tung mangkhin a, ka inn sung uh ah gamdang mite teng ta uh hi.

Ezekiel 7:24

Minam gilo pente hong paipihin na innte uh ka luahsak ding hi. Minam dangte in na biakna mun ngeite uh a nitsak ciangin mi thahat-a a kineiteʼ kimuanna bei ta ding hi.