Jeremiah 49:22 - Tedim Bible Revision 2017

²² En un, muvanlai bangin manlang takin galte hong leengin Bozrah khua a sim dingin tua khua tungah a kha hong zal ding uh hi. Tua ni ciangin Edom galkapte pen nupi nausuak dingte bangin a lau ding uh hi,” a ci hi.

Tedim Bible

²² En un, galte in muvanlai bangin manlang takin hong leengin Bozrah khua tungah a sim dingin a kha hong zal ding uh hi. Tua ni ciangin Edom galkapte in nupi nausuak dingte bangin a lau ding uh hi,” a ci hi.

Jeremiah 49:22 Referans Kwoze

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Isaiah 13:8

Amaute in gim mahmahna le nat velvalna thuak ding uh a, numei nausuak ding bangin na sa ding uh hi. Amaute khatlekhat lamdangsakna tawh ki-en ding uh a, a maitangte un gimna mel pua ding hi.

Jeremiah 49:24

Damaskas khua mite tha zaw mahmah uh a, a tai mang dingin a kithawi uh hi. Lungkhamna, dahna le launa in amaute lencip a, nupi nausuak ding bangin a om uh hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahihleh bang hangin pasal khempeuh in numei nausuak dingte bangin a tai uh hum ahi uh hiam? Bang hangin a mai uh ah si teeng lo ahi hiam?

Jeremiah 6:24

Tua thu i za a, bangmah i cih thei kei hi. Lungkhamna in hong lencip a, nupi nausuak ding bangin na i sa hi.

Jeremiah 4:13

En un, meii bangin i gal pa hong pai a, a sakol leengte pingpei tawh kibang a, a sakolte muvanlai sangin manlang zaw hi. Gimna i thuak ding hi; bang hang hiam cih leh gal lel ding ihi ta hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amauʼ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, noteʼ lang khat ah hong paipih dinga,

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Daniel 7:4

A masa pen humpinelkai tawh kibang a, ahi zongin muvanlai kha tawh a kibang kha a nei hi. Ka et laitakin a kha tegel a hong kibot khia hi. Leitung panin tua ganhing kidom kaang to-in, mihing bangin a khe nihin kidingsak a, mihing lungsim ama tungah a kipia hi.

Jeremiah 22:23

Lebanon gam panin a kila taamtak inn sungah nuam takin na teeng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 13:21

Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Jeremiah 4:31

Nau a suak ding numei a kiko bang khat ka za a, tacil a suak numeiʼ tauna tawh kibang hi. Zionʼ tanu husam liangin a kikona aw na hi a, a khut tegel zakin, “Gimna ka thuak ding hi. Kei hong that ding uh hi,” a ci hi.

Isaiah 26:17

Topa aw, nangma hangin kote pen naupaii numei a hun a nai ciangin na sa-in kiheek a, a kap tawh ka kibang uh hi.

Isaiah 21:3

Tua ahih ciangin ka kawng na a, nausuak numei in na a sak bangin na ka sa hi. Khua a za thei lo zah dongin a kuncipin ka om a, khua a mu thei lo zah dongin lungkia-in ka om hi.

Late 18:5

Leinuai sihna khaute in kei hong kancip a, sihna thangte in kei hong dawntuah hi.

Paunak 30:19

Vanah musane a leen theihna zia, suangpi tungah gul a pai theihna zia, tuipi tungah teembaw a pai theihna zia, le nungak tangval a kingaihna zia.

Isaiah 11:14

Ahih hangin amaute in nitumna lam a om Filistia mite simkhawm ding uh a, nisuahna lam a om mite luh khawm ding uh hi. Amaute in Edom mite le Moab mite zo gawp ding uh a, Ammon mite in amauʼ thu mang ding uh hi.

Jeremiah 50:36

Kamsang zuau mihaite namsau tawh kithat tahen! A meidawi a galkapte namsau tawh kithat tahen!

Obadiah 1:9

Teman khua aw, Esauʼ gamah mi khempeuh a kithahlup khit nadingin na galhangte a meidawi ding uh hi.

Jeremiah 50:43

Babylon kumpipa in tua thu za khinzo a, bangmah a cih thei kei hi. Lungkhamin lumcip a, nupi nausuak ding bangin na a sa hi.