Jeremiah 49:1 - Tedim Bible Revision 2017

¹ Ammon mite tawh kisai-in Topa in a genin ah: “Israel mite in tapa nei lo ahi uh hiam? Innluah ding nei lo ahi uh hiam? Bang hangin Milkom pasian biate in Gad gam la-in a khuapite sungah teng ahi uh hiam?

Tedim Bible

¹ Ammon mite tawh kisai-in Topa in a gen-inah: “Israel mite in tapa nei lo uh ahi hiam? Inn luah ding nei lo uh ahi hiam? Bang hangin Milkom pasian biate in Gad gam la-in a khuapite sungah teeng uh ahi hiam?

Jeremiah 49:1 Referans Kwoze

Thu-hilhkikna 23:3

“Ammon mite ahi a, Moab mite ahi zongin Topa ading kikhopna sungah lut thei lo ding uh hi. A khang sawmna dong nangawnun Topa ading kikhopna sungah lut thei ngei peuhmah lo ding uh hi.

Jeremiah 49:7

Edom gam tawh kisai-in Vanglian Topa in a genin ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Jeremiah 25:21

Edom, Moab le Ammon mite;

2 KHANG TANGTHU NIHNATE 20:1

Hih thu khit ciangin Moab mite le Ammon mite le Meunim mite pawl khat, Jehoshafat a sim dingin hong kuan uh hi.

Jeremiah 49:28

Babylon kumpipa Nebukhadnezzar in a zawh Kedar minamte le Hazor khua ukte tawh kisai-in Topa in a cih in ah: “Kisa un, Kedar mite va sim un! Nisuahna lamah a om amaute va that lum un!

Jeremiah 49:23

Damaskas khua tawh kisai-in Vanglian Topa in a genin ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

Jeremiah 48:1

Moab gam tawh kisai-in Vanglian Topa, Israel miteʼ Pasian in a genin ah: “Nebo mite in gimna a thuak ding uh hi. Bang hang hiam cih leh a gam uh a kisia ding hi. Kiriathaim khua kila khinzo a, a kulhpite uh cim khinta hi. A mite in maizumna thuak uh a,

Jeremiah 27:3

Edom kumpipa tung, Moab kumpipa tung, Taiar kumpipa tung le Sidon kumpipa tungah, Judah kumpipa Zedekiah tawh kimu dingin Jerusalem khua ah a hong pai a kumpi taangmiteʼ tungtawnin thu zasak in.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Late 83:7

Gebal, Ammon le Amalek mite, Filistia le Taia khua mite tawh thuciam a bawl uh hi.

Late 9:6

Siat denna sungah galte bei mang hi. A khuate uh na zunglot a, amaute kiphawk kha nawn lo hi.

Nehemiah 4:7

Ahi zongin Sanballat, Tobiah, Arab mite, Ammon mite le Ashdod mite in Jerusalem kulh cian nasep kizom suakin, kulh vang teng huk ding a kipat khitna thu a zak uh ciangin heh mahmah uh hi.

Nehemiah 2:19

Ahi zongin Horonaim khuami Sanballat, Ammon mi sal ahi Tobiah le Arab gam mi ahi Geshem in tua thu a zak uh ciangin, kote zahpihna le simmawhna tawh, “Hih na sep uh bang ahi hiam? Kumpipa lehpan na hi uh hiam?” hong ci uh hi.

2 KHANG TANGTHU NIHNATE 20:23

Bang hang hiam cih leh Ammon mite le Moab mite in Seir Mual a, a teengte a do dingin kipanin amaute susia mang uh a, Seir-a a teengte a beisak khit uh ciangin amaute khatlekhat kisusia uh hi.

2 KUMPI NIHNATE 24:2

Tua ciangin ama nasem kamsangte tungtawnin a gen Topaʼ thugenna bangin Judah a susia dingin ama lang khat ah Topa in Khaldea mihonte, Syria mihonte, Moab mihonte le Ammon mihonte a sawl hi.

2 KUMPI NIHNATE 10:33

Jordan panin nisuahna lam, Gilead gam khempeuh, Gad mite, Reuben mite le Manasseh mite, Arnon kuam gei-a om Aroer panin Gilead le Bashan gam khempeuh a zo gawp hi.

Thu-hilhkikna 2:19

Ammon miteʼ leitang na neih dingun khat zong hong pia lo ding ka hih manin, Ammon miteʼ gamgi na nai uh ciangin amaute gimsak kei unla, amaute tawh kido kei un; bang hang hiam cih leh a neih dingun Lotʼ suanlekhakte tungah ka pia khin hi,’ hong ci hi.

Piancilna 19:38

A nau in zong tapa khat nei-in a min Benammi phuak a, amah pen tu donga Ammon miteʼ pianna pupi ahi hi.

Thu-hilhkikna 23:4

Bang hang hiam cih leh Egypt panin na paikhiat lai-un lampi ah anletui tawh amaute in note hong dawn lo uh a, note hong samsia dingin Mesopotamia gam Pethor khua panin Beorʼ tapa Balaam cial uh hi.

Jeremiah 12:14

Ka mi Israel-teʼ luah dingin ka piak gamh a susia nuam a gilo a veengte tawh kisai-in Topa in ka cih in ah, “En un, a gam uh panin amaute ka bot khia dinga, amauʼ khut sung panin Judah mite ka suaktasak ding hi.

Zefaniah 1:5

Innkhum zang ah kah to-in, ni, kha le aksi a bia mi khempeuh ka susia dinga, keimah hong bia-in, keima tungah thuman ding gen napi-in, Milkom pasianʼ min tawh a kiciam teiteite zong, ka susia ding hi.

Ezekiel 21:25

“A gilo, a siangtho lo, Israel gam uk migilo pa aw, nangʼ hun zong hong tung ta a, gim na tuah ding ni hi ta hi.

Ezekiel 25:1

Topa in kei kiangah thu hong gen a,