Jeremiah 5:1 - Tedim Bible Revision 2017

¹ Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khuaʼ mawhna ka maisak ding hi.

Tedim Bible

¹ Jerusalem khua sungah kileh kawikawi un. Khuadak un la, en dih un! A thuman gamtat leh thuman a zong mi khat beek na mu uh hiam, zong dih un. Na muh uh leh tua khua a mawhna ka maisak ding hi.

Jeremiah 5:1 Referans Kwoze

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a cing zo ding le gam sung a hu zo ding mi khat amaute lakah ka zong a, ahi zongin tua bang ding mi khat beek ka mu zo kei hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubaang lo miteʼ tangin ama vangliatna a lak dingin Topaʼ mit in leitung khempeuh en kawikawi hi. Hih thu ah na hai gamtat khin hi; bang hang hiam cih leh tu a kipan gal na do ding hi,” a ci hi.

Isaiah 59:4

Kuamah in thutang tawh thu na nei kei uh a, thuman tak tawh thukhen zumah na pai kei uh hi. Note in bangmah lopi suanin nei-in zuau thu na gen uh a, siat nading thu ngaihsunin buaina na piangsak uh hi.

Late 14:3

Amaute khempeuh a vekpi-un puk khin uh hi. A kibangin sia kim uh a, a hoihin a gamta khat zong om lo hi.

Paunak 20:6

Mi khempeuh pen mi citakin kigen kim uh hi; ahi zongin a citak takpi ding mi kimu zo ding ahi hiam?

Late 12:1

Topa aw, hong huh in; bang hang hiam cih leh mihingte lak panin mi thumante maimang ta a, mipha khat zong om nawn lo hi.

2 THESALONIKA NIHNA 2:10

gitloh khemna a nam tuamtuam zangin, siatna a thuak ding mite a khem ding hi. Tua bang mite in a suahtak nadingun thuman sang nuam lo, deih lo uh ahih manin siatna a tuak uh ahi hi.

Luka 14:21

Tua ahih ciangin a nasem pa hong ciahin a topa kiangah hih thute hong zasak hi. Tua ciangin innteek pa a heh suak a, a nasem pa kiangah, ‘Khua sung kongzing khempeuh ah va pai inla, mizawng, khe zaw, mittaw le khebai mite hong paipih in,’ ci-in a sawl leuleu hi.

Zekhariah 2:4

Tua ciangin vantungmi a masa pa in a dawntuah pa kiangah, “Va tai inla, tehna khau a tawi tangvalpa kiangah hih thu va gen in. Jerusalem khua sungah mihing le ganhing tam mahmah ding ahih manin Jerusalem kulh huam sungah ta zo lo ding uh hi.

Amos 8:12

Mihingte, leilu pan leitaw dong, Topaʼ thu kanin vak kawikawi ding uh a, ahi zongin mu zo lo ding uh hi.

Joel 2:9

Khuapi sung hong kidenna uh a, kulh tung khawngah tai zaizai uh hi. Inn tung khawngah kah to ngeingai uh a, gutate bangin tawlet ah hong lut uh hi.

Daniel 12:4

Tu-in Daniel aw, beina hun a tun mateng laibu khupcip inla, a tungah ciaptehna koih in. A kallak ah mi tampite in bang thu piang hiam cih thei tel nuamin a hanciam ding uh hi,” a hong ci hi.

Solomon la 3:2

Tho-in khua sung tengah ka vak a, kongzing kawm tengah ka pai kawikawi a, ka ngaihno ka zong a, ka zonzon hangin ka mu zo kei hi.

Paunak 23:23

Thuman, pilna, siamna, thungaihsut theihna lei in; zuak khiat dingin tuate pammaih lua hi.

Paunak 8:3

khuapi lutna lampi gei ah, mi omna kongpi tual ah hong kiko a,

1 KUMPI MASATE 19:10

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

Jeremiah 2:29

Kei na hong mawhsakna uh bang thu teng tawh ahi hiam? Na vekpi-un kei nong langpan khin uh hi, Topa in kong ci hi.

Jeremiah 44:15

Tua ciangin a zite un pasian dangte kiangah paknamtui a hal lam a thei papi khempeuh le tua lai ah a ding nupi khempeuh a kipan Egypt gam leitaw lamah a teeng mi khempeuh, a vekpi-in mi tampi tak in kei kiangah,

Late 14:2

A pil gamtat, Pasian a zong a om uh hiam, cih a theih nadingin Topa in vantung panin mihingte hong en suk hi.

Late 94:16

Kei adingin migilote a do dingin kua kipan ahi hiam? Kei adingin siatna a bawlteʼ lang khat ah kua ding ahi hiam?

Jeremiah 8:6

Amauʼ thugente ka ngaihsak a, kuamah in thuman gen lo uh hi. A gitlohna uh panin kuamah kisik lo a, ‘Bang hih ka hi hiam?’ ci lel uh hi. Sakol galsim ding a tai bangin amauʼ tum ciatin a pai uh hi.

Jeremiah 9:2

Sehnel gamlak ah khawl nading bukno khat nei thei-in ka mite nusia-in a taisan thei hi leng ka ut hi. A vekpi-un angkawm hat hi khin uh a, thuman lo kim uh hi.

Jeremiah 9:7

Tua ahih manin Vanglian Topa in a cih in ah, “En un, amaute a siantho nadingun suangtui-in ka ze-et ding hi. Tua lo ka mite bang cih nawn ding ka hi hiam?

Ezekiel 9:9

Tua ciangin amah in hong dawng a, “Israel mite le Judah miteʼ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.