Jeremiah 5:15 - Tedim Bible Revision 2017

¹⁵ “En un, Israel minamte aw, Topa in kong cih in ah, gamlapi panin note a hong sim dingin gam khat kong kuansak ding hi. Tua gam pen tanglai pekin a om khin sa, a hat mahmah, amauteʼ pau na theih loh uh gam khat ahi hi.

Tedim Bible

¹⁵ En un, Israel minamte aw, Topa in kong cih-inah, gamlapi panin note hong sim dingin gam khat kong kuansak ding hi. Tua gam in tanglai peka a om sa, a hat mahmah, amaute’ pau na theih loh uh gam khat ahi hi.

Jeremiah 5:15 Referans Kwoze

Thu-hilhkikna 28:49

Topa in a gamlapi leimong panin muvanlai leeng bangin a manlang, amauʼ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, noteʼ lang khat ah hong paipih dinga,

Jeremiah 4:16

Minamte kiangah va gen unla, Jerusalem kiangah va taangko un. “Gamlapi panin mite hong pai uh a, Judah gam khuapite langpangin hong kiko uh hi.

Isaiah 33:19

Na theihtheih loh uh, a kitel lo kampau a zang, na tel theih loh un a pau bualbual, mi kihisakte na mu nawn kei ding uh hi.

Isaiah 28:11

A mantakin, note in ka thugen na ngaih kei uh leh Topa in a pau na theih loh uh gamdang mite, note tungah thu hong hilhsak ding hi.

Isaiah 5:26

Amah in a gamlapi-a om minam khat a sapna-in lim khat lak a, leimong panin hong pai nadingin a sam hi. Manlang takin tua mite hong pai pah hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 1:15

Bang hang hiam cih leh leilu lamah a om gam khempeuh keimah in ka sam a, amaute hong pai-in Jerusalem khua kongpite ah ahi zongin, khua kimkot a kulh kiimte ah ahi zongin, Judah gam khuapi khempeuh kiimte ah ahi zongin a kumpi tokhomte uh hong phut ciat ding uh hi.

1 KORIN MASA 14:21

Lai Siangtho sungah, “A lamdang kampau tawh amaute hopihin, minam dangteʼ pau tawh thu ka gen dinga, tua bang nangawnin hih mite in keima thugen hong ngai lo ding uh hi, ci-in Topa in a gen hi,” ci-in na kigelh hi.

Ezekiel 18:31

Na gamtatna sa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uh ah vun at lohpi ahi uh hi,” a ci hi.

Jeremiah 6:22

Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Jeremiah 5:11

Israel minamte le Judah minamte, Topa in ka cih in ah, keiʼ tungah hong thuman nawn het lo uh hi.

Jeremiah 2:26

“Guta khatpeuh a kimat ciangin a zum bangin, Israel mite, a kumpite, a uliante, a siampite, le a kamsangte uh zong a maizum ding uh hi.

Isaiah 29:6

Vanglian Topa in vanging, zin liing, a ging lianpi, pingpei le huihpi le, a kaang tum thei meikuang tawh nang hong hon ding hi.

Isaiah 29:3

Na kimkot ah hong umcihin tausangpite tawh kong um dinga, nangmah umcih nading dum ka bawl ding hi.

Isaiah 5:7

Bang hang hiam cih leh Vanglian Topa’ leenggui lo pen Israel mite hi a, Judah mite pen lungdamna tawh a suan kungte ahi hi. Amah in thutang lamen a, ahih hangin sisan luanna om hi. Thumanna lamen a, ahih hangin kahna om hi.

Daniel 7:7

Ka et lai leh sapi lina ka mu hi. Tua sapi kihtakhuai mahmah a, lipkhaphuai-in a thupi mahmah hi. Amah in a gol mahmah sik-ha a nei hi. Amah in nene-in a nek val teng a khe tawh a tuancil gawp hi. Sapi dangte tawh kibang loin amah in ki sawm a nei hi.

Piancilna 11:7

Hong pai un, amau thugen khatlekhat a kitheih loh nadingun eite pai sukin amauʼ kampau va kitukalhsak ni,” a ci hi.

Thu-hilhkikna 28:33

Na theih nai loh uh minam khat in na leitang panun a piangte le na na sep sa khempeuh uh ne tum dinga, note hong kinengniamin hong kisu gawp tawntung lel ding hi.

Late 81:5

Egypt gamah a pai lai-un Israel miteʼ tungah thupiakna-in amah in a neih ahi hi. Ka theih ngei loh kampau khat hih bangin ka za hi:

Isaiah 39:3

Tua ciangin Kumpi Hezekiah kiangah kamsang Isaiah hong pai-in, “Hih mite in bang hong gen ahi uh hiam? Koi lai panin nang kiangah hong pai ahi uh hiam?” a ci hi. Hezekiah in, “Amaute, a gamlapi, Babylon gam panin kei kiangah a hong pai uh ahi hi,” a ci hi.

Daniel 1:4

Tua mite, kumpi inn sunga nasem siamte a suah theih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Amos 6:14

Topa, Vanglian Pasian in hih bangin ci hi: No Israel mite a do dingin minam khat ka khangsak dinga, leilu lamah, Hamath khua lutna ciangka panin, leitaw lamah Arabah lui kikal dong, note hong nuai gawp ding uh hi, a ci hi.

Habakkuk 3:16

Hih thute khempeuh ka zak ciangin ka pumlinʼ a, lau lua-in ka muk liing sapsap hi. Ka guh ka taang hong zen a, guh nei lo bangin ka puk cip suk hi. Ko hong sim gawp mite Pasian in gim a piak ding hun daitakin ka ngak khikhe ding hi.