Jeremiah 48:42 - Tedim Bible Revision 2017

⁴² Moab kisusia dinga, a minamin a om nawn kei ding hi. Bang hang hiam cih leh Topa demin a kiliansak uh hi.

Tedim Bible

⁴² Moab kisusia ding a, a minam-in a om nawn kei ding hi. Bang hang hiam cih leh Topa dem-in kiliansak uh hi.

Jeremiah 48:42 Referans Kwoze

Jeremiah 48:2

Moab gam a minthanna bei ta hi. Heshbon khua ah a galte un a simna ding uh vaihawm uh a, ‘Hong pai un, Moab gam i beisak mang ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nung delh ding hi.

Isaiah 37:23

Nang in kua zahko-in kua a simmawh na hi hiam? Nang in kuaʼ tungah na aw sangsakin kiphasak na hi hiam? Israel-teʼ Siangtho Pa, keiʼ tungah a hong tua ci na hi hi.

Isaiah 7:8

Bang hang hiam cih leh Syriaʼ lutang, Damaskas khuapi hi a, Damaskasʼ lutang, Rezin ahi hi. (Kum sawm guk le kum nga sungin minam ahi zo nawn lo zah dongin Efraim kitamzan gawp ding hi.)

Mangmuhna 13:6

Tua ahih manin Pasian, ama min, a omna mun le vantungah a omte khempeuh samsia-in a ko gawpgawp hi.

2 THESALONIKA NIHNA 2:4

Tua A Gilopa in miteʼ biak pasian a kici khempeuh le na khempeuh nial gawp ding hi. Tuate khempeuh sangin a lian zaw-in a kingaihsut banah, Pasian ka hi hi, ci-in Pasianʼ biakinn sung mahmah ah pai-in va tu ding hi.

Mattiu 7:2

Bang hang hiam cih leh midangteʼ thu na khen zia uh tawh kizui-in note tungah hong khen dinga, midangte tungah na zat uh ngeina mah note tungah hong zang ding hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Jeremiah 30:11

Bang hang hiam cih leh Topa in kong cih in ah, a hong hon khia dingin note kong ompih hi. Note ka hong thehthangna gamte khempeuh ka susia dinga, ahih hangin note kong susia kei ding hi. A kilawm zahin kong thuhilh dinga, gim pia loin kong mawk nusiat kei ding hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Isaiah 16:14

Ahih hangin tu-in Topa in, “Nasem dingin a kicial kum hunte sung bangin, kum thum sungin, ama mihon tampite om taseleh Moabʼ minthanna in simmawhna thuak dinga, a suakta lai mite pen tawm mahmah in, thaneem ding uh hi,” a ci hi.

Ezekiel 35:13

Kei hong gensia-in na kiphatsak paunate khempeuh a vekin ka za khin hi.