Jeremiah 51:10 - Tedim Bible Revision 2017

¹⁰ “Keima mite in, ‘Topa in thuman ihihna hong kilangkhiasak zo hi. Hong pai un, Topa Pasianʼ nasepna Zion khua ah va taangko ni,’ a ci uh hi.

Tedim Bible

¹⁰ Topa in thuman i hihna hong kilangkhia sak zo hi. Hong pai un, Topa i Pasian’ nasepna Zion khua-ah va tangko ni.

Jeremiah 51:10 Referans Kwoze

Jeremiah 50:28

(Ngai dih un. Topa i Pasianʼ thuhkikna, ama biakinnpi hangin a phulakna thu Zion khua ah a taangko dingin Babylon gam panin ka mite suakta-in a tai uh hi.)

Late 37:6

Amah in nangma dikna khuavak bangin, nangma thumanna nitaang bangin hong langsak ding hi.

Isaiah 51:11

Topa’ mi a kithehthangte hong ciahkik dinga, lasakna tawh Zion ah hong pai ding uh hi. A tawntungin amaute lungdam ding uh a, amaute in lungdamna le kipakna ngahin, dahna le khuisatna nei nawn lo ding uh hi.

Isaiah 40:2

Dam takin Jerusalem mite hopih un. Amauʼ gimna hun bei ta a, amauʼ mawhna kimaisakin, amauʼ khialhnate hangin Topa in a kicingin gim pia khinzo ta hi, ci-in amau tungah gen un.

Late 9:14

nangmah a hong kiphatnate phawk kikkik inla, na hong hotkhiatna hangin Jerusalem khua sungah ka nuamna ka gengen ding hi.

Late 64:9

Tua ciangin mi khempeuh lau ding uh hi. Amaute in Pasianʼ hih sa thute gengen ding uh a, ama hih sa nate khempeuh ngaih sunsun ding uh hi.

Jeremiah 50:45

Tua ahih manin Babylon khuapiʼ thuak ding le Khaldea gamʼ gim nadingin Topaʼ geelna le ngimnate ngai dih un. A ta ngeekte nangawn uh kikai khia takpi dinga, mi khempeuh a lau taktak ding uh hi.

Late 66:16

Pasian a zahtakte khempeuh aw, hong pai unla, hong za un. Kei-aʼ dinga ama bawl sate kong gen ding hi.

Late 118:17

Kei ka si kei dinga, ka nungta ding hi. Topaʼ sepnate ka gengen ding hi.

Isaiah 24:14

A suakta sun mite in lungdamin la sa ding uh hi. Nitumna lam a om mite in Topa a liat mahmahna thu gen ding uh hi.