Jeremiah 5:16 - Tedim Bible Revision 2017

¹⁶ Thal tawh a kap uh teh kap lum lianlian uh a, a vekpi-un galhang kim uh hi.

Tedim Bible

¹⁶ Thal tawh a kap uh ciangin sisak lianlian uh a, a vekpi-in gal hang kim uh hi.

Jeremiah 5:16 Referans Kwoze

Isaiah 5:28

Amauʼ thaltangte hiam a, a thal khempeuh uh a kikeek sa ahi hi. Amauʼ sakolteʼ khecinte meisuang bangin sak a, a leengpeite uh pingpei bangin manlang hi.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau gawlgui pen a kihong sa hankhuk tawh kibang hi. A kam uh tawh mawk phat uh hi.

ROM (Romans) 3:13

A kam uh tawh mi that uh a, a kam uh tawh zuau thu gen uh a, a kampaute uh gulgu tawh kibang hi.

Isaiah 13:18

Amauʼ thalte in tangvalte that ding hi. Amaute in gil sung pan a piang naungekte hehpih lo ding uh hi. Amauteʼ mit in naupangte khasiat lo ding hi.

Kah la 3:13

Amah in a thaltang a thuktum theithei dingin a hong kap hi.

Jeremiah 6:22

Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Jeremiah 6:23

Thal le teipi tawi uh a, gilo mahmah uh a, hehpihna lungsim nei loin a husa uh tuipi ging tawh kibang hi. Jerusalem aw, sakol tungah amaute tuangin, nangmah a hong sim dingin a kithawi uh hi,” a ci hi.