Jeremiah 48:44 - Tedim Bible Revision 2017

⁴⁴ Lauhuaina pan a taisim mite dum sungah a kia ding hi. Dum sung panin a hong kah khiato mite, thang ah a awk veve ding hi. Bang hang hiam cih leh Moab gim ka piak ni-in hih thute ka tungsak ding hi, Topa in kong ci hi.

Tedim Bible

⁴⁴ Lauhuaina pana a taisim mite dum sungah a kia ding hi. Dum sung pan a, a hong kah khia mite, thang ah a awk veve ding hi. Bang hang hiam cih leh Moab ka daantah ni-in hih nate ka tung sak ding hi, Topa in kong ci hi.

Jeremiah 48:44 Referans Kwoze

Jeremiah 11:23

Anathoth khua mite tungah siatna tungsakin gim ka piak hun ciangin a suakta kuamah a om nawn kei ding uh hi,” a ci hi.

1 KUMPI MASATE 19:17

Jehu in Hazaelʼ namsau panin a suakta peuhpeuh that ding hi. Elisha in Jehuʼ namsau panin a suakta peuhpeuh that ding hi.

Amos 5:19

Humpinelkai kihta-in vompi a tuak pa tawh kibang ding hi. Tua ahih kei leh mi khat a inn ah hong tai a, a kawmah a khut a ngak ciangin gul in a tuk tawh kibang ding hi.

Jeremiah 46:21

A galkap cialte nangawn amauteʼ lakah bawng no hat lote a bang lel uh hi. Pang loin, do tentan lo uh a, nungkikin a taikeek uh hi. Bang hang hiam cih leh amauʼ kisiat ding ni, amauʼ gimthuak ding ni, hong tung zo hi.

Micah 7:4

Amaute lakah a hoih penin a kineite, lingkung bang hi a, a thutang pen a kineite, ling hiam bang hi lel uh hi. Pasian in amaute a hilhkholh bangin, gim a piak ding hun hong tung ta a, a lungmanʼ hun ding uh hong hi ta hi.

Hosea 9:7

Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

Jeremiah 51:18

Kimanna a nei lo, a haihuaipi hi a, gim a kipiak ni ciangin a kisia ding uh hi.

Jeremiah 23:12

Tua ahih manin amauteʼ lampi pen khuamial lak lamnal hi dinga, amaute kinot khia gawpin a tuk ding uh hi. Bang hang hiam cih leh amauteʼ gimthuak ding hun hong tun ciangin amaute tungah gimna ka tungsak ding hi, Topa in kong ci hi.

Jeremiah 16:16

“En un, Topa in kong cih in ah, ngabeng tampi ka khah dinga, amaute ka mansak ding hi. Tua khit ciangin sabeng tampi ka khah dinga, amaute in mual tung khempeuh le suanghawmte lakah amaute a beng ding uh hi.

Jeremiah 10:15

Kimanna a nei lo, a haihuaipi hi a, gim a kipiak ni ciangin a kisia ding uh hi.

Isaiah 24:18

Lauhuaina panin a tai mipa gum sungah kia dinga, gum sung panin a taikhiat ciangin thangzak sungah awk ding hi. Bang hang hiam cih leh van panin guahpi hong bua sukin leitung bulpite kiliing ding hi.

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

1 KUMPI MASATE 20:30

Tua ciangin a omlaite Afek khuapi ah tai uh a, ahi zongin tuate mi tul sawm nih le tul sagih pen khuapi kulh in cipnelh hi. Benhadad zong tai a, khuapi sunga inn dei sung nung khat ah a lut hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawn khia ding uh hi, Topa in kong ci hi.

Jeremiah 50:24

Babylon khua aw, nang thang kong siah a, thei lo na hih manin na awk pah hi. Topa langpang na hih manin nang hong kimu-in hong kiman hi.

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tung zo ta!”

Kah la 3:47

Siatna bekbek tawh kidimin, kihtakna le launa tawh ka nungta uh hi.

Isaiah 24:17

Leitung a a teeng mite aw, note adingin launa, gum le thangzakte om hi.

Jeremiah 49:8

Dedan gamah a teengte aw, kihei unla galtai un; guam sungah bu un. Bang hang hiam cih leh gim ka piak ni ciangin Esauʼ suanlekhakte tungah siatna ka tungsak ding hi.