Jeremiah 5:22 - Tedim Bible Revision 2017

²² kei hong kihta lo na hi uh hiam, Topa in kong ci hi. Keima mai ah liing lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin zuazua uh hangin kantan zo tuan lo uh hi.

Tedim Bible

²² Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Jeremiah 5:22 Referans Kwoze

Late 104:9

Tua tuite in leitung a tuamkik loh nadingin amauteʼ kantan loh ding gamgi khat na phut hi.

JOB (Job) 26:10

Amah in muh tawpna ah git dinden a, khuavak le khuamial a khen hi.

Paunak 8:29

tuipi tuite in ama cihna ban a khengin a luan loh nading thu a piak laitak ka om a, leitung bulpi a phuh laitak kei ka om hi.

Late 119:120

Nang kong zahtakna hangin ka khuasikmul suak a, na thukhennate ka zahtak hi.

Thu-hilhkikna 28:58

“Hih a minthang, a zahtakhuai min, Topa na Pasian uh na kihtak theih nadingun hih laibu sunga kigelh hih thute limtakin zuih ding na ngaihsut kei uh leh,

Nahum 1:4

Amah in tuipi a tai ciangin tuipi kangcip pah a, gunpite zong kangcipsak hi. Bashan gam keu gawpin Karmel Mual kausan a, Lebanon Mual a om pakpalhte a vul hi.

Jeremiah 10:7

Gam khempeuhteʼ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amauʼ gam sung khempeuh lakah nang tawh a kibang kuamah om lo hi.

Marka 4:39

Jesu zong tho-in, “Nung nawn kei in,” ci-in huihpi thu pia a, tuihualte kiangah, “Kilok nawn kei un,” a ci hi. Tua ciangin huihnung khawlin dai khipkhep pah hi.

Mangmuhna 15:4

Topa aw, nang, kua in hong kihta lo dinga, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai ah hong bia ding uh hi,” a ci uh hi.

Amos 9:6

Topa in vantungah a inn deite bawl a, van kuumpi tawh leitung a khuh suk hi. Amah in tuipi panin tuite sam khia a, leitung khempeuh ah tua tuite a sung hi. Hih bangin a bawlpaʼ min pen Topa ahi hi.

Late 99:1

Topa in uk hi. Mihonte liing hen. Kherub-te tungah amah tu hi. Leitung liing tahen.

Late 33:7

Amah in tuipi tuite thawl khat sunga thun bangin mun khat ah gawm a, tui thukpite tuibeem ah a koih hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Isaiah 50:2

“Kong pai ciangin bang hangin mi khat zong om lo ahi hiam? Kong sap ciangin bang hangin hong dawng ding khat zong om lo ahi hiam? Hong hon zo lo zah dingin ka khut hat lo lua ahi hiam? Tua ahih kei leh zong note khah khiatna ding vangliatna nei lo ka hi hiam? Keima taina tawh tuipi ka keusak a, gunte pen sehnel gam ka suaksak hi. Tui om loh manin a ngasate dangtakin si-in a uih gawp hi.

Luka 12:5

Kuate kihta ding na hi uh hiam cih leh, mite in a thah khit sa mipa pen hell khuk sungah a khia thuah thei lai Pasian na kihta un.

Daniel 6:26

Ka gam sunga om mi khempeuh in Danielʼ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo dinga, a vangliatna a bei ngei kei ding hi.

Isaiah 66:5

Ama thu ah lau-in a liing mite aw, Topa’ thu za un: Keima tungah note nong cihtakna hangun na mipihte uh pawl khat in note hong mudahin hong hawl khia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak henla, note hong hon khia tahen,” hong ci vial ding uh hi. Hih banga hong paute pen mindaina a thuak ding mite ahi uh hi.

Piancilna 1:9

Pasian in, “Vantungte nuai-a om tuite mun khat ah kikhawm henla, lei keu kidawk hen,” ci hi. Tua mah bangin a piang pah hi.

JOB (Job) 38:8

“Lei sung panin tuipi hong suahkhiat laitakin, tua tuipi a khaktan ding kongpi kua in na khak ahi hiam?

Jeremiah 2:19

Na gitlohna mah in nangmah hong thuhilh dinga, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam het loin kha velval hi, cih thu thei inla mu in, Vanglian Topa Pasian in ka hong ci hi.

Amos 4:12

Tua ahih ciangin Israel mite aw, hih bangin note tungah kong bawl ding hi. Hih bangin hong hih ding ka hih manin Pasianʼ thukhenna a thuak dingin kiging un.

1 KUMPI MASATE 13:28

Tua ciangin amah pai a, lampi ah a luanghawm kipaai-in la leh humpinelkai a luanghawm gei ah a ding a mu hi. Humpinelkai in a luanghawm ne lo a, a la zong balnen lo hi.

JOB (Job) 37:24

Tua ahih manin mi khempeuh in amah a zahtakna, mipil a kisate amah in a don lohna, lamdangsak ding hi lo hi.” a ci hi.

Jeremiah 31:35

Topa in sun-a khuavak dingin ni hong pia a, zan a khuavak dingin a kikheel ngei lo kha le aksite hong pia hi. Tuipi a lawh ciangin tuihualte ging zuazua a, ama min pen Vanglian Topa kici hi.

Jonah 1:16

Tua ciangin tua mite in Topa kihta mahmah uh a, Topaʼ tungah biakna pia-in thuciamna a bawl uh hi.