Jeremiah 5:10 - Tedim Bible Revision 2017

¹⁰ A gualin a kisuan a leenggah huan sungah pai inla, suksiatsak in; ahi zongin suk maimangsak sam kei in. A hiangte heuh khiatsak in; bang hang hiam cih leh tua a hiangte Topa aʼ hi lo hi.

Tedim Bible

¹⁰ “A gual-a a kisuan a leenggah huan sungah pai in la, suksiat sak in; ahi zongin suk maimangsak sam kei in. A hiangte heuh khiatsak in, bang hang hiam cih leh tuate Topa’ aa hi lo hi.

Jeremiah 5:10 Referans Kwoze

Jeremiah 4:27

Bang hang hiam cih leh Topa in, “Gam buppi, gamlak suak dinga, ahih hangin ka susia sam kei ding hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a hal tum sak hi.

Hosea 1:9

Tua ciangin Topa in, “Na tapaʼ min dingin ka mi hi lo a cihnopna Loammi phuak in; bang hang hiam cih leh no Israel mite, ka mi na hi nawn kei uh a, kei zong noteʼ Pasian ka hi kei hi,” a ci hi.

Jeremiah 39:8

Babylon mite in kumpipaʼ inn le midangteʼ innte hal uh a, Jerusalem khua kulhpi a susia uh hi.

Amos 9:8

Keimah in hih a khial Israel kumpi gam ka encik a, hih leitung panin amaute ka susia ding hi. Ahi zongin a vekpi-un susia mang loin pawl khat ka sitlai ding hi.

Ezekiel 14:17

Tua gam sungah gal tungsakin, mihing ganhing a siak siang dingin a husia galhiamte kizang leh,

Ezekiel 12:16

Ahi zongin gal sung, kialpi le natna sung panin tawm khat ka suaktasak dinga, minam dangteʼ lakah a omna mun panun a gamtatna sate uh a muhdah huaina phawkin, kei pen Topa ka hihna thu hong thei ding uh hi,” a hong ci hi.

Jeremiah 46:28

Topa in kong cih in ah, ka nasem Jakobʼ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin dinga, ahih hangin note kong susia khin kei ding hi. A kilawm zahin kong thuhilh dinga, gim pia loin kong mawk koih kei ding hi,” a hong ci hi.

Jeremiah 30:11

Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 5:18

“Ahih hangin tua bang hun ciang nangawnin, Topa in kong cih in ah, note kong sumai mangkhin sam kei ding hi.

2 KHANG TANGTHU NIHNATE 36:17

Tua ahih ciangin Topa in Khaldea miteʼ kumpipa amauteʼ lang khat ah paipih a, tua kumpipa in amauʼ Pasianʼ biakinn sung nangawn ah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

Jeremiah 5:9

Hih thute hangin amaute gim pia lo ding ka hi hiam? Topa in ka genin ah, hici bang minam tungah thukkik lo ding ka hi hiam?

Jeremiah 5:11

Israel minamte le Judah minamte, Topa in ka cih in ah, keiʼ tungah hong thuman nawn het lo uh hi.

2 KHANG TANGTHU NIHNATE 12:4

Amah in kulh nei khuapite la-in Jerusalem ciang dong hong tung hi.

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?