Jeremiah 51:46 - Tedim Bible Revision 2017

⁴⁶ Gam sungah kamdawn a kigen sawnte hangin lungkia kei un; lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat le kumpi khat kidona thu kigen thei hi.

Tedim Bible

⁴⁶ Gam sunga kam dawn kigen sawnte hangin, lungkia kei un, lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat leh kumpi khat kidona thu kigen thei hi.

Jeremiah 51:46 Referans Kwoze

Isaiah 19:2

Egypt mite amau le amau ka kitawngsak ding hi. Mi kim in ama veengte ciat do dinga, khua khatlekhat kido-in, mi khatlekhat kumpi za kituh ding hi.

2 KUMPI NIHNATE 19:7

En un, keimah in ama tungah thu khat ka piangsak dinga, amah in kamdawn khat za-in a gamah ciahkik ding hi. Ama gam mahah namsau tawh amah a tuk nading ka piangsak ding hi,” ci hi,’ ci un,” a ci hi.

Luka 21:28

Hih thute a pian ding hong kipat ciangin, note hong kihotkhiat ding hun hong nai ta ahih manin, dingin nuamna lungsim tawh khuadak un,” a ci hi.

2 KHANG TANGTHU NIHNATE 20:23

Bang hang hiam cih leh Ammon mite le Moab mite in Seir Mual a, a teengte a do dingin kipanin amaute susia mang uh a, Seir-a a teengte a beisak khit uh ciangin amaute khatlekhat kisusia uh hi.

Thukhente 7:22

Amaute in peengkul za thumte a tum uh ciangin, Topa in a galte khempeuh a namsau uh tawh amau le amau kisat gawpsak hi. Tua ciangin a galte uh Zererah gei Beth-shittah ciang le Tabbath kiang Abel-meholah gamgi dong tai uh hi.

Jeremiah 46:27

Ahih hangin lau kei un, ka nasem pa Jakobʼ suante aw. Patau kei un, Israel mite aw. Bang hang hiam cih leh gamlapi panin note kong hon khia dinga, na suanlekhakte uh saltanna gam panin kong hon khia ding hi. Jakobʼ suante hong ciahkik ding uh a, nuam takin a om ding uh hi. Kuamah in amaute a lausak nawn kei ding hi.

JOB (Job) 23:16

Vanglian Pasian in ka lungsim hanna hong mangsak hi.

Paunak 24:10

Haksatna na tuah ciangin na lung a kiat leh a gina lo mi na hi hi.

Isaiah 43:5

Nang hong ompih ka hih manin lau kei in. “Nisuahna lam panin na suanlekhakte kong paipih dinga, nitumna lam panin na mite kong kaikhawm ding hi.

Jeremiah 46:28

Topa in kong cih in ah, ka nasem Jakobʼ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin dinga, ahih hangin note kong susia khin kei ding hi. A kilawm zahin kong thuhilh dinga, gim pia loin kong mawk koih kei ding hi,” a hong ci hi.