Jeremiah 5:14 - Tedim Bible Revision 2017

¹⁴ Tua ahih manin Topa, Vanglian Pasian in hong hopih a, “Amaute, tu-a bangin kampau uh ahih manin na kam sungah mei bangin ka kuansak ka thute in sing tawh kibang hih minamte kaang tum gawp ding hi.

Tedim Bible

¹⁴ Tua ahih manin Topa, a vanglian Pasian in hong gen-inah: “Amaute in tu-a bangin gen uh ahih manin na kam sunga mei banga ka kuan’sak ka thute in sing tawh kibang hih minamte kangtum zaw ding hi.

Jeremiah 5:14 Referans Kwoze

Jeremiah 23:29

Ka kammal pen mei tawh ahi a, suangtum a satnen zo sek tawh ahi zongin kibang hi lo ahi hiam, Topa in kong ci hi.

Jeremiah 1:9

Tua ciangin Topa in a khut tawh hong zam phei-in ka muk hong lawnsakin hong hopih hi. “En in, ka thute na kam sungah kong koih khinzo hi.

Hosea 6:5

Tua ahih manin note a hong thuhilh ding le note a hong taii dingin ka kamsangte kong sawl hi. No ka miteʼ gamtat ding ka deih zia kitel sinsen hi.

Zekhariah 1:6

Ahi zongin ka nasem ahi kamsangteʼ tungtawnin ka hilhkholhna le ka thupiaknate in note dongin hong su kha lo ding sa na hi uh hiam, ka ci hi. Tua ahih ciangin a tawpna ah amaute kisik uh a, hih dinga ka lungsimah ka geel sa bangin amauʼ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Isaiah 24:6

Tua ahih ciangin Topa in leitung samsiatin susia a, a tunga a teeng mite in amauʼ mawhna hangun a thuak uh hi. Tua ahih ciangin leitungah a teeng mite tawm semsem hi.