Jeremiah 49:7 - Tedim Bible Revision 2017

⁷ Edom gam tawh kisai-in Vanglian Topa in a genin ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Tedim Bible

⁷ Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Jeremiah 49:7 Referans Kwoze

Jeremiah 49:20

Ka mai ah kua kumpi hong ding ngam ding ahi hiam? Tua ahih manin Edom miteʼ thuak ding le Teman gam a teeng miteʼ gim nadingin Topaʼ geelna le ngimnate ngai dih un. A ta ngeekte nangawn uh kikai khia ding hi. Mi khempeuh lau taktak ding uh hi.

Jeremiah 25:21

Edom, Moab le Ammon mite;

Piancilna 36:15

Esauʼ suante hih bang ahi hi. Esauʼ ta masa Elifazʼ tate: Teman, Omar, Zefo, Kenaz,

Piancilna 25:30

Esau in Jakob kiangah, “Gil kialin phukhong vei ka hih manin tua na meh san tawm khat hong nesak in,” a ci hi. (Tua ahih manin ama min Edom kici hi.)

JOB (Job) 2:11

Jobʼ lawmte thum, Teman khuami Elifaz, Shuah gam mi Bildad le Naamah gam mi Zofar te in Job in a thuak gimna thu teng a zak uh ciangin a inn ciat panun amah a hehnem ding le a hanthawn dingin kituahin hong pai khawm uh hi.

Piancilna 36:11

Elifazʼ tapate: Teman, Omar, Zefo, Gatam le Kenaz ahi hi.

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthanna vang in vanpi tuam a, leitung khempeuh, amah phatna tawh kidim hi.

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Daniel 11:41

Amah in Thuciamna Gam zong sim dinga, mi tul tampi tak a that ding hi. Ahih hangin Edom gam, Moab gam le Ammon gam sungah a om lai sunteng a suakta ding uh hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amauʼ mipilteʼ pilna kisia dinga, amauʼ thu-mu-theiteʼ thu muhtel theihna kiseel ding hi,” a ci hi.

Late 137:7

Topa aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

JOB (Job) 4:1

Tua ciangin Teman khuami Elifaz in thu hong gen a,

1 KHANG TANGTHU MASATE 1:53

Kenaz, Teman, Mibzar,

Thu-hilhkikna 23:7

“Edom mite khatpeuh na mudah kei ding uh hi. Bang hang hiam cih leh amaute na sanggam uh ahi hi. Egypt mi khatpeuh na mudah kei ding uh hi. Bang hang hiam cih leh amauʼ gamah peemta na hi ngei uh hi.

Piancilna 36:34

Jobab si a, Teman miteʼ gam mi Husham in ama tangin a uk hi.

Piancilna 36:8

Tua ahih ciangin Seir mual tung gamah Esau teeng hi. Esauʼ min dang khat pen Edom ahi hi.

Piancilna 27:41

A pa in amah thupha pia khin ahih manin tua thupha hangin tu-in Esau in Jakob mudah a, Esau in, “Ka paʼ sihna hangin dah nading hun hong nai ta hi. Tua khit ciangin ka sanggampa Jakob ka that ding hi,” ci-in ngaihsun hi.

Piancilna 32:3

Jakob in Edom gam, Seir leitang ah a om a sanggampa Esau kiangah kamtaite ma sawl a,

Jeremiah 8:9

Na mipilte uh maizum ding uh a, lungmangin a cih nading a thei kei ding uh hi. En un, amaute in Topaʼ thu nial uh hi. Bang pilna nei nawn ahi uh hiam?

Jeremiah 12:14

Ka mi Israel-teʼ luah dingin ka piak gamh a susia nuam a gilo a veengte tawh kisai-in Topa in ka cih in ah, “En un, a gam uh panin amaute ka bot khia dinga, amauʼ khut sung panin Judah mite ka suaktasak ding hi.

Jeremiah 25:23

Dedan, Tema, Buz khuapite; a sam uh a tommet khempeuhte;

Ezekiel 32:29

“Edom zong a kumpite le a gam ukte tawh tua lai mahah om hi. Amaute pen a thahat galkapte hi a, ahi zongin tu-in Pasian a thei loin gal sung a a site lak, misiteʼ gam Leinuai ah a lum uh hi.

Isaiah 21:11

Edom gam tawh kisai thu hih bangin gen hi: Seir mual tung panin khat in kei hong sam a, “Galvil pa aw, tu zan bangci hiam? Galvil pa aw, tu zan bangci hiam?” hong ci hi.

Kah la 4:21

Edom le Uz mite aw, tu-in nuinui mai unla, ahih theih lai teng kipak un. Bang hang hiam cih leh siatna hun hong tung dinga, a hong tun ciangin na guaktangun omin, maizumin na om ding uh hi.