Jeremiah 51:6 - Tedim Bible Revision 2017

⁶ Babylon khuapi sung panin tai khia un. Mi khempeuh kisuahtak ciat un. Babylonʼ mawhna sihpih kei un. Bang hang hiam cih leh a mawhna bangun a thuak nadingun Topaʼ thuhkik hun ahi hi.

Tedim Bible

⁶ “Babilon khuapi sung panin taikhia un; mi khempeuh kisuahtak tek un! Babilon’ mawhna sihpih kei un, bang hang hiam cih leh a mawhna banga a thuak nadingun hih hun in Topa’ thuhkik hun ahi hi.

Jeremiah 51:6 Referans Kwoze

Jeremiah 50:8

“Israel mite aw, Babylon khuapi pan tai khia un. Khaldea gam panin paikhia un. Keel hon lak a keeltal bangin a paikhia masa ding kituh un.

Jeremiah 50:28

(Ngai dih un. Topa i Pasianʼ thuhkikna, ama biakinnpi hangin a phulakna thu Zion khua ah a taangko dingin Babylon gam panin ka mite suakta-in a tai uh hi.)

Jeremiah 50:15

Khuapi a sim dingin a kimkot ah awng un. Babylon khuapi in note hong lel khinzo hi. A galdalte uh cim khin a, a kulhte uh puk khinta hi. Hih pen Topaʼ phulakna ahih manin, amauʼ tungah phu la un. Midangte tungah a bawl bangin amauʼ tungah zong bawl un.

Jeremiah 51:45

Ka mite aw, amaute lak pan hong paikhia un. A lauhuai Topaʼ hehna panin mi khempeuh kisuahtak ciat un.

Jeremiah 25:14

Bang hang hiam cih leh gam tampi le kumpi liante in amaute salin man ding uh a, amauʼ gamtatna amauʼ tungah ka thukkik ding hi,” a ci hi.

Gamlak-vakna 16:26

Amah in mihonte kiangah, “Amauteʼ khialhna khempeuh tawh note hong kiphiat khia kha ding ahih manin, hih migiloteʼ puanbuk panin paikhia unla, amauʼ na khat beek lawng kha kei un, hong thum ing,” a ci hi.

Mangmuhna 16:19

Khuapi phel thum kisuah a, gam sunga om khuapi dang khempeuh kisia hi. Pasian in Babylon khuapi mangngilh lo a, ama hehna ahi leenggahzu a hai sung panin Babylon khuapi a dawnsak hi.

1 TIMOTI MASA 5:22

Topaʼ na a sem dingin kipsakna-in khut nga-in thungetna pen kuama tungah zang mengmeng kei in. Midang a khialte tawh khial khawm kha kei inla, siangtho takin na om theih nadingin limtakin kikem in.

Jeremiah 51:50

“Namsau in a hong thah khak loh a nungta lai note aw, pai un; dingding kei un. Gamlapi pek panin Topa hong phawk unla, Jerusalem khua zong mangngilh kei un.

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topaʼ thukkikna ahi hi.

Jeremiah 51:9

Ahi zongin midangte in, ‘Babylon khua i damsaknop hangin a dam zo ding hi nawn lo hi. Nusia ta unla, i gam ciat zuanin ciah ni. Ama tunga thukhenna in vantung dong ban khinta a, van dawn dong a pai to hi,’ a ci uh hi.

Jeremiah 50:31

En in, a Vanglian Topa Pasian in kong cih in ah: Nang a kisathei Babylon aw, nang kong langpan hi. Bang hang hiam cih leh nang gim kong piak hun ding na ni hong tung zo ta hi.

Isaiah 48:20

Babylon panin pai khia-in Khaldea gam panin tai inla, lungdamna tawh hih thu genin taangko inla, leimong dongin puak in. “Topa in ama nasem Jakob hon khia khinzo!” ci-in gen kawikawi in.

Jeremiah 46:10

“Bang hang hiam cih leh tu ni pen Vanglian Topa Pasianʼ ni hi a, phu a lakkik ni, a galte a thuk ni ahi hi. Namsau in amaute that dinga, a kham mateng a si uh a dawn ding hi. Bang hang hiam cih leh Vanglian Topa Pasian in Eufratis gun gei leilu lamah amaute biakna-in a nei hi.

Jeremiah 27:7

Ama gam a kisiat hun a tun mateng gam khempeuh in amah a kipan a tapa le a tupaʼ na a sepsak ding uh hi. Tua khit ciangin gam tampi le kumpi liante in amah salin a leh neihkik ding uh hi.

Jeremiah 25:16

Amaute in dawn ding uh a, amauteʼ kiang a ka sawl namsau hangin hoi dangdangin a hai lawh ding uh hi,” hong ci hi.

Paunak 13:20

Mipil tawh kikhawl lecin na pil dinga, mihai tawh kikhawl lecin gimna na thuak ding hi.

Thu-hilhkikna 32:43

Topaʼ mite phat un, no minam dangte aw; bang hang hiam cih leh amah in a nasemteʼ phu la a, a langte thuk-in, ama miteʼ gam adingin kilemna a bawl hi,” a ci hi.

Thu-hilhkikna 32:41

a tee ka namsau taatin, thu ka khen ciangin, ka galte tungah phu ka la dinga, kei hong mudahte ka thukkik ding hi.

Thu-hilhkikna 32:25

Namsau in gamlak ah amaute susia-in, inn sungah launa lianpi om dinga, tangval le nungak, naungek nawi nete, sam kangte tawh susia khawm ding hi.

Isaiah 63:4

Ka mite ka hotkhiat ding hun ta ka sa a, a galte uh gimpiak ding a hun hi ta hi, ci-in ka ngaihsun hi.

Jeremiah 48:6

‘Tai un! Na suahtak nadingun tai un! Sehnel gam a gamlak late bangin tai mang un!’ a ci uh hi.

Jeremiah 51:36

“Tua ahih manin Topa in kong cih in ah: En un, na thu uh ka hong sepsak dinga, note adingin ka hong thuksak ding hi. A bual ka keusak dinga, a ciktui ka kangsak ding hi.

Jeremiah 51:56

Babylon khua a susia ding mi khat hong pai khinzo hi. A galkapte uh kiman khin a, a thalte uh a tum a tel suak khin hi. Bang hang hiam cih leh Topa, a thukkik thei Pasian hi a, a thukkik taktak ding hi.

Kah la 3:64

“Topa aw, amauʼ gamtatna bangin thukkik in.

Late 94:1

A thukkik Pasian, a thukkik Pasian, Topa aw, na hehna hong lak khia in.