Jeremiah 5:7 - Tedim Bible Revision 2017

⁷ “Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Tedim Bible

⁷ “Na mawhna uh hong koici maisak ding ka hi hiam? Na tate un kei hong nusia zo uh a, pasian ahi lopi peuh tawh kiciam zo uh hi. Amaute a gilvah dong uh an ka vak khit ciangin, ang kawmin numei paktatte’ innah a hon om uh hi.

Jeremiah 5:7 Referans Kwoze

Galati 4:8

A beisa hunah Pasian thei lo na hih manun Pasian ahi lo vangliatna a neiteʼ sila-in na om uh hi.

Jeremiah 2:11

Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Thu-hilhkikna 32:21

Amaute in pasian ahi lote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a a gen taak lo mite tawh amauteʼ hazat theih nading ka bawl dinga, a hai mahmah minam khat tawh amaute ka hehsak ding hi.

Zefaniah 1:5

Innkhum zang ah kah to-in, ni, kha le aksi a bia mi khempeuh ka susia dinga, keimah hong bia-in, keima tungah thuman ding gen napi-in, Milkom pasianʼ min tawh a kiciam teiteite zong, ka susia ding hi.

1 KORIN MASA 8:4

Tua ahih manin biakna sa tawh kisai thu panin: Milim i cih pen bangmah a om lopi khat lim dingin a kibawl na hi a, Pasian khat bek a om ahihna thu i theih ciat ahi hi.

Jeremiah 23:10

Bang hang hiam cih leh mun khempeuh ah angkawmte a dim hi. Topaʼ hamsiatna hangin gam sung tengah kahna dim a, gamlak lo nona munte a keu mang hi. Amaute gamtat sia uh a, a vangliatna uh a man lopi-in a zang uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Hon khia pa thusim lo uh hi.

Jeim 4:4

A citak lo mite aw, leitung tawh kipawlna pen Pasian tawh kigal neihna ahih lamtak thei lo na hi uh hiam? Leitung tawh a kipawl mite pen Pasian tawh a kigal neih dingin a kibawlbawl ahi uh hi.

Jeremiah 12:16

Tua ciangin, ka miteʼ om dan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uh leh ka mite lakah kip takin a om ding uh hi.

1 KORIN MASA 6:9

Migilote, Pasianʼ Ukna sungah a lut het loh nading thu na thei uh hi. Note kihai bawl kei un. Numei tawh a paktatte, milim biate, mi zi ahih kei leh mi pasal tawh a mawhte, pasal le pasal a khialte,

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Amos 8:14

Samaria milim pasian Ashimah min tawh kiciam a, ‘Dan khuapi pasian a nungta ahih mah bangin,’ le ‘Beer-sheba khuapi pasian a nungta ahih mah bangin,’ a ci mite pukin thokik nawn lo ding uh hi,” a ci hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Hosea 11:8

Israel mite aw, bangci-a hong nusia thei dinga, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua ci banga hih ding ka lungsimah om lo hi.

Hosea 7:4

Amaute zuautatin citak lo uh hi. Amaute pen, moh bawl pa in a anlom meek a pawm mateng, moh emna meikhuk sunga a tawh sa, mut loh seem lohin a koih phot mei tawh kibang uh hi.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh beh laplap uh hi.

Ezekiel 22:11

Pawl khat in midangteʼ zi tawh nulepa mawhna bawl uh a, pawl khat in a mote mawh pihin, pawl khat in a sanggamnu ahi a paʼ tanu mawhpih hi.

Jeremiah 13:27

Na kihhuainate, na angkawmna, na hukna le gamlak mual tungah numei paktat bangin milim pasian peuh na biak kawikawinate ka mu zo hi. Jerusalem aw, gimna ngah ta in. Na siantho nadingin bang tanvei sawt ding ahi hiam, a ci hi.

Jeremiah 9:2

Sehnel gamlak ah khawl nading bukno khat nei thei-in ka mite nusia-in a taisan thei hi leng ka ut hi. A vekpi-un angkawm hat hi khin uh a, thuman lo kim uh hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoih pen gam nopci mahmah khat nang hong pia ning, ci-in ka ngaihsun hi.

Jeremiah 2:31

No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Late 50:18

Guta khat mu le-uhcin ama lawm na hi pah uh a, a paktat mite tawh na kikhawl uh hi.

Siampi Laibu 20:10

“Pasal khatpeuh a veengpaʼ zi tawh a mawh leh, tua a khial pa le a khial nu kithat khawm ding hi.

Hebru 13:4

Mi khempeuh in nupa thu thupi ngaihsut uh henla, zite pen pasalte tungah citakin, pasalte zong a zite uh tungah citak uh hen. Pasian in a thaangtat mite le nulepa mawhna a gamta mite tungah thu khen ding hi.

2 KHANG TANGTHU NIHNATE 13:9

Note in Aaronʼ suan, Topaʼ siampite le Levi mite hawl khia-in, gamdang mite bangin note adingin siampite bawl khin hi lo na hi uh hiam? Bawngtalno khat tawh ahi a, tuutal sagih tawh ahi zongin a ki-ap dingin a hong pai peuhpeuh, pasian ahi loteʼ siampi suak pahpah hi.

Jeremiah 7:9

Note in na gu-in, tual thatin, angkawmin, ahi lopi kiciamin, Baal kiangah meihal biakna pia-in, na theih ngei loh uh pasian dangte delhin,

Jeremiah 16:11

Tua ciangin nangmah in amaute kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.

Jeremiah 16:20

Mi in ama pasian ding bawl tawm thei ahi hiam? Tuate pasian hi lo hi,” hong ci ding uh hi.

Kah la 3:42

“Topa aw, nang tungah kong khial uh a, hong leh do kha ka hih manun ka mawhna uh na hong maisak nai kei hi.

JOB (Job) 31:12

Ka neih khempeuh a kaang tum thei mei husia tawh a kibang ahi hi.)

Jeremiah 3:8

A zulhzau Israel, midang tawh a khialhna hangin kimakna lai pia-in, ka hawlkhiat zong amah in a mu hi. Ahih hangin numei gina lo Judah lau tuan loin, amah zong numei paktat khat mah a va suak veve hi.

Jeremiah 9:1

Ka lutang tuikhuk hong hi thei henla, ka mitte khitui nak hong hi thei leh ka miteʼ kithah lupna hangin a sun a zanin ka kapkap ding hi.