Jeremiah 5:18 - Tedim Bible Revision 2017

¹⁸ “Ahih hangin tua bang hun ciang nangawnin, Topa in kong cih in ah, note kong sumai mangkhin sam kei ding hi.

Tedim Bible

¹⁸ “Ahih hangin tua bang hun ciang nangawnin, Topa in kong cih-inah, note kong su maimang khin sam kei ding hi.

Jeremiah 5:18 Referans Kwoze

Jeremiah 5:10

A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Jeremiah 4:27

Bang hang hiam cih leh Topa in, “Gam buppi, gamlak suak dinga, ahih hangin ka susia sam kei ding hi.

Ezekiel 11:13

Tua bangin thu genin ka om laitakin Benaiahʼ tapa Pelatiah hong din sih hi. Kei zong leilak ah bok sukin ka kiko a, “Topa Pasian aw, Israel gam sungah a om lai mi khempeuh thah khit sawm na hi hiam?” ka ci hi.

Ezekiel 9:8

Tua bangin mi a kithah laitakin keimah guak ka om hi. Kei zong lei ah bokin, “Topa Pasian aw, Jerusalem tungah na hehna hangin Israel mi a om laisun khempeuh that mang khin ding na hi hiam?” ci-in ka kiko hi.

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuu hon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Jeremiah 5:19

Na mipihte un, ‘Bang hangin Topa i Pasian in hih bangin eiʼ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uh ah gamdang pasian-teʼ na na sep uh bangin, noteʼ gam ahi lo gam dangah, gamdang miteʼ na na sem ding uh hi,’ na ci ding hi,” hong ci hi.

Jeremiah 30:11

Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.

Ezekiel 20:17

“Ahi zongin amaute ka khasiat a, gamlak ah amaute ka susia kei a, ka maimangsak kei hi.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amauteʼ tungah vang a pia bek na hi hi.