Jeremiah 5:9 - Tedim Bible Revision 2017

⁹ Hih thute hangin amaute gim pia lo ding ka hi hiam? Topa in ka genin ah, hici bang minam tungah thukkik lo ding ka hi hiam?

Tedim Bible

⁹ Hih thute hangin amaute daantat lo ding ka hi hiam? Topa in ka gen-inah, hi ci bang minam’ tungah thukkik lo ding ka hi hiam?

Jeremiah 5:9 Referans Kwoze

Jeremiah 9:9

Hih thute hangin gim pia lo ding ka hi hiam, Topa in kong ci hi. Hih bang minam khat tungah ka phu la lo ding ka hi hiam?

Jeremiah 5:29

“Hih thute hangin amaute gim pia lo ding ka hi hiam, Topa in ka ci hi. Hih bang minamʼ tungah thukkik lo ding ka hi hiam, ka ci hi.

Nahum 1:2

Topa Pasian in amah a demte koihkhong lo a, amah a langpangte gim pia-in a galte thukkik hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amauteʼ mawhnate phawkin tua mawhnate hangin amaute gim ka pia ding hi. Egypt ah amaute ka sawlkik ding hi.

Hosea 2:13

Kei hong mangngilh tanvei sung, Baal pasian tungah paknamtui a hal tanvei sung le a pasal it dangte tawh a kikhawl dingin a manpha kizepna a tuamtuamte tawh a kizep hun tanvei sungzah mah gim ka pia ding hi.

Ezekiel 7:9

Note kong zah kei dinga, zong kong khasiat kei ding hi. A muhdahhuai na gamtatna sate uh hangin gim a hong pia ding ka hi hi. Tua ciangin Topa ka hihna le note tungah gim a hong pia pa ka hihna na thei ding uh hi.

Kah la 4:22

Jerusalem in a mawhna thaman a sang khinzo ta ahi hi. Ka thuak ding uh a nasia penpen teng ka thuak khinzo ta uh hi. Ahi zongin Edom aw, Topa in nang gim hong pia dinga, na mawhna khempeuh a hong pholak ding hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuak zo nawn lo hi. Tua ahih manin tu ni mahmah in zong na gam uh gamlak suak khin a, miteʼ kihamsiatna suakin kuamah teeng nawn lo hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel miteʼ Pasian in hong genin ah, “Note in ka mite kikhenthang sakin na hawl khia mang uh a, amaute na don kei uh hi. En un, Topa in kong cih in ah, na gamtat siate uh hangin gim kong pia ding hi.

Isaiah 1:24

Tua ahih ciangin, Topa, Vanglian Topa, Israel-teʼ Vanglian Pasian in hih bangin ci hi: “Ah, ka lang ahi noteʼ tungah ka hehna kong khah khia dinga, ka gal ahi note tungah keimah in kong thuk ding hi.

Thu-hilhkikna 32:43

Topaʼ mite phat un, no minam dangte aw; bang hang hiam cih leh amah in a nasemteʼ phu la a, a langte thuk-in, ama miteʼ gam adingin kilemna a bawl hi,” a ci hi.

Thu-hilhkikna 32:35

Phulakna le thukkikna kei aʼ hi a, a hun ciangin amaute puk ding uh hi. Bang hang hiam cih leh amauʼ gim ngah hun ding hong nai ta a, amauʼ siat nading hong tung pah hi.

Siampi Laibu 26:25

Keimah in, thuciamna om sa bangin phulakna na a sem ding namsau khat noteʼ tungah kong tungsak ding hi. Na khuapi sung uh ah note na kikaihkhop uh leh zong keimah in noteʼ lakah natna kong tungsak dinga, na galte uh khut sungah note hong kipia ding hi.

Isaiah 57:6

Kuam sunga om suangmaite na la uh a, tua suangmaite na bia uh hi. Tuate tungah tui tawh biakpiakna sungin, an tawh biakpiakna na paipih uh hi. Hih thuteʼ hangin kei lungdam ding ka hi hiam?

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Jeremiah 32:31

Hih khuapi in, a kisat cil a kipan tu ni ciang dong hong hehsakin hong thangpaisak ahih manin ka muhna panin ka hem khia ding hi.

Kah la 3:42

“Topa aw, nang tungah kong khial uh a, hong leh do kha ka hih manun ka mawhna uh na hong maisak nai kei hi.

Siampi Laibu 18:25

Leitung a nin suak ahih manin keimah in a leitang gimna pia-in, leitang in ama tunga a teeng mite a lua khia hi.

Paunak 6:29

Tua mah bangin miʼ zi tawh a mawhte in gimna thuak ding uh a, tua bang a gamta peuhmah in gimna thuak ding uh hi.

Jeremiah 6:6

Bang hang hiam cih leh Vanglian Topa in, “A singte phuksak unla, Jerusalem khua sim nadingin phungin ciang un. Hih khuapi gim piak kul hi; bang hang hiam cih leh kinetniamna bekbek tawh a kidim hi.

Jeremiah 6:11

Tua ahih ciangin Topa aw, kei zong ka heh mahmah a, ka thuak zo nawn kei hi,” ka ci hi. Tua ciangin Topa in kei hong hopih a, “Keiʼ tang dinga na hehna kongzing lak a naupangte tungah bua khia inla, tangvalteʼ kikhopna ah zong bua khia in. Papite le nupite zong kila khia dinga, piteek puteekte zong kipaikhiat pih ding hi.

Jeremiah 9:8

A leii uh thaltang lauhuai bang a, zuau thu a gen uh hi. A kam uh tawh a inn veengte kiangah a aw-zol uh hangin, a sih nading uh a lungsim sung uh ah a ngaihsun veve mawk uh hi.