Jeremiah 49:5 - Tedim Bible Revision 2017

⁵ Vanglian Topa Pasian in kong genin ah, na kiim na pamte uh kiang panin note tungah gimna kong tungsak ding hi. Note hong kihawl khia dinga, mi khempeuh amau tum ciatin taikeek ding uh a, a hong kaikhawmkik ding kuamah om lo ding hi.

Tedim Bible

⁵ En in, a vanglian Topa Pasian in kong cih-inah, na kim na pam panin nang tungah gimna kong tung sak ding hi. Nang hong kihawlkhia ding a, mi khempeuh amau’ tum ciatin a tai kek ding uh a, hong kaikhawm kik ding kuamah om lo ding hi.

Jeremiah 49:5 Referans Kwoze

Jeremiah 49:29

A puanbukte uh le a tuuhonte uh a kipan a buk kongkhak puante uh le a nate khempeuh uh kilaksak ding hi. A kalaohte uh kipaikhiat pih dinga, ‘Mun khempeuh ah launa!’ ci-in a kiko ding uh hi.

Jeremiah 46:5

“A bangci mawk ahi hiam? Amaute lungmangin a nungkik ta uh hi. A galkapte uh kilehhawl a, lau-in tai keek mang mawk uh hi. Kinunglehheikik lo uh hi; mun khempeuh ah launa vive!

Amos 4:3

Na omna uh tawh a kinai pen kulh vang tawnin, ganhing si sa kaihkhiat bangin hong kikai khia dinga, ninlom lakah hong kilawn khia ding hi,” Topa in ci hi.

Jeremiah 20:4

Bang hang hiam cih leh Topa in hong cih in ah, ‘En in, keimah in nang le na lawmteʼ lau nadingin nang kong bawl ding hi. Babylon kumpipaʼ khut sungah Judah gam khempeuh ka pia ding hi. Amah in sal dingin amaute Babylon khua ah paipih dinga, namsau tawh a that lum ding hi.

Jeremiah 15:8

Tuipi a sehnel omzah sangin nupi meigong ka tamsak zaw ding hi. Na tangvalte uh a khan laitakin ka that dinga, a nute uh ka lunggimsak ding hi. Noteʼ tungah thakhat thu-in lungkhamna le launa ka hong tungsak ding hi.

Isaiah 16:3

Amaute in Judah mite kiangah, “Kote tungah thuhoih hong lak unla, thutangin hong gamta un. Sunkim laitak a sing liim bangin kote hong liah un. A kihawl khia kote hong seel unla, galtai kote hong heek kei un.

Paunak 28:1

Kuama delh lohpi-in migilote tai mang a, mi thumante ahihleh humpinelkai bangin a hang uh hi.

JOB (Job) 15:21

Launa ding awging a bilah za ngitnget dinga, lungmuangin a om laitakin gutate in buluh ding hi.

2 KUMPI NIHNATE 19:7

En un, keimah in ama tungah thu khat ka piangsak dinga, amah in kamdawn khat za-in a gamah ciahkik ding hi. Ama gam mahah namsau tawh amah a tuk nading ka piangsak ding hi,” ci hi,’ ci un,” a ci hi.

Joshua 2:9

tua mite kiangah, “Topa in noteʼ tungah hih leitang hong piak khitna ka thei a, note ka hong kihta mahmah uh hi. Hih gam sunga a teeng mi khempeuh noteʼ hangin lunggim uh hi.

Jeremiah 16:16

“En un, Topa in kong cih in ah, ngabeng tampi ka khah dinga, amaute ka mansak ding hi. Tua khit ciangin sabeng tampi ka khah dinga, amaute in mual tung khempeuh le suanghawmte lakah amaute a beng ding uh hi.

Kah la 4:15

Mite in, “Pai khia un, mi ninte aw, hong lawng kha kei un,” ci-in a kiko uh hi. Tua bangin minam khat khit nam khat kiangah pai kawikawi uh a, ahih hangin kuamah in amaute a ngai kei uh hi.

Jeremiah 6:25

Gamlak ah paikhia kei unla, lampi ah zong pai dah un. Bang hang hiam cih leh i galte in namsau tawi uh a, i kimkot khempeuh a lauhuai hi.