Jeremiah 52:3 - Tedim Bible Revision 2017

³ Topa in Jerusalem khua mite le Judah gam mite ama kiang panin a hawl khiatna zah dong dingin a hehna a lian hi. Zedekiah in Babylon kumpipa langpan hi.

Tedim Bible

³ Topa in Jerusalem khua leh Judah mite ama’ kiang panin a hawlkhiatna zah ding dongin a hehna a lian hi. Zedekiah kumpipa in Babilon kumpipa a langpan’ hi.

Jeremiah 52:3 Referans Kwoze

Isaiah 3:1

Topa, Vanglian Topa in Jerusalem khua le Judah gam panin nuntakna le luhinna, nuntakna an khempeuh le nuntakna tui khempeuh;

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topaʼ kiang zuankik nuam lo a, zong kisik nuam loin a lung khauhsak hi.

Isaiah 19:4

A thuak hak topaʼ khut sungah Egypt mite ka pia dinga, a kihtakhuai mahmah a gilo kumpipa in amaute uk ding hi, Topa, Vanglian Topa in ci hi.

Thuhilh-sia 10:16

A kumpipa miʼ cih bangbangin gamta lel a, zan khuavak-in zune makai a a nei, gam khat peuhpeuh in lungkhamna thuak hi.

Paunak 28:2

Gam sung mite a hoih loh ciangin a banbanin gam uk kumpi tampi nei uh a, ahi zongin mipil thungaihsun theite in gam sung thahatsakin kipsak uh hi.

1 KUMPI MASATE 10:9

Nang tungah lungdamin Israel kumpi tokhom tungah nang a hong koih Topa na Pasian in thupha ngah tahen! Topa in Israel it tawntung ahih manin nangmah in thutang le thuman na sepkhiat theih nadingin amah in kumpi-in nang hong bawl hi,” a ci hi.

2 SAMUEL NIHNA 24:1

Khat vei, Israel-te tungah Topa hong hehkik a, amah in miteʼ gim nadingin David hanthawnin, “Pai in; Israel le Judah mi a phazah sim in,” a ci hi.

Piancilna 4:14

En in, tu ni-in nangmah in leitung panin kei nong hawl khia a, nang kiang panin kei nong not khia hi. Kei pen a galtai, leitungah a vakvai ka hi dinga, kei hong mu peuhmah in hong that ding hi,” a ci hi.

Piancilna 4:16

Tua ciangin Topaʼ omna panin Kain pai khia-in Eden nisuahna lam Nod gam sungah a teeng hi.

2 KUMPI NIHNATE 24:20

Bang hang hiam cih leh Topaʼ hehna hangin ama kiang panin amaute a paih khiatna zah dong dingin Jerusalem le Judah tungah thu hong om hi.

Jeremiah 7:15

Efraimʼ suanlekhak ahi leilu lam a na behte khempeuh uh ka paihkhiat bangin note zong ka muhna panin kong paikhia ding hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai ah hong dingin hong thum uh zongin hih mite ka hehpih tuan kei ding hi. Ka muhna panin hawl khia unla, pai khiasak un.

2 KUMPI NIHNATE 17:18

Tua ahih ciangin Israel mite tungah Topa heh a, ama muhna panin amaute hem khia hi. Kuamah dang om nawn loin Judah gam mi bek om lai hi.

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migiloteʼ khut sungah amaute a pia hi.

Isaiah 36:5

Kampau lel pen galdo nadingin vaihawmna le vangin ngaihsun na hi uh hiam? Kei nong lehdo nadingun kua suang na hi uh hiam?