Jeremiah 49:8 - Tedim Bible Revision 2017

⁸ Dedan gamah a teengte aw, kihei unla galtai un; guam sungah bu un. Bang hang hiam cih leh gim ka piak ni ciangin Esauʼ suanlekhakte tungah siatna ka tungsak ding hi.

Tedim Bible

⁸ Dedan gama teengte aw, Kihei un la, gal tai un; guam sungah bu un! Bang hang hiam cih leh ka daantat ni ciangin Esau’ suan leh khakte tungah siatna ka tung sak ding hi.

Jeremiah 49:8 Referans Kwoze

Jeremiah 25:23

Dedan, Tema, Buz khuapite; a sam uh a tommet khempeuhte;

Jeremiah 46:21

A galkap cialte nangawn amauteʼ lakah bawng no hat lote a bang lel uh hi. Pang loin, do tentan lo uh a, nungkikin a taikeek uh hi. Bang hang hiam cih leh amauʼ kisiat ding ni, amauʼ gimthuak ding ni, hong tung zo hi.

Jeremiah 49:30

“Hazor khua ah a teeng mi khempeuhte aw, Topa in kong cih in ah, gamlapi ah tai mang unla, guam thuk sungah bu un. Bang hang hiam cih leh Babylon kumpipa Nebukhadnezzar in note a hong langpang dingin geelna le ngimna a nei khinzo hi.

Isaiah 21:13

Arabia gam tawh kisai thu hih bangin gen hi: Dedan mi khualzin honte aw, Arabia gamlak ah na giak ding uh hi.

Mangmuhna 6:15

Tua ciangin leitung kumpite le mi liante, galkap maangte, mihaute le mi vangliante, silate le sila ahi lote a kipanin a kuamah peuh, mual tunga leihawmte sungah bu uh a,

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tung zo ta!”

Jeremiah 49:32

“A kalaohte uh kisuh khiatsak dinga, a bawnghonte uh kilaksak mang ding hi. A sam uh a mettom amaute mun khempeuh ah ka kithehthangsak ding hi. Mun khempeuh panin amaute tungah siatna ka tungsak ding hi, Topa in kong ci hi.

Jeremiah 48:44

Lauhuaina pan a taisim mite dum sungah a kia ding hi. Dum sung panin a hong kah khiato mite, thang ah a awk veve ding hi. Bang hang hiam cih leh Moab gim ka piak ni-in hih thute ka tungsak ding hi, Topa in kong ci hi.

Jeremiah 48:28

Moab gam a teeng mite aw, khuapite nusia unla, kawl lakah teeng un! Keen pangah vakhu bu bawl bangin va om un.

Jeremiah 48:6

‘Tai un! Na suahtak nadingun tai un! Sehnel gam a gamlak late bangin tai mang un!’ a ci uh hi.

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

1 SAMUEL MASA 13:6

A galte in Israel mite neh mahmah ahih manin amaute haksatna sungah a om lam uh a kitheih uh ciangin suanghawm sung, leihawm sung, suang kawmlak, han lak le tuikhukte sungah bu uh a,

Thukhente 6:2

Israel-te tungah Midian-te gualzo uh hi. Midian-teʼ kiang panin a buk nadingun leihawmte le mun muanhuaite a bawl uh hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a sia mang dinga ka seh sa Edom mite tungah thu a khen dingin hong kum suk ding hi.

Ezekiel 25:13

Tua ahih ciangin Edom mite gim pia-in, a mihing a ganhingin ka thahmangna ding thu tu-in kong pulak hi. Teman khuapi pan a kipan Dedan khuapi dongin a gam sung khempeuh uh gamkhing ka suaksak dinga, a mite khempeuh uh gal sungah si ding uh hi.

Malakhi 1:3

Esau le a suan a khakte ka mudah hi. Esauʼ neih mual tung gamte ka susia a, gamsate tungah ka pia hi,” ci hi.

Malakhi 1:4

Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.