Jeremiah 49:10 - Tedim Bible Revision 2017

¹⁰ Ahih hangin Esauʼ suanlekhakte khempeuh ka guaksuaksak a, a bukna munte uh ka kilangkhiasak hi. Tua ahih manin a bu thei nawn kei uh hi. A tate uh, a sanggamte uh, le a veengte uh si khin uh a, khat beek a suakta kei hi.

Tedim Bible

¹⁰ Ahih hangin Esau’ suan le khakte khempeuh ka guaksuak sak a, a bukna munte uh ka kilangkhia sak hi; tua ahih manin a bu thei nawn kei uh hi. A tate uh, a sanggamte uh leh a innvengte uh, si khin a, khat beek a suakta kei hi.

Jeremiah 49:10 Referans Kwoze

Isaiah 17:14

En un, nitakin hong lausak a, zingsang ma-in amaute bei ta! Hih bang thute pen eite hong susia-in eite a hong luh gawpte in a thuak ding uh ahi hi.

ROM (Romans) 9:13

Tua mah bangin Lai Siangtho sungah, “Jakob ka it a, Esau ka mudah hi,” ci-in kigelh hi.

Obadiah 1:9

Teman khua aw, Esauʼ gamah mi khempeuh a kithahlup khit nadingin na galhangte a meidawi ding uh hi.

Amos 9:3

Karmel mual dawnah a buk uh hangin, amaute zongin ka man khia dinga, keima kiang panin tuipi tawng sungah bu ta le-uh zong, tuipi gulpite in a tuk nading thu ka pia ding hi.

Jeremiah 23:24

Mi khat peuhpeuh keiʼ muh loh dingin busim thei ding ahi hiam, Topa in kong ci hi. Leitung, vantung, mun khempeuh ah ka om lamtak thei lo na hi uh hiam, Topa in kong ci hi.

Late 37:28

Bang hang hiam cih leh Topa in thutang deih a, ama mi siangthote nusia lo ding hi. Thuman mite kikemcing den dinga, ahi zongin migiloʼ suanlekhakte kipuaseh ding hi.

Jeremiah 13:26

Kei mahmah in na nik kong hawksak dinga, kong maizumsak ding hi.

Kah la 4:22

Jerusalem in a mawhna thaman a sang khinzo ta ahi hi. Ka thuak ding uh a nasia penpen teng ka thuak khinzo ta uh hi. Ahi zongin Edom aw, Topa in nang gim hong pia dinga, na mawhna khempeuh a hong pholak ding hi.

Obadiah 1:6

Ahih hangin Esau kibuluh khinzo a, a sum a pai khempeuh a kilaksak zo hi.