Jeremiah 51:7 - Tedim Bible Revision 2017

⁷ Babylon khuapi, Topaʼ khut sungah a om kham hai tawh kibang a, leitung buppi zu a khamsak hi. Gamdangte in a zu a dawn manun a hai khin uh hi.

Tedim Bible

⁷ Babilon khuapi in Topa’ khut sunga khamhai tawh kibang a, leitung buppi zu a khamsak hi. Gamdangte in a zu a dawn manun, a hai khin uh hi.

Jeremiah 51:7 Referans Kwoze

Mangmuhna 14:8

Tua ciangin vantungmi a nihna in hong zui a, “A Lian Babylon khuapi kicim, kicim! Amah a huk a lanna leenggahzu, mi khempeuh tungah pia-in khamsak a, gimna thuaksak hi,” a ci hi.

Mangmuhna 17:4

Tua numei in puan a dupsan le a ausan silh a, kham, suangmanpha le kep kibawl kizepna a tuamtuamte tawh a pumpi dimin kizem a, a paktatna hangin a kihhuai a nin mahmah nate a dimin a omna kham hai khat a tawi hi.

Mangmuhna 18:3

Bang hang hiam cih leh ama hukna leenggahzu mi khempeuh dawnsak a, leitung kumpite tawh paktat a, ama hukna hangin leitung sum bawlte in a hauhlawh uh hi,” a ci hi.

Mangmuhna 17:2

Leitung kumpite in tua a paktat mahmah nu tawh gamtat hoih lo gamta uh a, leitung mite in ama paktatna leenggahzu dawnin a kham uh hi,” hong ci hi.

Daniel 2:32

Tua milim lutang pen kham hoih mahmah tawh a kibawl ahi hi. A awm le a bante ngun tawh kibawl a, a gil le a pheite sumngo tawh kibawl hi.

Mangmuhna 19:2

A thukhennate thumanin thutang a, a paktatna tawh leitung mi khempeuh a siasak, a paktat nu tungah thu khen khinta a, ama nasemte a thahsakna hangin ama tungah a phu la khinta hi,” a ci uh hi.

Mangmuhna 18:23

Na sungah meivak taang zong kimu nawn lo dinga, a kiteeng nungak le tangval a lungdamteʼ awging kiza nawn lo ding hi. Bang hang hiam cih leh na sum bawlte, leitungah a thahat pen hi a, na ai tawh leitung mi khempeuh na khem hi.

Daniel 2:38

Amah in miʼ teenna leitung teng, ganhing teng le vasate a uk dingin nang a hong koih hi. Tua kham lutang pen nangmah na hi hi.

Jeremiah 50:38

Guah zu kei henla, a gunte uh kang tahen! Bang hang hiam cih leh milim biakna gam hi a, milimte a hai lawh uh hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Isaiah 14:4

Babylon kumpipa tungah hih zahkona kam na zang ding uh a, “Kumpi gilopa puk ta a, amah in kuamah nengniam zo nawn lo ding!

Jeremiah 13:13

Tua ciangin nangmah in amaute kiangah, ‘Topa in hong cih in ah: En un, Davidʼ tokhom tungah a tu kumpite, siampite, kamsangte le Jerusalem khua-a a teeng mi khempeuh a kipan gam sungah a om mi khempeuh zu tawh kidimsakin ka khamsak ding hi.

Ezekiel 23:42

Lungnuamin a om mihonteʼ gamlumna kiza a, gamlak panin mihon mawkmawk pawl khat zong hong kitun pih hi. Amaute in tua numeiteʼ khut ah tau butsak uh a, a lu tung uh ah kumpi lukhu hoihte khusak uh hi.